Twitter -இல் கணக்குகளை எவ்வாறு தடைசெய்வது
'தடைசெய்' அம்சம், Twitter -இல் பிற கணக்குகளுடன் நீங்கள் தொடர்புகொள்ளும் முறையைக் கட்டுப்படுத்த உதவும் ஓர் அம்சமாகும். குறிப்பிட்ட சில கணக்குகள் அவர்களைத் தொடர்புகொள்வது, அவர்களின் கீச்சுகளைப் பார்ப்பது, அவர்களைப் பின்தொடர்வது போன்றவற்றைப் பயனர்கள் தடுப்பதற்கு இந்த அம்சம் உதவுகிறது.
Note: இந்த அம்சம் பற்றிய மேலும் விரிவான தகவலைப் பெற, எங்கள் மேம்பட்ட தடைசெய்யும் விருப்பங்களைப் பற்றி அறியவும்.
தடைசெய்வது பற்றி அறிந்து கொள்ள வேண்டிய சில முக்கிய விஷயங்கள்:
- நீங்கள் தடைசெய்திருக்கும் கணக்குகள் உங்களைப் பின்தொடர முடியாது, மேலும் நீங்கள் தடைசெய்திருக்கும் கணக்கை உங்களால் பின்தொடர முடியாது.
- நீங்கள் தற்போது பின்தொடரும் ஒரு கணக்கைத் தடைசெய்தால், நீங்கள் அந்தக் கணக்கைப் பின்தொடர்வது நிறுத்தப்படும் (அவர்கள் உங்களைப் பின்தொடர்வதும் நிறுத்தப்படும்). நீங்கள் அந்தக் கணக்கைத் தடைநீக்க முடிவு செய்தால், அந்தக் கணக்கை நீங்கள் மீண்டும் பின்தொடர வேண்டும்.
- தடைசெய்யப்பட்ட கணக்குகளுக்கு, அந்தக் கணக்கு தடைசெய்யப்பட்டுள்ளது என்று எச்சரிக்கும் அறிவிப்பு அனுப்பப்படாது. எனினும், தடைசெய்யப்பட்ட கணக்கானது அதைத் தடைசெய்திருக்கும் ஒரு கணக்கின் சுயவிவரத்தைப் பார்வையிட்டால், தாம் தடைசெய்யப்பட்டுள்ளதை அவர்கள் காண்பார்கள் (செயல்மறைக்கப்பட்ட கணக்குகளுக்குத் தெரியாத செயல்மறை போலில்லாமல்).
- நீங்கள் ஒரு கணக்கைத் தடைசெய்து, அந்தக் கணக்கு உங்கள் கணக்கைப் பற்றி புகாரளிக்க முடிவுசெய்தால், அந்தப் புகாரளிக்கும் செயலின்போது அந்தக் கணக்குகளை நேரடியாகக் குறிப்பிடும் உங்கள் கீச்சுகள் அனைத்தையும் அவர்களால் பார்க்கவும் இணைக்கவும் முடியும்.
- நீங்கள் தடைசெய்கின்ற கணக்குகளிலிருந்து அல்லது நீங்கள் தடைசெய்கின்ற கணக்குகள் தொடங்கும் உரையாடல்களில் நீங்கள் பின்தொடராத கணக்குகளிலிருந்து உங்களைக் குறிப்பிடுகின்ற அறிவிப்புகளைப் பெற மாட்டீர்கள். இருப்பினும், நீங்கள் தடைசெய்யும் ஒரு கணக்கு தொடங்கும் உரையாடலில் அவர்கள் உங்களைக் குறிப்பிடும்போது நீங்கள் பின்தொடரும் கணக்குகளிலிருந்து வரும் அறிவிப்புகளைப் பார்ப்பீர்கள். உங்களைக் குறிப்பிடும் குறிப்பீடுகள் அனைத்தையும் நீங்கள் பார்க்க விரும்பினால், உங்கள் பயனர்பெயரைத் தேடுவதன் மூலம் அவற்றைப் பார்க்கலாம்.
Important: நீங்கள் தடைசெய்துள்ள கணக்கு, Twitter -இல் உள்நுழைந்திருந்தால் மட்டுமே தடைசெய்தல் வேலை செய்யும். எடுத்துக்காட்டாக, நீங்கள் தடைசெய்த கணக்கு உள்நுழையாவிட்டால் அல்லது மூன்றாம் தரப்பின் வழியாக Twitter உள்ளடக்கத்தை அணுகினால், அக்கணக்கால் உங்கள் பொதுக் கீச்சுகளைப் பார்க்க முடியலாம். Twitter -இல் உள்ளடக்கத்தைப் பகிர்ந்து கொள்ள நீங்கள் தேர்வுசெய்யும்போது இதை நினைவில் கொள்ளுங்கள்.
