د سرغړونو راپور

په شېبه (Moment) کې د ځانگړې منځپانگې د راپور کولو طریقه
 

په یوه شېبه (Moment) کې د سرغړونو له امله د یوه ټویټ د راپور کولو طریقه:

1. په شېبه (Moment) کې هغه ټویټ ته ولاړ شئ چې غواړئ راپور یې کړئ. 
2. پر  آیکن کلېک وکړئ یا یې کېکاږئ.
3. پر ټویټ راپور کړئ کلېک وکړئ یا یې کېکاږئ.
4. د موضوع ډول چې غواړئ موږ ته یې راپور کړئ غوره کړئ.
5. کله چې تاسو راپور واستوئ، تاسو ته به په X کې د خپلې تجربې د ښه کولو په موخه د اضافي اقداماتو لپاره سپارښتنې وکړو.
    

د سرغړونو له امله د شېبې (Moment) راپور کول:

دې ته په کتلو سره چې څه ډول سرغړونه راپور کوئ، د یوې شېبې (Moment) د راپور کولو لپاره بېلابېلې طریقې شته دي. لاندې د هغو سرغړونو لېست دې چې ښايي ویې وینئ:

• د شخصي معلوماتو د پوست کولو سرغړونه
• ناوړه گټه اخیستنه
• کرکجن چلند
• تاوتریخجن گواښونه
• ځان ته زیان رسول

د سرغړونې د ډول له معلومولو وروسته یې راپور کړئ، لاندې لارښوونې تعقیب کړئ.

1. له پورته یادو شویو بڼو څخه یوه یې غوره کړئ.
2. د هغې شېبې (Moment) URL دننه کړئ چې غواړی راپور یې کړئ.
3. په شېبه (Moment) کې تر ۵ پورې ټویټونه موږ ته وړاندې کړئ چې ښايي سرغړونه وي.
   
4. کله چې تاسو راپور واستوئ، تاسو ته به په X کې د خپلې تجربې د ښه کولو په موخه د اضافي اقداماتو لپاره سپارښتنې وکړو.

د X Space یا په یوه Space کې د یوه شخص د راپور کولو طریقه

که فکر کوئ چې یو Space یا په یوه Space کې یو کس د Xله قوانینو او پالیسیو څخه سرغړونه کوي، کولای شئ راپور یې کړئ. ویناوال او اورېدونکي کولای شي یو Space یا په یوه Space کې یو حساب راپور کړي. 

د سرغړونو له امله د رسنیزو مواد د راپور طریقه:

1. کله جې په Space کې وئ، د پر سر اوښتلو (overflow) آیکن کېکاږئ.
2. دغه Space راپور کړئ کېکاږئ.
3. د موضوع ډول چې غواړئ موږ ته یې راپور کړئ غوره کړئ.
4. د Space له راپور کولو وروسته به د وتلو یا پاتې کېدلو انتخاب ولرئ.
    

د سرغړونو له امله د حساب راپور کولو طریقه:

1. کله چې په Space کې وئ، د حساب د پېژنیال پر تصویر کېکاږئ.
2. راپور کړئ کېکاږئ.
3. د موضوع ډول چې غواړئ موږ ته یې راپور کړئ غوره کړئ.
4. د حساب له راپور کولو وروسته به د وتلو یا پاتې کېدلو انتخاب ولرئ.

د یوه محصول د راپور کولو طریقه

که فکر کوئ چې په X کې د یوه پلورنکي  یو محصول زموږ د پلورلو له پالیسیو څخه سرغړونه کوي، کولای شئ په مستقیم ډول یې د iOS یا انډرویډ لپاره د X له کاریال څخه راپور کړئ.

له Shop Spotlight  څخه د یوه محصول د راپور کولو طریقه:

1. کله چې د پلورنکي په پېژنیال کې یئ، Shop Spotlight پیدا کړئ.
2. پر هغه محصول چې غواړئ راپور یې کړئ، د نور (more) آیکن  غوره کړئ.
3.  محصول راپور کړئ غوره کړئ.
4. که د فکري ملکیت د حقونو د ستونزو له امله یو محصول راپور کوئ، د فکري ملکیت سرغړونه غوره کړئ. باید د محصول پېژند ولیکئ. همدارنگه کولای شئ د فکري ملکیت سرغړونه دلته په مستقیم ډول واستوئ.
   
   که محصول د نورو دلایلو له امله راپور کوئ، بله سرغړونه غوره کړئ. 
   

