खाजगी माहिती संबंधित धोरण

विहंगावलोकन

मार्च 2019

इतर लोकांची खाजगी माहिती त्यांनी स्पष्टपणे अधिकृतता आणि परवानगी दिल्याशिवाय आपण प्रदर्शित किंवा पोस्ट करू शकत नाही. खाजगी माहिती उघड करण्याची धमकी देणे किंवा असे करण्यास इतरांना प्रोत्साहन देणे यालाही आम्ही प्रतिबंध करतो.

एखाद्याच्या परवानगीशिवाय त्यांची खाजगी माहिती ऑनलाईन शेअर करणे, याला कधीकधी डॉक्सिंग म्हणतात, हे त्यांच्या खाजगीत्वाचे आणि Twitter चे नियम याचे उल्लंघन आहे. खाजगी माहिती शेअर करण्यामुळे प्रभावित लोकांच्या सुरक्षितता आणि सुरक्षेबाबत गंभीर जोखमी निर्माण होऊ शकतात आणि त्यामुळे शारीरिक, भावनिक आणि आर्थिक नुकसान होऊ शकते.

या धोरणांतर्गत रिपोर्ट्सचा आढावा घेताना, आम्ही अनेक गोष्टी विचारात घेतो, यामध्ये खालील घटकांचा समावेश होतो:

कोणत्या प्रकारची माहिती शेअर केली जात आहे?
आम्ही याचा विचार करतो कारण ठराविक प्रकारची खाजगी माहिती परवानगीशिवाय शेअर केल्यास त्यामुळे इतरांपेक्षा जास्त जोखीम निर्माण होऊ शकते. लोकांची माहिती शेअर केल्यामुळे त्यांना शारीरिक धोका निर्माण होण्यापासून त्यांचे संरक्षण करण्याचे आमचे प्राथमिक ध्येय आहे, तेव्हा इतर प्रकारच्या माहितीपेक्षा भौतिक स्थानाची माहिती जास्त जोखमीची असते असे आम्ही मानतो. 

माहिती कोण शेअर करीत आहे?
रिपोर्ट केलेली माहिती कोण शेअर करत आहे आणि ती ज्या व्यक्तीची आहे तिची त्याला संमती आहे का याचाही आम्ही विचार करतो. आम्ही हे करतो कारण आम्हाला माहीत आहे की लोकांना काही वेळेला त्यांची वैयक्तिक संपर्काची माहिती सार्वजनिकरित्या शेअर करावयाची असते. उदाहरणार्थ, व्यावसायिक नेटवर्किंगसाठी किंवा सामाजिक कार्यक्रमांचा समन्वय साधण्यासाठी वैयक्तिक फोन क्रमांक किंवा ई-मेल शेअर करणे किंवा नैसर्गिक आपत्तीनंतर मदत मिळविण्यासाठी एखाद्याचा निवासी पत्ता शेअर करणे. 

ती माहिती अन्यत्र ऑनलाईन उपलब्ध आहे का?
रिपोर्ट केलेली माहिती Twitter वर शेअर केली जाण्यापूर्वी जर अन्यत्र शेअर केली गेली असेल, उदा. एखाद्याने सार्वजनिकरित्या प्रवेश करता येणाऱ्या स्वतःच्या वेबसाईटवर त्यांचा वैयक्तिक फोन क्रमांक शेअर केला असेल तर, आम्ही ही माहिती खाजगी मानणार नाही, कारण मालकाने ती माहिती सार्वजनिकरित्या उपलब्ध केलेली आहे. टिप: शारीरिक जोखमीच्या संभाव्यतेमुळे निवासी पत्ते शेअर केले जाण्याविरुद्ध आम्ही कारवाई करू शकतो, अगदी ते सार्वजनिकरित्या उपलब्ध असलेत तरी. 

