goglobalwithtwitterbanner

தனிப்பட்ட தகவல் கொள்கை

மேலோட்டப் பார்வை

மார்ச் 2019

பிறரின் தனிப்பட்ட தகவலை அவர்களின் வெளிப்படையான அங்கீகாரம் மற்றும் அனுமதியின்றி வெளியிடவோ பதிவிடவோ கூடாது. தனிப்பட்ட தகவல்களை வெளியிடுவதாக மிரட்டுவதையும் பிறரை அவ்வாறு செய்யத் தூண்டுவதையும் நாங்கள் தடைசெய்துள்ளோம்.

ஒருவருடைய தனிப்பட்ட தகவல்களை அவருடைய அனுமதியின்றி ஆன்லைனில் பகிர்வது - இது சில நேரங்களில் ‘டாக்ஸிங்’ (doxxing) என்று அழைக்கப்படுகிறது - அவருடைய தனியுரிமையையும் Twitter விதிகளையும் மீறுவதாகும். தனிப்பட்ட தகவல்களைப் பகிர்வது அதனால் பாதிக்கப்படுபவர்களுக்கு மிகத் தீவிரமான பாதுகாப்பு மற்றும் பத்திரத்தன்மை அபாயங்களை ஏற்படுத்தலாம், அது உடல்ரீதியான, உணர்ச்சிரீதியான, நிதி சார்ந்த கஷ்டங்களை உருவாக்கலாம்.

இந்தக் கொள்கையின் கீழ் நாங்கள் புகார்களை மதிப்பாய்வு செய்யும்போது, பின்வருபவை உள்ளிட்ட பல விஷயங்களைக் கருத்தில் கொள்வோம்:

எந்த வகையான தகவல் பகிரப்படுகிறது?
அனுமதியின்றி சில வகையான தனிப்பட்ட தகவல்கள் பகிரப்பட்டால், அவை பிறவற்றை விட அதிக அபாயத்தை ஏற்படுத்தலாம் என்பதால் இதைக் கருத்தில் கொள்கிறோம். தனிநபர்களின் தகவல்கள் பகிரப்படுவதால் உடல்ரீதியான அபாயம் ஏற்படுத்துவதிலிருந்து அவர்களைப் பாதுகாப்பதே எங்களுடைய முதன்மையான நோக்கம், எனவே தனிநபர்களின் அமைவிடம் போன்ற தகவல்களை பிற வகையான தகவல்களை விட அதிக அபாயமானதாகக் கருதுகிறோம். 

தகவலைப் பகிர்வது யார்?
புகாரளிக்கப்படும் தகவலை யார் பகிர்கிறார்கள், அந்தத் தகவலுக்குச் சொந்தக்காரரின் அனுமதி அவருக்கு உள்ளதா போன்றவற்றையும் நாங்கள் கருத்தில் கொள்கிறோம். சில நேரங்களில் மக்கள் தங்களுடைய தனிப்பட்ட தகவல்களின் சில வடிவங்களைப் பொதுவில் பகிர விரும்பலாம் என்பது எங்களுக்குத் தெரிந்துள்ளதால் இதைச் செய்கிறோம். எடுத்துக்காட்டாக, புரொஃபஷனல் நெட்வொர்க்கிங் அல்லது சமூக நிகழ்வுகளை ஏற்பாடு செய்வதற்காக தனிப்பட்ட தொலைபேசி எண் அல்லது மின்னஞ்சல் முகவரியைப் பகிர்தல், அல்லது ஏதேனும் இயற்கைப் பேரிடர் நிகழ்ந்த பின்னர் உதவி கோருவதற்காக ஒருவருடைய வீட்டு முகவரியைப் பொதுவில் பகிர்தல். 