د X له پلورنځي څخه د یوه محصول د  راپور کولو طریقه:

1. د X له پلورنځي څخه هغه محصول ته ولاړ شئ چې غواړئ راپور یې کړئ. 
2. تر هغه پر محصول کېکاږئ څو د محصول د راپور کولو تڼۍ څرگنده شي.
3. محصول راپور کړئ  غوره کړئ.
4. که د فکري ملکیت د حقونو د ستونزو له امله یو محصول راپور کوئ، د فکري ملکیت سرغړونه غوره کړئ. باید د محصول پېژند ولیکئ. همدارنگه کولای شئ د فکري ملکیت سرغړونه دلته په مستقیم ډول واستوئ.
   
   که محصول د نورو دلایلو له امله راپور کوئ، بله سرغړونه غوره کړئ. 

د سرغړونو د ځانگړو ډولونو د راپور کولو طریقه
 

لاندې معلومات د هغو سر غړونو ډولونه ښيي چې کولای شئ د مرستې له مرکز څخه یې موږ ته راپور کړئ.

• له اجازې پرته د سوداگریزې نښې کارول: د X د سوداگریزې نښې د پالیسۍ په اړه نور پوه شئ او دلته یو راپور ثبت کړئ.
• له اجازې پرته د کاپي رایټ شویو موادو کارول: د X د کاپي رایټ پالیسۍ په اړه نور پوه شئ او دلته یو راپور ثبت کړئ.
• د جعلي توکو پلورل یا تبلیغ: د X د جعلي توکو د پالیسۍ په اړه نور پوه شئ او دلته یو راپور ثبت کړئ.
• د ماشومانو په تړاو د محرمیت پالیسي: زموږ خدمات له ۱۳ کلونو ټیټو کسانو لپاره نه وړاندې کېږي. که خبر شوئ چې ستاسو ماشوم ستاسو له رضایت پرته موږ ته خپل شخصي معلومات راکړي دی، مهرباني وکړئ زموږ د محرمیت فورمې له لارې له موږ سره اړیکه ونیسئ. د ماشومانو په تړاو زموږ د پالیسۍ په اړه زموږ د محرمیت په پالیسۍ کې نور پوه شئ.
• له ماشومانو څخه جنسي گټه اخیستنه: زموږ له ماشومانو څخه د جنسي گټې اخیستنې پالیسۍ په اړه نور پوه شئ او دلته یو راپور ثبت کړئ.
• پورنوگرافي: په X کې د پېژنیال په تصویرونو او یا د سرلیک په تصویرونو کې د کارول شویو ناوړه یا پورنوگرافیک انځورنو د راپور کولو لپاره،  د حساسو رسنیزو توکو د راپور کولو په اړه زموږ لارښوونې تعقیب کړئ.
• د یوه شخص یا برنډ د هویت جعل: زموږ د هویت د جعل پالیسۍ په اړه نورپوه شئ او دلته یو راپور ثبت کړئ.
• په X کې پوست شوي شخصي معلومات: زموږ د شخصي معلوماتو د پالیسۍ په اړه نور پوه شئ او دلته یو راپور ثبت کړئ.
• ناوړه چلند او تاوتریخجن گواښونه: زموږ د ناوړه چلند پالیسۍ په اړه نور پوه شئ او دلته یو راپور ثبت کړئ.
• سپم او له سیستم څخه ناوړه گټه اخیستل: که د سپم یا بدکالي (malware) ستونزه تجربه کوئ چې له X څخه ستاسو په گټې اخیستنې اغېز کوي، دلته یو راپور ثبت کړئ.
• د X د سوداگریزو اعلانونو له پالیسۍ سرغړونه: زده کړئ چې څنگه د X سوداگریز اعلانونه وپېژنئ او د راپور له ثبتولو پرته کوم گامونه پورته کولای شئ. د X یو سوداگریز اعلان راپور کړئ چې زموږ له پالیسیو سرغړونه وي.

یادښت: کله چې د مرستې د مرکز له لارې د X له قوانینو اود کارولو له شرایطو څخه احتمالي سرغړونې راپور کوئ، ښايي له تاسو څخه وغوښتل شي چې موږ ته اجازه راکړئ څو ستاسو د راپور ځینې برخې له درېیمو لوریو سره شریکې کړو، لکه اغېزمن شوی حساب.

د بل چا په استازیتوب د راپور کولو طریقه
 

کولای شئ د بل چا په استازیتوب سرغړونې راپور کړئ. د خپل راپورد استولو لپاره پورته یادې شوې ډلبندۍ او لارښوونې وگورئ یا له موږ سره اړیکه ونیسئ. همدارنگه تاسو کولای شئ په مستقیم ډول له ټویټ یا پېژنیال څخه راپور وکړئ (په پورتنۍ برخه کې له ټویټ، لېست، یا پېژنیال څخه په مستقیم ډول د راپور کولو طریقه وگورئ).