څرنګه خپل حساب غیرفعال کړئ

ستاسو د ټویټر حساب غیرفعالول د تل له پاره د هغه د حذف کولو لومړنی ګام دی. غیرفعالول د 30 ورځو لپاره دوام مومي. که چېرته تاسو د خپل حساب د غیرفعالې 30 ورځنۍ مودې په اوږدو کې خپل حساب ته لاسرسی و نه موند، نو ستاسو حساب حذف کېږي او ستاسو کارن نوم به ستاسو له حساب سره نور ثبت نه وي.  

غیرفعالول، د تل له پاره ستاسو د ټویټر حساب د حذف کولو بهیر پیلوي. دا کار د 30 ورځو په موده کې ترسره کېږي او تاسو ته په دې توګه وخت درکوي چې که چېرته غواړئ خپل حساب بیرته فعال کړئ نو دا کار کولای شئ.

ستاسو د ټویټر حساب د غیرفعالولو معنا دا ده چې ستاسو کارن نوم (یا “handle”) او عمومي پروفایل به په په  twitter.com iOS  او Android له پاره په ټویټرونو کې د لیدلو وړ نه وي.   

ستاسو د حساب د غیرفعالولو له 30 ورځنۍ مودې نه وروسته، به ستاسې د ټويټر حساب د تل له پاره حذف شي. که تاسو په دې 30 ورځنۍ موده کې خپل حساب ته دننه نشئ، نو دا به په دې معنی وي چې تاسو غواړئ خپل حساب د تل له پاره حذف کړئ. کله چې ستاسو حساب حذف شو تر دې وروسته به زموږ په سیستم کې موجود نه وي. تر دې وروسته تاسې و نشئ کولای خپل پخوانی حساب فعال کړئ او خپلو پخوانیو ټویټونو ته به هم لاسرسی نلرئ.  

دلته ځینې شیان شته چې که چیرته تاسې تصمیم نیولی وي چې خپل د ټویټر حساب غیرفعال یا حذف کړئ نو باید هغه په ذهن کې وساتئ:

• ستاسې د ټویټر حساب حذف کول به د پلټنې په انجنونو کې لکه ګوګل یا بینګ څخه ستاسې معلومات حذف نکړي،ستاسې د ټویټر حساب حذف کول به د پلټنې په انجنونو کې لکه ګوګل یا بینګ څخه ستاسې معلومات حذف نکړي، ځکه چې ټویټر پر دغو سایټونو کنټرول نلري. که غواړئ چې د پلټنې له دغو انجنونو سره اړیکه ونیسئ نو باید ځینې ګامونه پورته کړئ.
• کله چې تاسې و خپل د ټویټر حساب حذف کړئ، نو د نورو په ټویټونو کې به ستاسې د حساب ذکر شوی کارن نوم لا هم موجود وي. مګر کله چې پر هغه کارن نوم کلېک وشي، ستاسو پروفایل به را څرګند نشي، ځکه چې ستاسو پروفایل نور نشته. که چیرته تاسې غواړئ چې د ټویټر د قوانینو (Twitter Rules) په اړه مطلب تر نظر تېر کړئ، نو دلته (here) باید خپل ټکټ ثبت کړئ.
• تاسو له خپل ټویټر حساب سره د کاریدلي کارن نوم او برېښنالیک د بدلولو له پاره د د خپل حساب حذفولو ته اړتیا نلرئ. د حساب معلوماتو (Account information) ته ولاړ شئ او اپډېټ یې کړئ.
• که چیرته تاسې د غیرفعالولو په 30 ورځنۍ موده کې خپل حساب ته دننه شوئ نو په دې سره به تاسې په اسانۍ خپل حساب بیرته فعال کړئ.
• که چیرته غواړئ چې د خپل 1}ټویټر اطلاعات ډانلوډ کړئ، نو وړاندې تر دې چې خپل حساب مو غیرفعال کړئ، باید د هغه لپاره غوښتنه ورکړئ. د خپل حساب غیرفعاله کول د ټویټر له سیستم څخه اطلاعات نه لري کوي.
• ښایي ټویټر ستاسې د غیرفعال شوي حساب په اړه ځینې معلومات له ځان سره خوندي وساتي تر څو د هغه د پلټفارم او هغه خلک چې ټویټر کاروي د هغوی له خوندیتوب او امنیت څخه ډاډ تر لاسه شي. لا زیات معلومات کېدای شي دلته ومومئ.