அந்தத் தகவல் ஆன்லைனில் வேறெங்காவது கிடைக்கிறதா?
புகாரளிக்கப்படும் தகவல் Twitter -இல் பகிரப்படுவதற்கு முன்னால் வேறெங்காவது பகிரப்பட்டிருந்தால் - எ.கா., பொதுவில் அணுகக்கூடிய தனது இணையதளத்தில் ஒருவர் தனது தனிப்பட்ட தொலைபேசி எண்ணைப் பகிர்ந்திருந்தால் - அதன் உரிமையாளர் அதை ஏற்கனவே பொதுவில் வெளியிட்டுவிட்டதால் அந்தத் தகவலை ‘தனிப்பட்டது’ எனக் கருத மாட்டோம். குறிப்பு: வீட்டு முகவரிகள் ஏற்கனவே பொதுவில் பகிரப்பட்டிருந்தாலும் கூட, உடல்ரீதியான தீங்கிழைக்கும் சாத்தியமுள்ள சூழ்நிலைகளில் அவை பகிரப்பட்டிருக்கும்போது நாங்கள் நடவடிக்கை எடுப்போம். 

தகவல் ஏன் பகிரப்பட்டுள்ளது?
தகவலைப் பகிர்பவரின் நோக்கத்தையும் நாங்கள் கருத்தில் கொள்வோம். எடுத்துக்காட்டாக, ஒருவர் தீங்கிழைக்கும் நோக்கத்திற்காக அல்லது துன்புறுத்துவதற்காக அல்லது வேறொருவரைத் துன்புறுத்துவதற்குப் பிறரை ஊக்குவிப்பதற்காகத் தகவலைப் பகிர்வதாக நாங்கள் நம்பினால், நடவடிக்கை எடுப்போம். மாறாக, ஒரு வன்முறைச் சம்பவத்திற்குப் பின்னர் போன்ற அவசரகாலச் சூழ்நிலையில் வேறொருவருக்கு உதவுவதற்காக ஒருவர் தகவலைப் பகிர்ந்தால், நாங்கள் நடவடிக்கை எடுக்க மாட்டோம். 

இந்தக் கொள்கையை மீறுபவை எவை?

இந்தக் கொள்கையின் கீழ், பின்வரும் வகையிலான தகவல்களை அவற்றின் உரிமையாளரின் அனுமதியின்றிப் பகிரக்கூடாது:

  • தெரு முகவரிகள், GPS அமைவிட ரேகைகள் அல்லது அவர்கள் தனிப்பட்டது எனக் கருதக்கூடிய அமைவிடத் தகவல்களை அடையாளம் காணக்கூடிய தகவல்கள் உள்ளிட்ட வீட்டு முகவரி அல்லது வசிப்பிட அமைவிடத் தகவல்;
  • அரசாங்கத்தால் வழங்கப்பட்ட IDகள், சமூகப் பாதுகாப்பு அல்லது பிற தேசிய அடையாளச் சான்று எண்கள் உள்ளிட்ட அடையாளச் சான்று ஆவணங்கள் - குறிப்பு: இந்தத் தகவல்கள் தனிப்பட்டவையாகக் கருதப்படாத பிராந்தியங்களில் நாங்கள் வரையறுக்கப்பட்ட விதிவிலக்குகளை வழங்கலாம்;
  • பொதுவல்லாத தனிப்பட்ட தொலைபேசி எண்கள் அல்லது மின்னஞ்சல் முகவரிகள் உள்ளிட்ட தொடர்புத் தகவல்கள்; 
  • வங்கிக் கணக்கு மற்றும் கிரெடிட் கார்டு விவரங்கள் உள்ளிட்ட நிதிக் கணக்குத் தகவல்கள்; மற்றும்
  • பயோமெட்ரிக் தரவு அல்லது மருத்துவப் பதிவுகள் உள்ளிட்ட பிற தனிப்பட்ட தகவல்கள்.

பின்வரும் நடத்தைகளும் அனுமதிக்கப்படாது: 

  • ஒருவருடைய தனிப்பட்ட தகவல்களை பொதுவில் வெளியிடுவதாக மிரட்டுதல்;
  • ஒருவருடைய தனிப்பட்ட தகவல்களை அவருடைய அனுமதியின்றி தனிப்பட்ட நபர்கள் ஹேக் செய்ய அல்லது அணுகலைப் பெற உதவும் தகவல்களைப் பகிர்தல், எ.கா., ஆன்லைன் பேங்கிங் சேவைகளுக்கான உள்நுழைவு அனுமதிச் சான்றுகளைப் பகிர்தல்;
  • ஒருவரது தனிப்பட்ட தகவல்களைப் பதிவிடாமல் இருப்பதற்குக் கைமாறாக பிணையத்தொகை அல்லது நிதி வெகுமதியைக் கோருதல் அல்லது வழங்குதல்;
  • ஒருவரது தனிப்பட்ட தகவல்களைப் பதிவிடாமல் இருப்பதற்குக் கைமாறாக பிணையத்தொகை அல்லது நிதி வெகுமதியைக் கோருதல் அல்லது வழங்குதல், இது பொதுவாக பிளாக்மெயில் என்று குறிப்பிடப்படும்.