தடைசெய்த கணக்குகளால் இவற்றைச் செய்ய முடியாது:
- உங்களைப் பின்தொடர்வது
- Twitter -இல் உள்நுழைந்திருக்கும்போது உங்கள் கீச்சுகளைப் பார்ப்பது (அவர்கள் உங்களைப் புகார் அளிக்கவில்லை மற்றும் உங்கள் கீச்சுகள் அவர்களைக் குறிப்பிடவில்லை என்றால் தவிர)
- Twitter -இல் உள்நுழைந்திருக்கும்போது தேடலில் உங்கள் கீச்சுகளைக் கண்டுபிடிப்பது
- உங்களுக்கு நேரடிச்செய்திகளை அனுப்புவது
- Twitter -இல் உள்நுழைந்திருக்கும்போது, நீங்கள் பின்தொடர்வோர் அல்லது உங்களைப் பின்தொடர்பவர்களின் பட்டியல்கள், விருப்பங்கள் அல்லது பட்டியல்களைப் பார்ப்பது
- Twitter -இல் உள்நுழைந்திருக்கும்போது நீங்கள் உருவாக்கியுள்ள ஒரு தருணத்தைப் பார்ப்பது
- உங்கள் Twitter கணக்கை அவர்களது பட்டியலில் சேர்ப்பது
- உங்களை ஒரு புகைப்படத்தில் இணைப்பது
தடைசெய்த கணக்கிலிருந்து வரும் கீச்சுகள் உங்கள் காலவரிசையில் தோன்றாது. இருப்பினும், பின்வருபவற்றுக்காக உங்கள் காலவரிசைகளில் கீச்சுகள் அல்லது அறிவிப்புகளை நீங்கள் பார்க்கக் கூடும் என்பதை நினைவில் கொள்ளவும்:
- நீங்கள் பின்தொடரும் பிற கணக்குகளிலிருந்து வரும் நீங்கள் தடைசெய்துள்ள கணக்குகளைக் குறிப்பிடுகின்ற கீச்சுகள்.
- நீங்கள் தடைசெய்துள்ள ஒரு கணக்குடன் சேர்த்து, உங்களைக் குறிப்பிடும் கீச்சுகள்.
நான் யாரையாவது தடைசெய்திருக்கிறேனா என்று எனக்கு எவ்வாறு தெரியும்?
நீங்கள் தடைசெய்த ஒரு கணக்கின் சுயவிவரத்தை நீங்கள் பார்க்கும்போது, பின்தொடர் பொத்தானுக்கு பதிலாக தடைசெய்யப்பட்டது பொத்தான் காண்பிக்கப்படும்.
நீங்கள் தடைசெய்துள்ள கணக்கின் சுயவிவரத்தைப் பார்வையிடும்போது, அதன் கீச்சுகள் மறைக்கப்படும். எனினும், ஆம், சுயவிவரத்தைக் காட்டு பொத்தானை கிளிக் செய்து, அந்தக் கணக்கின் கீச்சுகளைப் பார்க்கலாம்.
ஒரு Twitter கணக்கை எவ்வாறு தடைநீக்குவது:
- தடைசெய்யப்பட்ட கணக்கின் சுயவிவரத்தை Twitter -இல் பார்வையிடவும்.
- தடைசெய்யப்பட்டது பொத்தானைக் கிளிக் செய்யவும் அல்லது தொடவும்.
- iOS -க்கான Twitter -இல் தடைநீக்கு என்பதையும் Android -க்கான Twitter -இல் ஆம் என்பதையும் தேர்ந்தெடுப்பதன் மூலம், கணக்கைத் தடைநீக்குவதற்கான உங்கள் விருப்பத்தை உறுதிப்படுத்தவும்.
மேலும் ஆதாரங்கள்
சிலநேரங்களில், பிற கணக்குகளைத் தடைசெய்வது சரியான தீர்வு அல்ல என்பதை நீங்கள் கண்டறியலாம்—இது உங்கள் Twitter அனுபவத்தை மிகவும் அதிகமாக மாற்றிவிடும் அல்லது போதிய அளவில் மாற்றத்தை ஏற்படுத்தாது. உங்கள் Twitter அனுபவத்தை மேம்படுத்த, நீங்கள் எடுக்கக் கூடிய பிற நடவடிக்கைகளின் முழுமையான பட்டியலைக் கண்டறியவும்.
கூடுதலாக, பாதுகாப்பாக இருப்பது மற்றும் உங்கள் Twitter அனுபவத்தை உங்கள் கட்டுப்பாட்டில் வைத்திருப்பது பற்றிய எங்கள் கட்டுரைகளையும், உலகம் முழுவதும் பயனர்களைப் பாதுகாப்பாக வைப்பதற்காக நாங்கள் இணைந்து பணியாற்றும் கூட்டாளர்களின் பட்டியலைப் பார்க்க எங்கள் நம்பகமான ஆதாரங்கள் என்ற கட்டுரையையும் பார்க்கவும்.