Twitter -இல் வீடியோக்களை எப்படிப் பார்ப்பது, பகிர்வது

இணையம் வழியாக ஒரு வீடியோவைப் பதிவேற்ற மற்றும் ட்விட் செய்ய

1. ட்விட் பொத்தானை அழுத்தவும். 
2. ஊடகத்தைச் சேர் என்பதை கிளிக் செய்யவும்.
3. உங்கள் கணினியில் சேமிக்கப்பட்டுள்ள ஒரு வீடியோ கோப்பைத் தேர்வுசெய்து, திற என்பதை கிளிக் செய்யவும். வீடியோவின் வடிவமைப்பு ஆதரிக்கப்படாவிட்டால் உங்களுக்குத் தெரிவிக்கப்படும். அதிகபட்ச கோப்பு அளவு 512MB.
4. திருத்துதல் சாளரத்தில், நீங்கள் தேர்ந்தெடுத்த வீடியோவின் நீளத்தை 1 வினாடி முதல் 2 நிமிடங்கள் மற்றும் 20 வினாடிகள் வரையிலான நேரத்திற்குச் சுருக்கலாம். அதிகபட்ச வீடியோ நீளம் 2 நிமிடங்கள் மற்றும் 20 வினாடிகள்.
5. திருத்தங்களைச் செய்து முடித்தவுடன் முடிந்தது என்பதை கிளிக் செய்யவும்.
6. உங்கள் செய்தியை எழுதி முடித்த பின்னர் உங்கள் கீச்சையும் வீடியோவையும் பகிர்வதற்கு ட்விட் செய் என்பதை கிளிக் செய்யவும். 

Twitter -இல் வீடியோக்களைப் பார்த்தல்

காலவரிசைகள், தருணங்கள், கண்டறிக தாவல் மற்றும் Twitter முழுவதிலும் நேட்டிவ் வீடியோக்கள், GIFகள் மற்றும் Periscopeகள் (iOS மற்றும் Android -இல்) தானாக இயக்கப்படும்.

வீடியோக்கள் தானாக இயக்கப்படுவதைஎப்படித் தடுப்பது?

வீடியோ தன்னியக்க அமைப்பை மாற்றுவதன் மூலம் உங்கள் காலவரிசை, தருணங்கள், 'கண்டறிக' தாவல் ஆகியவற்றில் வீடியோக்கள் தானாக இயக்கப்படுவதைத் தடுக்கலாம். வீடியோ தன்னியக்கத்திற்கான உங்கள் அமைப்புகளை twitter.com மற்றும் உங்கள் Twitter பயன்பாட்டிற்குத் தனித்தனியாக சரிசெய்யலாம் (எடுத்துக்காட்டாக, உங்கள் iOS சாதனத்தில் வீடியோக்களைத் தானாக இயங்கும் வகையிலும் இணையத்தில் அவை தானாக இயங்காதவாறும் அமைக்கலாம்).

உங்கள் iOSக்கான Twitter பயன்பாட்டில் தன்னியக்கத்தை சரிசெய்ய:

1. உங்கள் அமைப்புகள் மற்றும் தனியுரிமை -க்குச் செல்லவும்.
2. பொது பிரிவின் கீழ், தரவு உபயோகம் என்பதைத் தொடவும்.
3. வீடியோ என்பதன் கீழ், வீடியோ தன்னியக்கம் என்பதைத் தொடவும். 
4. பின்வரும் விருப்பத்தேர்வுகளில் ஒன்றைத் தேர்ந்தெடுக்கலாம்: மொபைல் தரவு & Wi-Fi, Wi-Fi மட்டும், ஒருபோதும் வேண்டாம்.