இந்தக் கொள்கையை மீறாதவை எவை?

பின்வருபவை இந்தக் கொள்கையை மீறாதவை எனக் கருதப்படும்:

  • மக்கள் தங்கள் சொந்தத் தனிப்பட்ட தகவல்களைப் பகிர்தல்;
  • தீங்கிழைக்காத வகையில் வேறெங்காவது பொதுவில் கிடைக்கும் தகவல்களைப் பகிர்தல்; மற்றும்
  • தனிப்பட்டதென நாங்கள் கருதாத தகவல்களைப் பகிர்தல், அவற்றில் பின்வருபவை உள்ளடங்கும்:
    • பெயர்;
    • பிறந்தநாள் அல்லது வயது;
    • கல்வி அல்லது வேலை செய்யும் இடம்;
    • வர்த்தகரீதியான சொத்து அல்லது வர்த்தக அமைவிடங்கள் தொடர்பான அமைவிடத் தகவல்கள், இந்தத் தகவல்கள் பொதுவில் கிடைக்கும் பட்சத்தில்;
    • உடல் தோற்றம் குறித்த விவரிப்புகள்;
    • கிசுகிசுக்கள், வதந்திகள், குற்றச்சாட்டுகள்; மற்றும்
    • பிற இயங்குதளங்களில் உள்ள உரைச் செய்திகள் அல்லது செய்திகளின் ஸ்க்ரீன்ஷாட்கள் (அவை தனிப்பட்ட தகவல்களை, எ.கா. தொலைபேசி எண், கொண்டிருக்காவிட்டால் தவிர).

இந்தக் கொள்கையை மீறுபவற்றைப் பற்றி யார் புகாரளிக்கலாம்?

தீங்கிழைப்பது எனத் தெளிவாகத் தெரியும் வகையில் பகிரப்பட்ட தனிப்பட்ட தகவல்களைப் பற்றி யார் வேண்டுமானாலும் புகாரளிக்கலாம் (அவர்களுக்கு Twitter கணக்கு இருந்தாலும் இல்லையென்றாலும்). தீங்கிழைப்பதற்கான நோக்கம் தெளிவாகத் தெரியாத வகையில் தகவல்கள் பகிரப்பட்டிருக்கும் சூழ்நிலைகளில் நடவடிக்கை எடுப்பதற்கு முன்பு, இந்தத் தகவல்களின் உரிமையாளரிடமிருந்து (அல்லது அவருடைய வழக்கறிஞர் போன்ற அவரால் அங்கீகரிக்கப்பட்ட பிரதிநிதியிடமிருந்து) நேரடியாக நாங்கள் கருத்து கேட்க வேண்டும். 

இந்தக் கொள்கையை மீறுபவற்றைப் பற்றி நான் எப்படிப் புகாரளிப்பது?

பயன்பாடு

பின்வரும் வகையில் இந்த உள்ளடக்கத்தைப் பற்றிய மதிப்பாய்வைப் பயன்பாட்டில் புகாரளிக்கலாம்:

  1. ஐகானிலிருந்து கீச்சைப் பற்றி புகாரளி என்பதைத் தேர்ந்தெடுக்கவும்.
  2. இது வசைமொழி அல்லது தீங்கிழைப்பது என்பதைத் தேர்ந்தெடுக்கவும்.
  3. இதில் தனிப்பட்ட தகவல் உள்ளது என்பதைத் தேர்ந்தெடுக்கவும்.
  4. நீங்கள் புகாரளிக்கும் தகவலின் வகையைத் தேர்ந்தெடுக்கவும்.
  5. நீங்கள் புகாரளிக்கும் தகவலின் உரிமையாளரைப் பொறுத்து, அதனுடன் தொடர்புடைய விருப்பத்தேர்வைத் தேர்ந்தெடுக்கவும்.
  6. மதிப்பாய்வுக்காக, 5 கீச்சுகள் வரை புகாரளிப்பதற்குத் தேர்ந்தெடுக்கலாம்.
  7. உங்கள் புகாரைச் சமர்ப்பிக்கவும்.

