ಖಾತೆ ಭದ್ರತೆ ಕುರಿತು
ನಿಮ್ಮ ಖಾತೆಯನ್ನು ಸುರಕ್ಷಿತವಾಗಿಟ್ಟುಕೊಳ್ಳಲು ಸಹಾಯ ಮಾಡುವುದಕ್ಕಾಗಿ, ಈ ಮುಂದಿನ ಉತ್ತಮ ಅಭ್ಯಾಸಗಳನ್ನು ನಾವು ಶಿಫಾರಸು ಮಾಡುತ್ತೇವೆ:
- ಇತರ ವೆಬ್‌ಸೈಟ್‌ಗಳಲ್ಲಿ ನೀವು ಮರುಬಳಕೆ ಮಾಡದ ಬಲವಾದ ಪಾಸ್ವರ್ಡ್ ಅನ್ನು ಬಳಸಿ.
- ಎರಡು ಅಂಶದ ದೃಢೀಕರಣವನ್ನು ಬಳಸಿ.
- ಪಾಸ್ವರ್ಡ್ ಮರುನಿಗದಿ ಲಿಂಕ್ ಅಥವಾ ಕೋಡ್ ವಿನಂತಿ ಮಾಡಲು ಇಮೇಲ್ ಮತ್ತು ಫೋನ್ ನಂಬರ್ ಅಗತ್ಯವಿದೆ.
- ಅನುಮಾನಾಸ್ಪದ ಲಿಂಕ್‌ಗಳ ಬಗ್ಗೆ ಎಚ್ಚರಿಕೆ ಇರಲಿ ಮತ್ತು ನಿಮ್ಮ ಲಾಗಿನ್ ಮಾಹಿತಿಯನ್ನು ನಮೂದಿಸುವುದಕ್ಕೂ ಮೊದಲು ನೀವು twitter.com ನಲ್ಲಿ ಇರುತ್ತೀರಿ ಎಂದು ಎಂದಿಗೂ ಖಚಿತಪಡಿಸಿಕೊಳ್ಳಿ.
- ಎಂದಿಗೂ ನಿಮ್ಮ ಬಳಕೆದಾರ ಹೆಸರು ಮತ್ತು ಪಾಸ್ವರ್ಡ್ ಅನ್ನು ತೃತೀಯ ಪಕ್ಷಗಳಿಗೆ, ಅದರಲ್ಲೂ ವಿಶೇಷವಾಗಿ ಹಿಂಬಾಲಕರನ್ನು ಒದಗಿಸುವ, ನಿಮಗೆ ಹಣ ಮಾಡುವ ಅಥವಾ ನಿಮ್ಮನ್ನು ಪರಿಶೀಲಿಸುವ ಭರವಸೆ ನೀಡಿದವರಿಗೆ ಕೊಡಬೇಡಿ.
- ನಿಮ್ಮ ಬ್ರೌಸರ್ ಸೇರಿದಂತೆ ನಿಮ್ಮ ಕಂಪ್ಯೂಟರ್ ಸಾಫ್ಟ್‌ವೇರ್ ಅತ್ಯಂತ ಇತ್ತೀಚಿನ ಅಪ್‌ಗ್ರೇಡ್‌ಗಳು ಮತ್ತು ಆಂಟಿ ವೈರಸ್ ಸಾಫ್ಟ್‌ವೇರ್‌ನೊಂದಿಗೆ ಅಪ್‌ ಟು ಡೇಟ್‌ ಆಗಿದೆ ಎಂದು ಖಚಿತಪಡಿಸಿಕೊಳ್ಳಿ.
- ನಿಮ್ಮ ಖಾತೆ ರಾಜಿಯಾಗಿದೆಯೇ ಎಂದು ನೋಡಲು ಪರಿಶೀಲಿಸಿ.