உங்கள் Androidக்கான Twitter பயன்பாட்டில் தன்னியக்கத்தை சரிசெய்ய:

1. உங்கள் அமைப்புகள் மற்றும் தனியுரிமை -க்குச் செல்லவும். 
2. பொது பிரிவின் கீழ், தரவு உபயோகம் என்பதைத் தொடவும்.
3. வீடியோ தன்னியக்கம் என்பதைத் தொடவும். 
4. பின்வரும் விருப்பத்தேர்வுகளில் ஒன்றைத் தேர்ந்தெடுக்கலாம்: மொபைல் தரவு & Wi-Fi, Wi-Fi மட்டும், ஒருபோதும் வேண்டாம்.

twitter.com -இல் தன்னியக்கத்தை சரிசெய்ய:

உங்கள் சுயவிவரம் ஐகானை கிளிக் செய்து, டிராப்-டவுன் மெனுவிலிருந்து அமைப்புகள் மற்றும் தனியுரிமை என்பதைத் தேர்ந்தெடுக்கவும். 
வீடியோ கீச்சுகள் என்பதற்கு அடுத்துள்ள கணக்கு பிரிவில், வீடியோ தன்னியக்கம் என்பதைத் தேர்வுநீக்கவும். 

குளோஸ்டு கேப்ஷன்கள் மற்றும் சப்டைட்டில்கள்

ஒலிபரப்பில் குளோஸ்டு கேப்ஷன்களை எவ்வாறு காட்டுவது:
உங்கள் சாதனத்தின் அணுகல்தன்மை அமைப்புகளில் கேப்ஷன்கள் விருப்பத்தை இயக்கவும். OS -இல், இது குளோஸ்டு கேப்ஷன்கள் என லேபிளிடப்பட்டிருக்கும். Android -இல் இது சப்டைட்டில்கள் என லேபிளிடப்பட்டிருக்கும். 

தருணங்களை எவ்வாறு கண்டறிவது, அவற்றுடன் எப்படி ஊடாடுவது:
உங்கள் சாதனத்தின் ஒலியை அணைக்கவும். இணையத்தில் சப்டைட்டில்களைக் காட்ட, ஒலிபரப்பில் “CC” ஸ்லைடரைத் தட்டவும்.

குறிப்பு: அனைத்து வீடியோக்களிலும் குளோஸ்டு கேப்ஷன்கள் அல்லது சப்டைட்டில்கள் இருக்காது.

Twitter -இல் நேரலை வீடியோக்களைப் பார்த்தல்

தருணங்கள், கண்டறிக தாவல், நடப்புகள் அல்லது நேரலையில் உள்ள ஒரு கணக்கிலிருந்து அனுப்பப்படும் கீச்சுகளிலுள்ள நேரலை வீடியோக்களைப் பார்க்கலாம்.

மேலும் Amazon Fire TV மற்றும் Apple TV -இலும் Twitter மற்றும் உலகளாவிய Periscopeகளில் அலைபரப்பப்படும் நேரலை நிகழ்ச்சிகளைப் பார்க்கலாம். கூடுதலாக, Periscope -இல் நேரலை 360 வீடியோ பார்க்கலாம், Apple TV -இலுள்ள Periscope Global Map -இல் உள்ளடக்கத்தைக் கண்டறியலாம். Xbox மற்றும் Android TV பயனர்கள் தங்கள் இணைய உலாவியைத் தொடங்கி, twitter.com -க்குச் சென்று Twitter -ஐப் பயன்படுத்தி மகிழலாம்.

நேரலை வீடியோ அல்லது ரீப்ளேவைப் பார்க்கும்போது, அந்த அலைபரப்பை கீச்சு, நேரடிச்செய்தி அல்லது இணைப்பை நகலெடுத்துப் பகிரலாம். முழு அலைபரப்பையும் பகிரலாம் அல்லது உங்களுக்கு விருப்பமான குறிப்பிட்ட நேரத்திலிருந்து தொடங்கும் அலைபரப்பைப் பகிரலாம்.