माहिती का शेअर केली जात आहे?
माहिती शेअर करणाऱ्या व्यक्तीचा हेतू हा देखील आमच्यासाठी महत्त्वाचा घटक असतो. उदाहरणार्थ, जर आम्हाला वाटले की कोणी गैरवर्तन करण्याच्या हेतूने किंवा छळ करण्यासाठी किंवा दुसऱ्या व्यक्तीचा छळ करण्यासाठी इतरांना प्रोत्साहन देण्यासाठी माहिती शेअर करत आहे तर, आम्ही कारवाई करू. दुसरीकडे, एखाद्या हिंसक घटनेनंतर, एखाद्या संकटाच्या परिस्थितीमध्ये अडकलेल्या कोणाला मदत करण्याच्या प्रयत्नात जर कोणी माहिती शेअर करत असेल तर, आम्ही कदाचित कारवाई करणार नाही. 

या धोरणाचे उल्लंघन काय आहे?

या धोरणा अंतर्गत, खालील प्रकारची खाजगी माहिती ज्या व्यक्तीची आहे त्याच्या परवानगीविना आपण ती शेअर करू शकत नाही:

  • घरचा पत्ता किंवा भौतिक स्थानाची माहिती, यामध्ये रस्त्याचे पत्ते, GPS कोऑर्डीनेट्स किंवा खाजगी म्हणून समजल्या जाणाऱ्या इतर ठिकाणांशी संबंधित इतर ओळखणारी माहिती;
  • ओळखपत्रे, यामध्ये शासनाने जारी केलेल्या ओळखपत्रांचा आणि सामाजिक सुरक्षा किंवा राष्ट्रीय ओळख दर्शविणाऱ्या इतर क्रमांकांचा समावेश होतो - टिप: ज्या प्रदेशांत ही माहिती खाजगी मानली जात नाही अशा ठिकाणी आम्ही मर्यादित अपवाद असे समजू शकतो;
  • संपर्क माहिती, यामध्ये खाजगी स्वरूपाचे वैयक्तिक फोन क्रमांक किंवा ई-मेल पत्त्यांचा समावेश होतो; 
  • आर्थिक खाते माहिती, यामध्ये बँक खाते आणि क्रेडिट कार्ड तपशील समाविष्ट होतात; आणि
  • अन्य खाजगी माहिती, यामध्ये बायोमेट्रिक डेटा किंवा वैद्यकीय नोंदींचा समावेश होतो.

खालील वर्तनांनाही परवानगी नाही: 

  • एखाद्याची खाजगी माहिती सार्वजनिकरित्या उघड करण्याची धमकी देणे;
  • एखाद्याच्या संमतीविना त्यांच्या खाजगी माहितीमध्ये प्रवेश मिळवता येईल किंवा ती हॅक करता येईल अशी माहिती लोकांबरोबर शेअर करणे, उदा. ऑनलाईन बँकिंग सेवांसाठी साइन-इन अधिकारपत्रे शेअर करणे;
  • एखाद्याची खाजगी माहिती पोस्ट करण्याच्या बदल्यात देणगी किंवा आर्थिक बक्षीस मागणे किंवा देऊ करणे;
  • एखाद्याची खाजगी माहिती पोस्ट न करण्याच्या बदल्यात देणगी किंवा आर्थिक बक्षीस मागणे, याला कधीकधी ब्लॅकमेल असे म्हणतात.

या धोरणाचे उल्लंघन न करणे म्हणजे काय?

खालील गोष्टी या धोरणाचे उल्लंघन नाहीत:

  • लोकांनी आपली स्वतःची खाजगी माहिती शेअर करणे;
  • सार्वजनिकरित्या अन्यत्र उपलब्ध असलेली माहिती, गैरवापर न करता शेअर करणे; आणि
  • आम्ही जी माहिती खाजगी मानत नाही ती शेअर करणे, यामध्ये समावेश होतो:
    • नाव;
    • जन्मतारीख किंवा वय;
    • शिक्षण किंवा रोजगाराचे ठिकाण;
    • व्यावसायिक मालमत्ता किंवा व्यवसायाच्या जागांशी संबंधित स्थान माहिती, जिथे ही माहिती सार्वजनिकरित्या उपलब्ध आहे;
    • शारीरिक स्वरूपाबाबत वर्णने;
    • कुटाळक्या, अफवा, दोषारोप आणि आरोप; आणि
    • मजकूर संदेशांचे स्क्रीनशॉट्स किंवा इतर प्लॅटफॉर्म्सवरील (जर त्यामध्ये खाजगी माहिती नसेल उदा. फोन क्रमांक) संदेश.