ಪಾಸ್ವರ್ಡ್ ಸಾಮರ್ಥ್ಯ
ನಿಮ್ಮ Twitter ಖಾತೆಗೆ ಬಲವಾದ ಮತ್ತು ವಿಶಿಷ್ಟವಾದ ಪಾಸ್ವರ್ಡ್ ರಚಿಸಿ. ನಿಮ್ಮ Twitter ಖಾತೆಗೆ ಸಂಬಂಧಿಸಿದ ಇಮೇಲ್ ವಿಳಾಸಕ್ಕೆ ಸಮಾನವಾಗಿ ಬಲವಾದ ಮತ್ತು ವಿಶಿಷ್ಟವಾದ ಪಾಸ್ವರ್ಡ್ ಅನ್ನೂ ನೀವು ರಚಿಸಬೇಕು.
ಮಾಡಬೇಕಿರುವುದು:
- ಕನಿಷ್ಠ 10 ಅಕ್ಷರಗಳಷ್ಟು ಉದ್ದದ ಪಾಸ್ವರ್ಡ್ ರಚಿಸಿ . ಹೆಚ್ಚು ಉದ್ದವಿದ್ದಷ್ಟೂ ಉತ್ತಮ.
- ಅಪ್ಪರ್‌ಕೇಸ್‌, ಲೋವರ್‌ಕೇಸ್‌, ಸಂಖ್ಯೆಗಳು ಮತ್ತು ಚಿಹ್ನೆಗಳ ಮಿಶ್ರಣವನ್ನು ಬಳಸಿ .
- ನೀವು ಭೇಟಿ ನೀಡುವ ಪ್ರತಿ ವೆಬ್‌ಸೈಟ್‌ಗೂ ವಿಭಿನ್ನ ಪಾಸ್ವರ್ಡ್ ಬಳಸಿ .
- ನಿಮ್ಮ ಪಾಸ್ವರ್ಡ್ ಅನ್ನು ಸುರಕ್ಷಿತ ಸ್ಥಳದಲ್ಲಿ ಇಡಿ . ನಿಮ್ಮ ಎಲ್ಲ ಲಾಗಿನ್ ಮಾಹಿತಿಯನ್ನು ಸುರಕ್ಷಿತವಾಗಿ ಸಂಗ್ರಹಿಸಲು ಪಾಸ್ವರ್ಡ್ ನಿರ್ವಹಣೆ ಸಾಫ್ಟ್‌ವೇರ್ ಬಳಸುವುದನ್ನು ಪರಿಗಣಿಸಿ.
ಮಾಡಬೇಡಿ:
- ಫೋನ್ ನಂಬರ್‌ಗಳು, ಜನ್ಮದಿನಗಳು ಇತ್ಯಾದಿ ವೈಯಕ್ತಿಕ ಮಾಹಿತಿಯನ್ನು ನಿಮ್ಮ ಪಾಸ್‌ವರ್ಡ್‌ನಲ್ಲಿ ಸೇರಿಸಬೇಡಿ .
- "ಪಾಸ್ವರ್ಡ್", 'ಐಲವ್‌ಯೂ" ಇತ್ಯಾದಿ ಸಾಮಾನ್ಯ ಪದಕೋಶದ ಶಬ್ದಗಳನ್ನು ಬಳಸಬೇಡಿ .
- ”abcd1234” ರೀತಿಯ ಅನುಕ್ರಮಣಿಕೆಗಳು ಅಥವಾ ಕೀಬೋರ್ಡ್‌ ಅನುಕ್ರಮಣಿಕೆಗಳಾದ “qwerty” ರೀತಿಯನ್ನು ಬಳಸಬೇಡಿ .
- ವೆಬ್‌ಸೈಟ್‌ಗಳಾದ್ಯಂತ ಪಾಸ್‌ವರ್ಡ್‌ಗಳನ್ನು ಮರುಬಳಕೆ ಮಾಡಬೇಡಿ . ನಿಮ್ಮ Twitter ಖಾತೆ ಪಾಸ್ವರ್ಡ್ Twitter ಗೆ ವಿಶಿಷ್ಟವಾಗಿರಬೇಕು.
