Twitter -இன் வணிகக் கூட்டாளர்களுடன் உங்கள் தரவைப் பகிர்தல்

Twitter உங்களைப் பற்றிய தகவல்களைப் பெறும்போது, எங்கள் தனியுரிமைக் கொள்கையில் விவரிக்கப்பட்டுள்ளவாறு எங்கள் சேவைகளை மேம்படுத்தவும், உங்கள் Twitterஅனுபவத்தைத் தனிப்பயனாக்கவும், பிற நோக்கங்களுக்காகவும் அந்தத் தகவல்களைப் பயன்படுத்துகிறோம். சில சந்தர்ப்பங்களில், இது எங்கள் கூட்டாளர்களுடன் பொது அல்லாத தகவல்களைப் பகிர்தலையும் உள்ளடக்கும்.

கீழே பட்டியலிட்டுள்ள கூட்டு நடவடிக்கைகளுக்கு, பயனர்களின் தரவு பகிரப்படலாமா என்பது குறித்து கூடுதல் கட்டுப்பாட்டை வழங்குகிறோம். உங்கள் தனிப்பயனாக்குதல் மற்றும் தரவு அமைப்புகளில் “Twitter -இன் வணிகக் கூட்டாளர்களுடன் எனது தரவைப் பகிர்” என்ற அமைப்பைப் பயன்படுத்தி இந்தக் கட்டுப்பாட்டை நீங்கள் பயன்படுத்தலாம். இந்த அமைப்பிற்கான மாற்றங்கள் நடைமுறைக்கு வர சிறிது நேரம் ஆகலாம். இந்த அமைப்பு கீழே பட்டியலிட்டுள்ள குறிப்பிட்ட வகையான கூட்டாண்மைகள் மற்றும் கூட்டாளர்களுக்கு மட்டுமே பொருந்தும்: எங்கள் சேவை வழங்குநர்கள் போன்ற பிற கூட்டாளர்களுடன் அல்லது கீழே பட்டியலிட்டுள்ளவர்களைத் தவிர வேறு கூட்டாண்மைகளின் மூலம் அதே கூட்டாளர்களுடன் தரவை Twitter எவ்வாறு பகிர்ந்து கொள்கிறது என்பதைப் பாதிக்காது.


கூட்டாண்மைகள் பட்டியல், கடைசியாகப் புதுப்பித்தது ஆகஸ்ட் 3, 2019:

நிகழ்நேர ஏலம் (RTB): Twitter -இல் விளம்பரங்களை வாங்கவும் அளிக்கவும் கூட்டாளர்களின் அமைப்புகளைப் பயன்படுத்த விளம்பரதாரர்களை இந்தக் கூட்டாண்மைகள் அனுமதிக்கின்றன. விளம்பரங்களை எப்போது வாங்க வேண்டும், எந்த விளம்பரங்களை வழங்க வேண்டும் என்பதைத் தீர்மானிக்க விளம்பரதாரர்களுக்கு உதவ, இந்தக் கூட்டாண்மைகள் மூலம் மக்கள்தொகைசார் தரவு உட்பட சாதன அளவிலான தரவை Twitter பகிர்ந்து கொள்கிறது. எடுத்துக்காட்டாக, விளம்பரதாரர்கள் அந்தப் பார்வையாளர்களுக்கு மிகவும் பொருத்தமான விளம்பரங்களை வழங்க உதவும் வகையில், மொபைல் சாதன அடையாளங்காட்டியானது 25-34 வயதுடைய ஆண் பயனருடன் தொடர்புபடுகிறது என்பதை Twitter பகிரக்கூடும். Twitter உங்கள் பெயர், மின்னஞ்சல், தொலைபேசி எண் அல்லது Twitter பயனர் அடையாளத்தை RTB கூட்டாளர்களுடன் பகிர்ந்துகொள்ளாது. எனினும், இந்த கூட்டாளர்கள் நாங்கள் பகிர்ந்து கொள்ளும் சாதன அளவிலான தரவை ஒரு பயனரின் பெயர், மின்னஞ்சல், தொலைபேசி எண் அல்லது கூட்டாளரிடமுள்ள பிற தகவல்களின் அடிப்படையில் பிற தனிப்பட்ட தரவுகளுடன் இணைக்கலாம் (எடுத்துக்காட்டாக, பயனர் அந்தக் கூட்டாளரின் சேவையுடன் ஒரு கணக்கிற்கு பதிவு செய்திருந்தால்). இந்தக் கூட்டாண்மைகளைச் செய்வதற்கு முன்பு அவை உங்களது ஒப்புதலைப் பெற வேண்டும். Twitter உங்கள் Twitter தரவு மூலம் உங்கள் மக்கள்தொகைசார் தரவை நீங்கள் காணலாம் மற்றும் திருத்தலாம். 

RTB கூட்டாளர்(கள்):


மாற்றம் தடமறிதல்: விளம்பரதாரர்களுக்கு அளவீட்டு மற்றும் பகுப்பாய்வுக் கருவிகளை வழங்கும் கூட்டாளர்களுடன் தகவல்களைப் பகிர Twitter -க்கு இந்தக் கூட்டாண்மைகள் உதவுகின்றன. இந்தத் தகவலில் ஒரு குறிப்பிட்ட உலாவி அல்லது சாதனம் கண்ட, பார்த்த அல்லது வேறு வகையில் தொடர்புகொண்ட விளம்பரங்களை உள்ளடக்கலாம். விளம்பரதாரர்கள் Twitter மூலம் இயக்கும் மொபைல் விளம்பரப் பிரச்சாரங்களின் வினைத்திறனைப் பகுப்பாய்வு செய்யவதற்கும் மதிப்பீடு செய்வதற்கும் இந்தக் கருவிகள் அனுமதிக்கின்றன. எடுத்துக்காட்டாக, ஒரு மொபைல் சாதன அடையாளங்காட்டி ஒரு குறிப்பிட்ட மொபைல் பயன்பாட்டிற்கான விளம்பரத்தைப் பார்த்தது என்பதை Twitter பகிரக்கூடும். கூட்டாளர் பின்னர் விளம்பரத்தை இயக்கிய விளம்பரதாரருக்கு இந்தத் தகவலை வழங்குவார், இதனால் சாதனம் பின்னர் மொபைல் பயன்பாட்டை நிறுவினால், Twitter -இல் விளம்பரம் பயனுள்ளதாக இருந்தது என்பதை விளம்பரதாரர் அறிந்துகொள்வார். Twitter உங்கள் பெயர், மின்னஞ்சல், தொலைபேசி எண் அல்லது Twitter பயனர் அடையாளத்தை இந்தக் கூட்டாளர்களுடன் பகிர்ந்துகொள்ளாது. எங்கள் கூட்டாளர்களிடமிருந்து பெறப்பட்ட தகவல்கள் மற்றும் உங்கள் விளம்பரங்களை தனிப்பயனாக்கு அமைப்பைப் பயன்படுத்தி உங்கள் பிற ஆன்லைன் செயல்பாடு ஆகியவற்றின் அடிப்படையில் தனிப்பயனாக்கப்பட்ட விளம்பரங்களை நீங்கள் Twitter -இல் பார்க்கிறீர்களா என்பதைக் கட்டுப்படுத்தலாம்.


மாற்றம் தடமறிதல் கூட்டாளர்(கள்):

 

Bookmark or share this article