የTwitter ህጎች

የTwitter ዓላማ የህዝብ መግባቢያን ለማገልገል ነው። ጥቃት፣ ትንኮሳ እና ሌሎች ተመሳሳይ ባህሪያት ሰዎች ራሳቸውን ለመግለጽ እንዳይበረታቱ ያደርጋሉ፣ እና በመጨረሻም የዓለም-አቀፍ የህዝብ መግባባትን ያጠፋሉ። የእኛ ህጎች ሁሉም ሰዎች በነጻነት እና በደህንነት ህዝባዊ መግባባት ውስጥ መሳተፍ እንዲችሉ ለማረጋገጥ የተቀመጡ ናቸው።
 

የደህንነት ስጋት ማስወገድ


ጥቃት፥
ግለሰብ ወይም የሰዎች ቡድን ላይ ጥቃት ለማድረስ ማስፈራራት የለብዎትም። እንዲሁም ጥቃት ማውደስን እንከለክላለን። ስለ የእኛ ኃይለኛ ማስፈራሪያ እና የጥቃት ማውደስን ፖሊሲዎች የበለጠ ይማሩ። 

ሽብር/ጥቃት ያለው ጽንፈኝነት፥ ሽብር ወይም ጥቃት ያለው ጽንፈኝነትን ለማድረስ ማስፈራራት ወይም ማስተዋወቅ የለብዎትም። የበለጠ ይማሩ

የልጅ ወሲባዊ ብዝበዛ፥ እኛ በTwitter ላይ ለልጅ ወሲባዊ ብዝበዛ ዜሮ ትግዕስት አለን። የበለጠ ይወቁ

ስድብ/ትንኮሳ፥ ዒላማ የተደረገ የአንድ ሰው ትንኮሳ ውስጥ መሳተፍ፣ ወይም ሌሎች ሰዎች ያንን እንዲያደርጉ ማነሳሳት የለብዎትም። ይህም አንድ ሰው አካላዊ ጉዳት እንዲገጥመው መመኘት ወይም ተስፋ ማድረግን ያካትታል። የበለጠ ይወቁ

የጥላቻ ጸባይ፥ በዘር፣ ብሔር፣ ብሄራዊ አመጣጥ፣ መደብ፣ የጾታ ዝንባሌ፣ ጾታ፣ ጾታዊ ማንነት፣ ሃይማኖታዊ ምርጫ፣ እድሜ፣ አካል ጉዳተኝነት፣ ወይም ከባድ በሽታ ላይ በመመስረት ሌሎች ሰዎች ላይ ጥቃት እንዲደርስ ማበረታታት፣ ማስፈራራት፣ ወይም ትንኮሳ ማድረስ የለብዎትም። የበለጠ ይወቁ። 

የጸባዊ ጥቃቶች አድራጊዎች፥ እኛ በሽብር፣ ጸባዊ ጽንፈኝነት፣ ወይም የብዙሃን ጸባዊ ጥቃቶች አድራጊዎች የተያዙ ግላዊ አካውንቶችን እናስወግዳለን፣ እና በወንጀለኞች/ጥቃት አድራሾች የተዘጋጁ መፈክሮችን ወይም ሌላ ይዘትን የሚያሰራጩ የትዊተር መልዕክቶችን እናስወግዳለን። የበለጠ ይወቁ። 

ራስን ማጥፋት ወይም ራስን መጉዳት፥ ራስ ማጥፋት ወይም ራስን-መጉዳትን ማበረታታት የለብዎትም። የበለጠ ይወቁ

ስሜት ቀስቃሽ ሚዲያ፣ የጥቃት ምስል ወይም የአዋቂ ይዘቶችን ጨምሮ፥ በጣም የደም መፋሰስ የተሞላበት ሚዲያን መለጠፍ ወይም በቀጥታ ስርጭት ቪዲዮ ውስጥ ወይም በፕሮፋይልዎ ላይ ወይም የርዕስ ምስሎች ላይ የጥቃት ወይም የአዋቂ ይዘትን ማጋራት የለብዎትም። እንዲሁም ወሲባዊ ጥቃት እና/ወይም ትንኮሳን የሚያሳይ ሚዲያ አይፈቀድም። የበለጠ ይወቁ። 

ህገ-ወጥ ወይም የተወሰኑ ቁጥጥር የሚደረግባቸው እቃዎች ወይም አገልግሎቶች፥ አገልግሎታችንን ለማንኛውም ህገ-ወጥ ዓላማ ወይም ህገወጥ ተግባራትን ለማስቀጠል መጠቀም የለብዎትም። ይህ የሚጨምረው ህገ-ወጥ እቃዎች ወይም አገልግሎቶችን እንዲሁም የተወሰኑ ቁጥጥር የሚደረግባቸው የእቃዎች ወይም አገልግሎቶች ዓይነቶችን መሸጥ፣ መግዛት፣ ወይም ግብይቶቻቸውን ማመቻቸት ነው። የበለጠ ይወቁ

ግላዊነት


የግል መረጃ፥
የሌሎች ሰዎች የግል መረጃን (እንደ የቤት ስልክ ቁጥር እና አድራሻ ዓይነት) ፍቃድ መስጠታቸውን ወይም ፍላጎታቸውን ሳይገልጹ ማተም ወይም መለጠፍ የለብዎትም። እንዲሁም የግል መረጃን ለማስለቀቅ ማስፈራራትን ወይም ሌሎች እንዲያደርጉ ጉቦ መስጠትን እንከለክላለን። የበለጠ ይወቁ

ያለ-ፍላጎት የሚለቀቅ እርቃንነት፥ ያለ-ፍላጎታቸው የተዘጋጁ ወይም የተሰራጩ የሰዎች የግል ፎቶዎችን ወይም ቪዲዮዎችን ሊለጥፉ ወይም ሊያጋሩ አይገባም። የበለጠ ይወቁ
 

እውነተኛነት


መድረኩን አላግባብ መጠቀም እና አይፈለጌ መልእክት፥
የTwitter አገልግሎቶችን መረጃን ሰው ሰራሽ በሆነ መንገድ ማባዛትን ወይም መቀነስን ዓላማ ላደረገ ሁኔታ መጠቀም ወይም ሰዎች በTwitter ላይ ያላቸውን ልምድ የሚያበላሽ ወይም የሚያቋርጥ ባህሪይ ውስጥ መሳተፍ የለብዎትም። የበለጠ ይወቁ

የሲቪክ ታማኝነት፥ የTwitter አገልግሎቶችን ምርጫ ወይም ሌሎች የሲቪክ ሂደቶችን ለማጭበርበር ወይም ጣልቃ ለመግባት ዓላማ ሊጠቀሙ አይገባም። ይህም የሲቪክ ሂደት ውስጥ መቼ፣ የት፣ ወይም እንዴት እንደሚሳተፉ በተመለከተ የሰዎች ተሳትፎን ሊቀንስ ወይም ሰዎችን ሊያሳስት የሚችል ይዘትን መለጠፍ ወይም ማጋራትን ይጨምራል። የበለጠ ይወቁ

የሚያሳስቱ እና የሚያታልሉ ማንነቶች፥ ሌሎችን ለማሳሳት፣ ግራ ለማጋባት፣ ወይም ለማታለል ግለሰቦችን፣ ቡድኖችን፣ ወይም ድርጅቶችን ማስመሰል የለብዎትም፣ እንዲሁም ሌሎች ሰዎች Twitter ላይ ያላቸውን ተሞክሩ በሚያቋርጥ ሁኔታ የውሸት ማንነትን ሊጠቀሙ አይገባም። የበለጠ ይማሩ

የተሰራ እና የማጭበርበሪያ ሚዲያ፥ ጉዳት ሊያደርስ የሚችል የተሰሩ ወይም የማጭበርበሪያ ሚዲያን በሚያታልል ሁኔታ ማጋራት የለብዎትም። በተጨማሪም፣ ሰዎች እውነተኛነታቸውን እንዲረዱ ለማገዝ እና ተጨማሪ ይዘት ለማቅረብ፣ የተሰራ እና የማጭበርበሪያ ሚዲያ ያላቸውን የትዊተር መልዕክቶች ላይ ምልክት ልናደርግ እንችላለን። የበለጠ ይወቁ

የመቅጃ-መብት እና የንግድ-ምልክት፥ ቅጂ የማድረግ መብት እና የንግድ-ምልክትን ጨምሮ የሌሎች የፈጠራ ንብረት መብቶችን መጣስ የለብዎትም። ስለ እኛ የንግድ-ምልክት ፖሊሲ እና የመቅጃ-መብት ፖሊሲ በተመለከተ የበለጠ ይማሩ
 

ማስፈጸሚያ እና ይግባኞች


ስለ እኛ የማስፈጸም አካሄዳችን፣ እነዚህን ህጎች በመጣስ ወይም የማስፈጸም ጥረትን በዘዴ ለማለፍ መሞከር ሊመጡ የሚችሉ ቅጣቶችን፣ እንዲሁም ይግባኝ እንዴት እንደሚጠየቅ በተመለከተ የበለጠ ይማሩ።
 

የቪዲዮ ይዘት ውስጥ የሶስተኛ-ወገን ማስታወቂያ


እንደ ቅድመ-መጫወት የቪዲዮ ማስታወቂያዎች ወይም የስፖንሰርሺፕ ምስሎች የመሳሰሉት የሶስተኛ-ወገን ማስታወቂያን የሚያካትት ማንኛውንም የቪዲዮ ይዘት፣ ያለ የእኛ የቅድሚያ ስምምነት፣ አገልግሎቶቻችን ላይ ወይም አማካኝነት ማስገባት፣ መለጠፍ፣ ወይም ማሳያት የለብዎትም።

ማሳሰቢያ፥ ጤናማ ህዝባዊ መግባባትን የማሳደግ ግባችንን ለመደገፍ እንዲሆን እነዚህን ህጎች ከጊዜ ወደ ጊዜ መለወጥ ሊያስፈልገን ይችላል። በጣም ወቅታዊ የሆነ ስሪት ሁልጊዜ ይገኛል በ https://twitter.com/rules

ይህንን ጽሁፍ ያጋሩ