که چیرته تاسې د خپل ټویټر حساب په مدیریت کې ستونزه لرئ، نو بیا دغه معلومات ولولئ تر څو وړاندې له دې چې د خپل ټویټر حساب حذف کول وټاکئ د عامه مسایلو پر مدیریت باندې یې پوه شئ.

• له ورکو شویو ټویټونو سره مرسته کول
• د څارلو عامه مسایل
• د مشکوکو مستقیمو پیغامونو او د حساب د بالقوه خطر په اړه باید څه وکړو

د غیرفعالولو په 30 ورځنۍ موده کې به ستاسې مستقیم پیغامونه حذف نشي. کله چې د غیرفعاله کولو موده پای ته ورسیده او ستاسې حساب حذف شو، نو ستاسې ټول مسقتیم پیغامونه به هم حذف شي.

که چیرته تاسې کومو درېیمګړو اپلیکیشنونو ته اجازه ورکړي وي چې ستاسې اکاونټ ته لاسرسی ولري، نو تاسې به په غیرمستقیم ډول سره له نورو اپلیکیشنونو څخه دننه کېږئ. ځکه چې په ټویټر کې دننه کېدل په اتومات ډول سره ستاسې حساب بیرته فعاله کوي، له همدې کبله تاسې باید خپل د ټویټر حساب ته د درېیمګړي اپلیکیشن لاسرسی لغوه کړئ.

که چیرته تاسې ته خپل رمز په یاد نه وي، یا هم تاسې داسې پیغام تر لاسه کوئ چې ورکړل شوی رمز سم نه دی، نو باید خپل رمز بیرته له سره بدل کړئ. د رمز د بدلولو لپاره د برېښنالیک د غوښتنې هڅه وکړئ.

که چیرته تاسې خپل هغه برېښنالیک ته لاسرسی له لاسه ورکړی وي چې ستاسو له ټویټر حساب سره ثبت و، نو باید د خپل برېښنالیک د خدمتونو له وړاندې کوونکي سره په اړیکه کې شئ. خپل برېښنالیک ته د لاسرسي لرلو لپاره مرسته تر لاسه کړئ. غیرفعالول هغه کار دی چې باید د حساب د تصدیق شوي کس له خوا تر سره شي یا هم د تصدیق شوي حساب لرونکي کس له خوا یې غوښتنه وشي. مګر دا چې تاسو له موږ سره د تصدیق شوي برېښنالیک له لارې اړیکه ونیسئ (یا هم په حساب کې تصدیق شوي موبایل شمېرې ته لاسرسی ولرئ)، پرته له دې موږ نشو کولای چې ستاسې په استازیتوب ستاسې حساب غیرفعال کړو. که چیرته تاسې په خپل حساب کې تصدیق شوې موبایل شمېرې ته لاسرسی لرئ، نو بیا کولای شئ د رمز د بدلولو لپاره غوښتنه واستوئ.

د دې لپاره چې خپل بند شوی یا تعلیق شوی حساب غیرفعال کړئ، نو مهرباني وکړئ خپله غوښتنه دلته (here) تسلیم کړئ. تاسې کولای شئ خپلې غوښتنې هغو ارتباطي شمېرو ته واستوئ کوم چې د «څرنګه له موږ سره په اړیکه کې شئ (How To Contact Us)» لاندې زموږ د محرمیت په تګلاره (Privacy Policy) کې لیکل شوي دي.

همدا شان تاسې کولای شئ د خپل حساب د بېرته خلاصولو لپاره مرسته وغواړئ. د خپل بند شوي یا تعلیق شوي حساب د مدیریت په اړه لا زیات معلومات تر لاسه کړئ، له هغې ډلې د یوې غوښتنې ثبتول.