டெஸ்க்டாப்

பின்வரும் வகையில் இந்த உள்ளடக்கத்தைப் பற்றிய மதிப்பாய்வைப் டெஸ்க்டாப்பில் புகாரளிக்கலாம்:

  1. ஐகானிலிருந்து கீச்சைப் பற்றி புகாரளி என்பதைத் தேர்ந்தெடுக்கவும்.
  2. இது வசைமொழி அல்லது தீங்கிழைப்பது என்பதைத் தேர்ந்தெடுக்கவும்.
  3. இதில் தனிப்பட்ட தகவல் உள்ளது என்பதைத் தேர்ந்தெடுக்கவும்.
  4. நீங்கள் புகாரளிக்கும் தகவலின் வகையைத் தேர்ந்தெடுக்கவும். 
  5. நீங்கள் புகாரளிக்கும் தகவலின் உரிமையாளரைப் பொறுத்து, அதனுடன் தொடர்புடைய விருப்பத்தேர்வைத் தேர்ந்தெடுக்கவும்.
  6. மதிப்பாய்வுக்காக, 5 கீச்சுகள் வரை புகாரளிப்பதற்குத் தேர்ந்தெடுக்கலாம்.
  7. உங்கள் புகாரைச் சமர்ப்பிக்கவும்.

எங்கள் தனிப்பட்ட தகவல் புகார் படிவத்தில், நீங்கள் புகாரளிக்க விரும்பும் தனிப்பட்ட தகவலின் வகையைத் தேர்ந்தெடுப்பதன் மூலமூம் இந்த உள்ளடக்கத்தைப் பற்றி மதிப்பாய்வு செய்ய புகாரளிக்கலாம்.

இந்தக் கொள்கையை மீறினால் என்னாகும்?

எங்கள் தனிப்பட்ட தகவல் கொள்கையை மீறுவதற்கான விளைவுகள் விதிமீறலின் தீவிரத்தன்மையையும், அந்தக் கணக்கின் முந்தைய விதிமீறல் வரலாற்றையும் பொறுத்து இருக்கும். 

நீங்கள் இந்தக் கொள்கையை முதல்முறையாக மீறினால், இந்த உள்ளடக்கத்தை அகற்றுமாறு கோருவோம். நீங்கள் மீண்டும் ட்விட் செய்வதற்கு முன்பு உங்கள் கணக்கைத் தற்காலிகமாகப் பூட்டி வைப்போம். உங்களுக்கான முதல் எச்சரிக்கைக்குப் பின்னரும் நீங்கள் மீண்டும் இந்தக் கொள்கையை மீறினால், உங்கள் கணக்கு நிரந்தரமாக இடைநீக்கப்படும். உங்கள் கணக்கு தவறுதலாக இடைநீக்கப்பட்டிருப்பதாக நினைத்தால், நீங்கள் ஒரு முறையீட்டைச் சமர்ப்பிக்கலாம்.

கூடுதல் ஆதாரங்கள்

எங்கள் அமலாக்க விருப்பத்தேர்வுகள் மற்றும் கொள்கை மேம்பாடு மற்றும் அமலாக்கம் குறித்த எங்கள் அணுகுமுறை பற்றி மேலும் அறியவும்.

உரிமையாளரின் அனுமதியின்றி பிற வகையான உள்ளடக்கங்களை வினியோகிப்பதும் எங்கள் ஹேக் செய்யப்பட்ட உள்ளடக்கக்தை வினியோகித்தல் தொடர்பான எங்கள் கொள்கையின் கீழ் நடவடிக்கை எடுக்கக்கூடிய சாத்தியமுள்ளதாகும்.

Bookmark or share this article