நேரலை அலைபரப்பு அல்லது ரீப்ளேவை எப்படிப் பகிர்வது:

1. நேரலை வீடியோ அல்லது ரீப்ளேவிலிருந்து முழுத்திரை பயன்முறையில், பகிர் ஐகானை  கிளிக் செய்யவும் அல்லது தொடவும்
   1. நேரலையில் இருக்கும்போது நேரலையைப் பகிர் என்பதைத் தொடவும் அல்லது கிளிக் செய்யவும்ஒரு முழு நேரலை வீடியோ அல்லது ரீப்ளேவைத் தொடக்கத்திலிருந்து ட்விட் செய்ய, நேரடிச்செய்தி அனுப்ப அல்லது அதன் இணைப்பை நகலெடுக்க நேரலையில் பகிர் (நேரலையில்இருக்கும்போது) அல்லது தொடக்கத்திலிருந்து பகிர் (ரீப்ளே பயன்முறையில் இருக்கும்போது) -ஐக் கிளிக் செய்யவும் அல்லது தொடவும்.
   2. ஒரு முழு நேரலை வீடியோ அல்லது தேர்ந்தெடுப்புப் பட்டியைப் பயன்படுத்தி தேர்ந்தெடுக்கப்பட்ட குறிப்பிட்ட நேரத்தில் தொடங்கும் ரீப்ளேவை ட்விட் செய்ய, நேரடிச்செய்தி அனுப்ப அல்லது அதன் இணைப்பை நகலெடுக்க இதிலிருந்து பகிர்… என்பதை கிளிக் செய்யவும் அல்லது தொடவும்.

நேரலை வீடியோக்களைப் பார்க்கும்போது நீங்கள் சிக்கல்களை எதிர்கொள்ளலாம். பொதுவாக, வலுவான நெட்வொர்க் இணைப்பிலிருந்து பார்ப்பது மற்றும்/அல்லது வேறொரு நெட்வொர்க் அல்லது உலாவியைப் பயன்படுத்துவது பரிந்துரைக்கப்படுகிறது. கூடுதலாக, பயன்பாடு அல்லது உலாவியை மூடி மீண்டும் திறப்பதும் உதவக்கூடும். சிறந்த முடிவுகளைப் பெற, சமீபத்தியது வரை புதுப்பிக்கப்பட்ட பயன்பாடு அல்லது உலாவிப் பதிப்பைப் பயன்படுத்தவும். நேரலை வீடியோவைப் பார்ப்பதில் சிக்கல்கள் நீடித்தால், எங்களுக்குத் தெரியப்படுத்தவும்.

Twitter -இல் நேரலை வீடியோக்களைப் பார்த்தல்
Periscope -இல் உருவாக்கிய நேரலை ஒலிபரப்புகளை விருந்தினர்களுடனான ஒலிபரப்புகள் உட்பட, Twitter உடன் பகிரலாம்.

வீடியோவை முன்னால் அல்லது பின்னால் நகர்த்துதல்

ஒரு வீடியோவைப் பார்க்கும்போது, அதை விரைவாகப் பின்னால் அல்லது முன்னால் நகர்த்துவதற்கு, உங்கள் திரையை இருமுறை தொடவும்.

ஒரு வீடியோவில் உள்ளடக்கத்தை எப்படி முன்னால்/பின்னால் நகர்த்துவது:

1. 5 வினாடிகள் முன்னால் செல்ல, வீடியோ திரையின் வெளி வலதுபக்கத்தில் இருமுறை தொடவும். 
2. 5 வினாடிகள் பின்னால் செல்ல, வீடியோ திரையின் வெளி இடதுபக்கத்தில் இருமுறை தொடவும்.

முன்னால்/பின்னால் நகர்த்த இருமுறை தட்டியவுடன், அதே திசையில் தொடர்ந்து நகர ஒருமுறை தொடவும்.

முன்னால்/பின்னால் நகர்த்துவதைத் தற்போது முழுத்திரையில் வீடியோக்களைப் பார்க்கும்போது மட்டுமே செய்ய முடியும்.