या धोरणाच्या उल्लंघनाचा कोण रिपोर्ट करू शकते?

स्पष्टपणे अपमानास्पद पद्धतीने शेअर केल्या गेलेल्या खाजगी माहितीविरुद्ध कोणीही रिपोर्ट करू शकते (त्यांचे Twitter खाते असो किंवा नसो). जेथे माहिती स्पष्टपणे अपमानास्पद हेतूने शेअर केलेली नसेल तेथे अंमलबजावणीची कारवाई करण्यापूर्वी आम्हाला त्या माहितीच्या मालकाकडून (किंवा अधिकृत प्रतिनिधीकडून, जसे की वकील) थेट माहिती घ्यावी लागते. 

या धोरणाच्या उल्लंघनाबाबत मी कसे रिपोर्ट करावे?

इन-अॅप

आपण खालीलप्रमाणे हा मजकूर इन-अॅप पुनरावलोकनामध्ये रिपोर्ट करू शकता:

  1. प्रतिकामधून ट्विट रिपोर्ट करा निवडा.
  2. ते अपमानास्पद किंवा धोकादायक आहे निवडा.
  3. खाजगी माहिती समाविष्ट आहे निवडा.
  4. आपण कोणत्या प्रकारची माहिती रिपोर्ट करत आहात ते निवडा.
  5. आपण रिपोर्ट करत असलेली माहिती कोणाच्या मालकीची आहे त्यानुसार संबंधित पर्याय निवडा.
  6. पुनरावलोकनासाठी जास्तीत जास्त 5 ट्विट्स निवडा.
  7. आपला रिपोर्ट सबमिट करा.

डेस्कटॉप

आपण खालील प्रमाणे हा मजकूर डेस्कटॉपद्वारे रिपोर्ट करू शकता:

  1. प्रतिकामधून ट्विट रिपोर्ट करा निवडा.
  2. ते अपमानास्पद किंवा धोकादायक आहे निवडा.
  3. खाजगी माहिती समाविष्ट आहे निवडा.
  4. आपण कोणत्या प्रकारची माहिती रिपोर्ट करत आहात ते निवडा. 
  5. आपण रिपोर्ट करत असलेली माहिती कोणाच्या मालकीची आहे त्यानुसार संबंधित पर्याय निवडा.
  6. पुनरावलोकनासाठी जास्तीत जास्त 5 ट्विट्स निवडा.
  7. आपला रिपोर्ट सबमिट करा.

आपल्याला कोणत्या प्रकारची खाजगी माहिती रिपोर्ट करायची आहे त्यानुसार, आपण हा मजकूर आमच्या खाजगी माहिती रिपोर्ट फॉर्म भरून देखील रिपोर्ट करू शकता.

आपण या धोरणाचे उल्लंघन केल्यास काय घडते?

आमच्या खाजगी माहितीच्या धोरणाचे उल्लंघन केल्याचे परिणाम हे उल्लंघनाचे गांभीर्य आणि त्या खात्याच्या उल्लंघनांचा आधीचा इतिहास यानुसार बदलतात. 

आपण पहिल्यांदा या धोरणाचे उल्लंघन करता तेव्हा, आम्ही आपल्याला हा मजकूर काढून टाकण्यास सांगू. आपण पुन्हा ट्विट करू शकण्यापूर्वी आम्ही आपले खाते तात्पुरते लॉक सुद्धा करू. पहिल्या चेतावणीनंतर जर आपण पुन्हा या धोरणाचे उल्लंघन केले तर, आपले खाते कायमस्वरुपी स्थगित केले जाईल. जर आपल्याला वाटत असेल की आपले खाते चुकून स्थगित झाले आहे तर, आपण अपील सबमिट करू शकता.

अतिरिक्त संसाधने

आमच्या अंमलबजावणी पर्यायांची व्याप्ती आणि धोरण विकास आणि अंमलबजावणी याविषयीचा आमचा दृष्टीकोन याबाबत अधिक जाणून घ्या.

मालकाच्या संमतीविना इतर प्रकारच्या मजकुराचे वितरण हे आमच्या हॅक केलेल्या साहित्याच्या वितरण धोरणांतर्गत कारवाई करण्यायोग्य असू शकते.

Bookmark or share this article