ಇದರ ಜೊತೆಗೆ, ನಿಮ್ಮ ಖಾತೆ ಸೆಟ್ಟಿಂಗ್‌ಗಳಲ್ಲಿ ಪಾಸ್ವರ್ಡ್ ಮರುನಿಗದಿ ರಕ್ಷಣೆಯನ್ನು ನೀವು ಆಯ್ಕೆ ಮಾಡಬಹುದು. ನೀವು ಈ ಬಾಕ್ಸ್ ಅನ್ನು ಗುರುತಿಸಿದರೆ, ನೀವು ಎಂದಾದರೂ ಪಾಸ್ವರ್ಡ್ ಮರೆತಿದ್ದರೆ ಪಾಸ್ವರ್ಡ್ ಮರುನಿಗದಿ ಲಿಂಕ್ ಕಳುಹಿಸುವುದಕ್ಕಾಗಿ ಅಥವಾ ದೃಢೀಕರಣ ಕೋಡ್ ಕಳುಹಿಸುವುದಕ್ಕಾಗಿ ನಿಮ್ಮ ಇಮೇಲ್ ವಿಳಾಸ ಅಥವಾ ಫೋನ್ ನಂಬರ್ ಅಥವಾ ಎರಡೂ ಸಂಬಂಧ ಹೊಂದಿದ್ದರೆ ನಿಮ್ಮ ಇಮೇಲ್ ವಿಳಾಸದ ನಂತರ ಫೋನ್ ನಂಬರ್ ಅನ್ನು ನಮೂದಿಸುವಂತೆ ನಿಮಗೆ ಸೂಚಿಸಲಾಗುತ್ತದೆ.
- ನಿಮ್ಮ ಮುಖ್ಯ ಮೆನುಗೆ ನ್ಯಾವಿಗೇಟ್ ಮಾಡಿ
- ಸೆಟ್ಟಿಂಗ್ಗಳು ಮತ್ತು ಗೌಪ್ಯತೆ ತಟ್ಟಿ
- ಖಾತೆ ತಟ್ಟಿ
- ಭದ್ರತೆ ತಟ್ಟಿ
- ಪಾಸ್ವರ್ಡ್ ಮರುನಿಗದಿ ರಕ್ಷಣೆ ಟಾಗಲ್ ಆನ್ ಮಾಡಿ
- ನಿಮ್ಮ ಆಪ್ ಸೆಟ್ಟಿಂಗ್‌ಗಳಿಗೆ ನ್ಯಾವಿಗೇಟ್ ಮಾಡಿ
- ಖಾತೆ ತಟ್ಟಿ
- ಭದ್ರತೆ ತಟ್ಟಿ
- ಪಾಸ್ವರ್ಡ್ ಮರುನಿಗದಿ ರಕ್ಷಣೆ ಟಾಗಲ್ ಮಾಡಿ
ಎರಡು ಅಂಶದ ದೃಢೀಕರಣವನ್ನು ಬಳಸಿ
ಎರಡು ಅಂಶದ ದೃಢೀಕರಣವು ನಿಮ್ಮ Twitter ಖಾತೆಗೆ ಭದ್ರತೆಯ ಹೆಚ್ಚುವರಿ ಪದರವಾಗಿದೆ. ಪಾಸ್ವರ್ಡ್ ಮಾತ್ರದ ಮೇಲೆ ಅವಲಂಬಿಸುವುದರ ಬದಲಿಗೆ, ಕೇವಲ ನೀವು ಮಾತ್ರ ನಿಮ್ಮ Twitter ಖಾತೆಗೆ ಪ್ರವೇಶ ಪಡೆಯಬಹುದು ಎಂಬುದನ್ನು ಖಚಿತಪಡಿಸಲು ಎರಡನೇ ಪರಿಶೀಲನೆಯನ್ನು ಎರಡು ಅಂಶದ ದೃಢೀಕರಣವು ಪರಿಚಯಿಸುತ್ತದೆ. ನಿಮ್ಮ ಪಾಸ್ವರ್ಡ್ ಮತ್ತು ನಿಮ್ಮ ಮೊಬೈಲ್ ಫೋನ್ (ಅಥವಾ ಭದ್ರತೆ ಕೀಲಿ) ಎರಡಕ್ಕೂ ಪ್ರವೇಶ ