ನಿಂದನೆ ಮತ್ತು ಕಿರುಕುಳ

ಪೂರ್ವವೀಕ್ಷಣೆ

ಮಾರ್ಚ್ 2023

ನೀವು ನಿಂದನೀಯ ವಿಷಯವನ್ನು ಹಂಚಿಕೊಳ್ಳಬಾರದು, ಯಾರಿಗಾದರೂ ಕಿರುಕುಳ ನೀಡಬಾರದು, ಅಥವಾ ಇತರ ಜನರನ್ನು ಹಾಗೆ ಮಾಡಲು ಪ್ರೋತ್ಸಾಹಿಸಬಾರದು.

Twitter ನಲ್ಲಿ, ನಿಮ್ಮ ವಿಶಿಷ್ಟ ದೃಷ್ಟಿಕೋನವನ್ನು ವ್ಯಕ್ತಪಡಿಸಲು ನೀವು ಮುಕ್ತವಾಗಿರುವ ಸುರಕ್ಷಿತ ಭಾವನೆಯನ್ನು ಹೊಂದಬೇಕು. ನಾವು ಅಭಿವ್ಯಕ್ತಿ ಸ್ವಾತಂತ್ರ್ಯ ಮತ್ತು ಮುಕ್ತ ಸಂವಾದವನ್ನು ನಂಬುತ್ತೇವೆ ಮತ್ತು ಪ್ಲಾಟ್  ಫಾರಂನಲ್ಲಿ ಆರೋಗ್ಯಕರ ಸಂವಾದಕ್ಕೆ ಅವಕಾಶ ಮಾಡಿಕೊಡುವ ಮತ್ತು ವಿಭಿನ್ನ ಅಭಿಪ್ರಾಯಗಳು ಮತ್ತು ನಂಬಿಕೆಗಳನ್ನು ವ್ಯಕ್ತಪಡಿಸಲು ವ್ಯಕ್ತಿಗಳನ್ನು ಸಬಲಗೊಳಿಸುವ ನಿಟ್ಟಿನಲ್ಲಿ, ಇತರರಿಗೆ ಕಿರುಕುಳ ನೀಡುವ, ಅವಮಾನ ಮಾಡುವ, ಅಥವಾ ಕೀಳರಿಮೆ ಉಂಟುಮಾಡುವ ವರ್ತನೆ ಮತ್ತು ವಿಷಯವನ್ನು ನಾವು ನಿಷೇಧಿಸುತ್ತೇವೆ. ಜನರ ಸುರಕ್ಷತೆಗೆ ಅಪಾಯವನ್ನು ಉಂಟು ಮಾಡುವುದರ ಜೊತೆಗೆ, ಬಾಧಿತರಿಗೆ ದೈಹಿಕ ಮತ್ತು ಭಾವನಾತ್ಮಕ ಸಂಕಷ್ಟಕ್ಕೂ ನಿಂದನೀಯ ವರ್ತನೆಯು ಕಾರಣವಾಗಬಹುದು. 

ಯಾವ ಸನ್ನಿವೇಶವು ಈ ನೀತಿಯ ಉಲ್ಲಂಘನೆಯಾಗುತ್ತದೆ? 

ಉದ್ದೇಶಿತ ಕಿರುಕುಳ

ನಾವು ಉದ್ದೇಶಿತ ವರ್ತನೆಯನ್ನು ದುರುದ್ದೇಶಪೂರಿತ, ಪ್ರತ್ಯುಪಕಾರವಿಲ್ಲದ, ಮತ್ತು ಒಬ್ಬ ವ್ಯಕ್ತಿ(ಗಳನ್ನು)ಯನ್ನು ಅವಮಾನಿಸುವ ಅಥವಾ ಕೆಳಮಟ್ಟಕ್ಕಿಳಿಸುವ ಉದ್ದೇಶವನ್ನು ಹೊಂದಿದೆ ಎಂಬುದಾಗಿ ಪರಿಗಣಿಸುತ್ತೇವೆ. ಪ್ಲಾಟ್‌ಫಾರ್ಮ್‌ನಲ್ಲಿ ನಾವು ಈ ಕೆಳಗಿನ ವರ್ತನೆಯನ್ನು ನಿಷೇಧಿಸುತ್ತೇವೆ:

• ಒಬ್ಬ ವ್ಯಕ್ತಿಯನ್ನು ಗುರಿಯಾಗಿಸಲು ಬಹು ಟ್ವೀಟ್‌ಗಳನ್ನು ಪೋಸ್ಟ್ ಮಾಡುವುದು, ಅಲ್ಪಾವಧಿಯಲ್ಲಿ, ಅಥವಾ ನಿರಂತರವಾಗಿ ದುರುದ್ದೇಶಪೂರಿತ ವಿಷಯದೊಂದಿಗೆ ಪ್ರತಿಕ್ರಿಯೆಗಳನ್ನು ಪೋಸ್ಟ್ ಮಾಡುವುದು. ಇದು ಒಬ್ಬ ವ್ಯಕ್ತಿ ಅಥವಾ ಬಹು ವ್ಯಕ್ತಿಗಳಿಗೆ ಕಿರುಕುಳ ನೀಡಲು ಮೀಸಲಾದ ಖಾತೆಗಳನ್ನು ಒಳಗೊಂಡಿರುತ್ತದೆ.
• ದುರುದ್ದೇಶಪೂರಿತ ವಿಷಯದೊಂದಿಗೆ ಬಳಕೆದಾರರನ್ನು ಉಲ್ಲೇಖಿಸುವುದು ಅಥವಾ ಟ್ಯಾಗ್ ಮಾಡುವುದು.

ವ್ಯಕ್ತಿ ಅಥವಾ ವ್ಯಕ್ತಿಗಳ ಸಮೂಹದ ಮೇಲೆ ದೌರ್ಜನ್ಯ ಎಸಗುವಂತೆ ಇತರರನ್ನು ಪ್ರೋತ್ಸಾಹಿಸುವುದು ಅಥವಾ ಕರೆ ಮಾಡುವುದು

ನಿಂದನೆಯೊಂದಿಗೆ ನಿರ್ದಿಷ್ಟ ವ್ಯಕ್ತಿಗಳು ಅಥವಾ ಜನರ ಸಮೂಹಗಳನ್ನು ನಿಂದಿಸುವ ಅಥವಾ ಗುರಿಪಡಿಸುವುದಕ್ಕೆ ಇತರರನ್ನು ಪ್ರೋತ್ಸಾಹಿಸುವ ವರ್ತನೆಯನ್ನು ನಾವು ನಿಷೇಧಿಸುತ್ತೇವೆ. ಇದು ಇದನ್ನೂ ಒಳಗೊಂಡಿರುತ್ತದೆ, ಆದರೆ ಇದಕ್ಕೆ ಸೀಮಿತವಾಗಿಲ್ಲ: ಆನ್‌ಲೈನ್‌ನಲ್ಲಿ ನಿಂದನೆ ಅಥವಾ ದೌರ್ಜನ್ಯದೊಂದಿಗೆ ಜನರನ್ನು ಟಾರ್ಗೆಟ್‌ ಮಾಡಲು ಕರೆ ನೀಡುವುದು.

ಅನಪೇಕ್ಷಿತ ಲೈಂಗಿಕ ವಿಷಯ ಮತ್ತು ಗ್ರಾಫಿಕ್ ಆಬ್ಜೆಕ್ಟಿಫಿಕೇಶನ್

Twitter ನಲ್ಲಿ ಕೆಲವುಒಮ್ಮತದ ನಗ್ನತೆ ಮತ್ತು ವಯಸ್ಕರ ವಿಷಯವನ್ನು ಅನುಮತಿಸಲಾಗಿದೆ, ನಾವು ಅನಗತ್ಯ ಲೈಂಗಿಕ ವಿಷಯ ಮತ್ತು ಗ್ರಾಫಿಕ್ ವಸ್ತುನಿಷ್ಠತೆಯನ್ನು ನಿಷೇಧಿಸುತ್ತೇವೆ ಅದು ವ್ಯಕ್ತಿಯ ಒಪ್ಪಿಗೆಯಿಲ್ಲದೆ ಲೈಂಗಿಕವಾಗಿ ವಸ್ತುನಿಷ್ಠವಾಗಿದೆ. ಇದರಲ್ಲಿ ಇವು ಒಳಗೊಂಡಿರುತ್ತವೆ, ಆದರೆ ಇದಕ್ಕೆ ಸೀಮಿತವಾಗಿರುವುದಿಲ್ಲ:

• ಚಿತ್ರಗಳು, ವೀಡಿಯೋಗಳು ಮತ್ತು GIF ಗಳು ಸೇರಿದಂತೆ ಇತರರಿಗೆ ಅನಪೇಕ್ಷಿತ ಮತ್ತು/ಅಥವಾ ಅನಗತ್ಯ ವಯಸ್ಕ ಮಾಧ್ಯಮವನ್ನು ಕಳುಹಿಸುವುದು; 
• ಇತರರ ದೇಹದ ಅನಗತ್ಯ ಲೈಂಗಿಕ ಚರ್ಚೆ; 
• ಲೈಂಗಿಕ ಕೃತ್ಯಗಳನ್ನು ಅಪೇಕ್ಷಿಸುವುದು; ಮತ್ತು 
• ವ್ಯಕ್ತಿಯ ಒಪ್ಪಿಗೆಯಿಲ್ಲದೆ ಲೈಂಗಿಕತೆಯನ್ನು ಉಂಟುಮಾಡುವ ಯಾವುದೇ ಇತರ ವಿಷಯ. 
   

ಅವಮಾನಗಳು

ಇತರರನ್ನು ಗುರಿಯಾಗಿಸಲು ಅವಮಾನ ಅಥವಾ ಅಶ್ಲೀಲತೆಯ ಬಳಕೆಯ ವಿರುದ್ಧ ನಾವು ಕ್ರಮ ತೆಗೆದುಕೊಳ್ಳುತ್ತೇವೆ. ಕೆಲವು ಪ್ರಕರಣಗಳಲ್ಲಿ, ಇತರರನ್ನು ದೌರ್ಜನ್ಯಗೊಳಿಸುವ ಅಥವಾ ನಿಂದಿಸುವ ಉದ್ದೇಶವನ್ನು ಹೊಂದಿರುವ ಅವಮಾನಗಳು ಅಥವಾ ಅಶ್ಲೀಲತೆಯ ತೀವ್ರ, ಪುನರಾವರ್ತಿತ ಬಳಕೆ (ಆದರೆ, ಇದಕ್ಕೆ ಸೀಮಿತವಾಗಿಲ್ಲ) ಕಂಡುಬಂದಲ್ಲಿ, ನಾವು ಟ್ವೀಟ್ ತೆಗೆದುಹಾಕಬೇಕಾಗಬಹುದು. ಇತರರನ್ನು ದೌರ್ಜನ್ಯಗೊಳಿಸುವ ಅಥವಾ ನಿಂದಿಸುವ ನಿಂದಿಸುವ ಉದ್ದೇಶವನ್ನು ಹೊಂದಿರುವ ಅವಮಾನಗಳು ಮತ್ತು ಅಶ್ಲೀಲತೆಯ ಮಧ್ಯಮ, ಅಪರೂಪದ ಬಳಕೆಯಂತಹ ಕೆಲವು ಪ್ರಕರಣಗಳಲ್ಲಿ, ಈ ಕೆಳಗೆ ವಿವರಿಸಿದಂತೆ ಟ್ವೀಟ್ ಗೋಚರತೆಯನ್ನು ನಾವು ಮಿತಿಗೊಳಿಸಬಹುದು. ಕೆಲವು ಪದಗಳು ಆಕ್ಷೇಪಾರ್ಹ ಎಂದು ಕೆಲವು ವ್ಯಕ್ತಿಗಳಿಗೆ ಕಂಡುಬರಬಹುದಾದರೂ, ಅವಮಾನಕರ ಪದಗಳನ್ನು ಬಳಸಿರುವ ಪ್ರತಿ ಸನ್ನಿವೇಶದ ವಿರುದ್ಧ ನಾವು ಕ್ರಮ ತೆಗೆದುಕೊಳ್ಳುವುದಿಲ್ಲ ಎಂಬುದನ್ನೂ ದಯವಿಟ್ಟು ಗಮನಿಸಿ. 

ಹಿಂಸಾತ್ಮಕ ಘಟನೆ ನಿರಾಕರಣೆ

ಸಾಮೂಹಿಕ ಕೊಲೆ ಅಥವಾ ಇತರ ಸಾಮೂಹಿಕ ಮರಣ ಘಟನೆ ನಡೆದಿರುವುದನ್ನು ನಾವು ಪರಿಶೀಲಿಸಬಹುದಾಗಿದ್ದಲ್ಲಿ, ಮತ್ತು ವಿಷಯವನ್ನು ನಿಂದನೀಯ ಸಂದರ್ಭದೊಂದಿಗೆ ಹಂಚಿಕೊಂಡಿದ್ದಲ್ಲಿ ನಿರಾಕರಣೆಯ ವಿಷಯವನ್ನು ನಾವು ನಿಷೇಧಿಸುತ್ತೇವೆ. ಇಂತಹ ಘಟನೆಗಳನ್ನು “ನಕಲಿ” ಎಂದು ಉಲ್ಲೇಖಿಸುವುದು ಅಥವಾ ಆ ಸಂತ್ರಸ್ತರು ಅಥವಾ ಉಳಿದವರ ಹೇಳಿಕೆಗಳನ್ನು ನಕಲಿ ಅಥವಾ “ನಟನೆ” ಎಂದು ಉಲ್ಲೇಖಿಸುವುದನ್ನೂ ಇದು ಒಳಗೊಂಡಿರಬಹುದು. ಹೋಲೋಕಾಸ್ಟ್, ಶಾಲೆಯಲ್ಲಿ ಗುಂಡಿನ ದಾಳಿ, ಉಗ್ರ ದಾಳಿಗಳು, ಮತ್ತು ನೈಸರ್ಗಿಕ ವಿಪತ್ತಿನಂತಹ ಘಟನೆಗಳನ್ನೂ ಇದು ಒಳಗೊಂಡಿರಬಹುದು, ಆದರೆ ಇದಕ್ಕೆ ಸೀಮಿತವಾಗಿರುವುದಿಲ್ಲ.

Twitter ನಿಯಮಗಳ ಉಲ್ಲಂಘನೆಗೆ ಪರಿಶೀಲನೆ ನಡೆಸಬೇಕಾಗಿರುವ ಈ ಕಂಟೆಂಟ್‌ನ ಗುರಿ ನಾನಾಗಿರಬೇಕೆ?

ಸಂದರ್ಭವನ್ನು ನಮ್ಮ ತಂಡಗಳು ಅರ್ಥ ಮಾಡಿಕೊಳ್ಳಲು ಸಹಾಯ ಮಾಡುವುದಕ್ಕಾಗಿ, ಯಾವುದೇ ಜಾರಿ ಕ್ರಮವನ್ನು ತೆಗೆದುಕೊಳ್ಳುವುದಕ್ಕೂ ಮೊದಲು ನಾವು ಅಗತ್ಯವಿರುವ ಮಾಹಿತಿಯನ್ನು ಹೊಂದಿದ್ದೇವೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು, ಗುರಿಗೆ ಒಳಗಾದ ವ್ಯಕ್ತಿಯಿಂದ ನೇರವಾಗಿ ನಾವು ಕೆಲವು ಬಾರಿ ಕೇಳಬೇಕಾಗುತ್ತದೆ. ಕೆಲವು ಟ್ವೀಟ್‌ಗಳನ್ನು ಪ್ರತ್ಯೇಕವಾಗಿ ನೋಡಿದಾಗ ನಿಂದನೀಯ ಅಥವಾ ಕಿರುಕುಳ ನೀಡುವಂತೆ ಕಂಡುಬರಬಹುದು, ಆದರೆ ವ್ಯಾಪಕವಾದ ಸಂಭಾಷಣೆಯ ಪ್ರಸಂಗದಲ್ಲಿ ನೋಡಿದಾಗ ಹಾಗೆ ಕಾಣದೇ ಇರಬಹುದು. ನಾವು ಪ್ರಕರಣಗಳನ್ನು ಪರಿಶೀಲಿಸಿದಾಗ, ಸಂದರ್ಭವು ವ್ಯಕ್ತಿಯನ್ನು ನಿಂದಿಸುವಂತದ್ದೇ ಅಥವಾ ಇದು ಸಮ್ಮತಿಯುಕ್ತ ಸಂವಾದದ ಭಾಗವೇ ಎಂದು ಸ್ಪಷ್ಟವಿಲ್ಲದಿರಬಹುದು. 

ಈ ನೀತಿಯನ್ನು ನೀವು ಉಲ್ಲಂಘಿಸಿದರೆ ಏನಾಗುತ್ತದೆ?

ಈ ನೀತಿಯ ಉಲ್ಲಂಘನೆಯ ದಂಡವನ್ನು ಗುರುತಿಸುವಾಗ, ಉಲ್ಲಂಘನೆಯ ತೀವ್ರತೆ ಮತ್ತು ಈ ಹಿಂದೆ ನಿಯಮ ಉಲ್ಲಂಘನೆ ಮಾಡಿರುವ ಬಗ್ಗೆ ವ್ಯಕ್ತಿಯ ದಾಖಲೆಗಳು ಸೇರಿದಂತೆ, ಇದಕ್ಕೆ ಸೀಮಿತವಾಗಿಲ್ಲದಂತೆ ಹಲವು ಅಂಶಗಳನ್ನು ನಾವು ಪರಿಗಣಿಸುತ್ತೇವೆ. ಈ ಮುಂದಿನದು ಈ ನೀತಿಯನ್ನು ಉಲ್ಲಂಘಿಸುವ ಕಂಟೆಂಟ್‌ಗೆ ಸಂಭಾವ್ಯ ಜಾರಿ ಆಯ್ಕೆಗಳ ಪಟ್ಟಿ ಆಗಿದೆ:

• ಟ್ವೀಟ್ ಲೇಖಕರನ್ನು ಬಳಕೆದಾರರು ಹಿಂಬಾಲಿಸುತ್ತಿರುವುದನ್ನು ಹೊರತುಪಡಿಸಿ, ಪ್ರತಿಕ್ರಿಯೆಗಳಲ್ಲಿ ಟ್ವೀಟ್‌ಗಳನ್ನು ಡೌನ್‌ರ್‍ಯಾಂಕಿಂಗ್‌ ಮಾಡಿ.
• ಟ್ವೀಟ್ ಲೇಖಕರನ್ನು ಹಿಂಬಾಲಿಸದ ಬಳಕೆದಾರರಿಗೆ ಅಗ್ರ ಹುಡುಕಾಟ ಫಲಿತಾಂಶಗಳು ಮತ್ತು/ಅಥವಾ ಕಾಲರೇಖೆಯಲ್ಲಿ ವರ್ಧನೆಗೆ ಟ್ವೀಟ್ ಅನ್ನು ಅನರ್ಹಗೊಳಿಸುವುದು.
• ಇಮೇಲ್ ಅಥವಾ ಉತ್ಪನ್ನದೊಳಗಿನ ಶಿಫಾರಸುಗಳಲ್ಲಿ ಟ್ವೀಟ್‌ಗಳು ಮತ್ತು/ಅಥವಾ ಖಾತೆಗಳನ್ನು ಹೊರಗಿಡುವುದು. 
• ಟ್ವೀಟ್‌ಗಳನ್ನು ಅಳಿಸುವ ಅಗತ್ಯ.
  • ಉದಾಹರಣೆಗೆ, ಉಲ್ಲಂಘಿಸುತ್ತಿರುವ ಕಂಟೆಂಟ್ ತೆಗೆದುಹಾಕುವಂತೆ ನಾವು ಇತರರನ್ನು ಕೇಳಬಹುದು ಮತ್ತು ಅವರು ಪುನಃ ಟ್ವೀಟ್‌ ಮಾಡಲು ಸಾಧ್ಯವಾಗುವುದಕ್ಕೂ ಮುನ್ನ ಓದಲು ಮಾತ್ರ ಮೋಡ್‌ನಲ್ಲಿ ಸ್ವಲ್ಪ ಸಮಯದವರೆಗೆ ಅವರನ್ನು ಇಡಬಹುದು.
• ನಮ್ಮ ಅನಗತ್ಯ ಲೈಂಗಿಕ ವಿಷಯ ಮತ್ತು ಗ್ರಾಫಿಕ್ ಆಬ್ಜೆಕ್ಟಿಫಿಕೇಶನ್ ನೀತಿಯನ್ನು ಉಲ್ಲಂಘಿಸುವ ಏಕೈಕ ಉದ್ದೇಶ ಹೊಂದಿರುವವರ ಖಾತೆಗಳನ್ನು, ಅಥವಾ ಕಿರುಕುಳ ನೀಡುವ ವ್ಯಕ್ತಿಗಳಿಗೆ ಮೀಸಲಾಗಿರುವ ಖಾತೆಗಳನ್ನು ಅಮಾನತುಗೊಳಿಸುವುದು.

ನಮ್ಮ ಜಾರಿ ಆಯ್ಕೆಗಳ ಶ್ರೇಣಿಯ ಬಗ್ಗೆ ಇನ್ನಷ್ಟು ತಿಳಿಯಿರಿ.

ತಮ್ಮ ಖಾತೆಯನ್ನು ದೋಷಯುಕ್ತವಾಗಿ ಅಮಾನತು ಮಾಡಲಾಗಿದೆ ಎಂದು ಯಾರಾದರೂ ಭಾವಿಸಿದರೆ, ಅವರು ಮೇಲ್ಮನವಿ ಸಲ್ಲಿಸಬಹುದು.