இழந்துவிட்ட அல்லது மறந்துவிட்ட Twitter கடவுச்சொல்லை எவ்வாறு கண்டறிவது

1. உள்நுழைந்துள்ள கணக்கிலிருந்து, வழிகாட்டுதல் பட்டியில் உள்ள மேலும்  என்னும் சின்னத்தில் கிளிக் செய்து, அமைப்புகள் மற்றும் தனியுரிமை என்பதைத் தேர்வுசெய்யவும்.
2. கணக்கு என்ற தாவலிலிருந்து கடவுச்சொல் என்பதில் கிளிக் செய்யவும்.
3. உங்கள் தற்போதைய கடவுச்சொல்லை உள்ளிடவும்.
4. புதிய கடவுச்சொல்லைத் தேர்வுசெய்யவும்.
5. சேமி என்பதை கிளிக் செய்வதன் மூலம் மாற்றங்களைச் சேமிக்கவும்.

1. twitter.com அல்லது mobile.twitter.com -இன் உள்நுழைதல் பக்கத்திலிருந்து அல்லது iOS அல்லது Android பயன்பாட்டிற்கான Twitter –இலிருந்து கடவுச்சொல்லை மறந்துவிட்டீர்களா? என்பதைக் கிளிக் செய்யவும்.
2. உங்கள் மின்னஞ்சல் முகவரி, தொலைபேசி எண் அல்லது Twitter பயனர்பெயரை உள்ளிடவும். உங்கள் தொலைபேசி எண்ணுடன் பல கணக்குகள் தொடர்புப்படுத்தப்பட்டிருந்தால், இந்தப் படிநிலையின் போது, தொலைபேசி எண்ணைப் பயன்படுத்த முடியாது.
3. கடவுச்சொல் மீட்டமைப்பு மின்னஞ்சலைப் பெற விரும்பும் மின்னஞ்சல் முகவரியைத் தேர்வுசெய்யவும்.
4. உங்கள் மின்னஞ்சல் இன்பாக்ஸைப் பார்க்கவும். Twitter உடனடியாக உங்கள் கணக்கின் மின்னஞ்சல் முகவரிக்கு ஒரு தகவலை அனுப்பும்.
5. அந்த மின்னஞ்சலில் உள்ள மீட்டமைப்பு இணைப்பைக் கிளிக் செய்யவும்.
6. புதிய கடவுச்சொல்லைத் தேர்வுசெய்யவும்.

மொபைல் அமைப்புகளில், உங்கள் கணக்குடன் தொலைபேசி எண்ணைச் சேர்த்திருந்தால், SMS/உரைச்செய்தி வழியாகக் கடவுச்சொல் மீட்டமைப்பைப் பெறலாம்.

1. கடவுச்சொல்லை மறந்துவிட்டீர்களா? என்னும் பக்கத்திலிருந்து, உங்கள் தொலைபேசி எண், மின்னஞ்சல் முகவரி அல்லது Twitter பயனர்பெயரை உள்ளிடவும்.
   
2. தொலைபேசி எண்ணை உள்ளிட்டு, தேடுக என்பதில் கிளிக் செய்யவும்.
3. [XX] என முடியும் எனது தொலைபேசி எண்ணிற்குக் குறியீட்டை அனுப்புக எனும் செய்தி தோன்றும். தொடர்க என்பதைக் கிளிக் செய்யவும்.
4. 15 நிமிடங்களுக்குச் செல்லுபடியாகும் ஆறு-இலக்கக் குறியீட்டை Twitter உங்களுக்கு அனுப்பும்.
5. கடவுச்சொல் மீட்டமைப்புப் பக்கத்தில், உரைப் புலத்தில் இந்தக் குறியீட்டை உள்ளிட்டு, சமர்ப்பி என்பதைக் கிளிக் செய்யவும்.
6. புதிய கடவுச்சொல்லைத் தேர்வுசெய்யுமாறு கேட்கப்படுவீர்கள்.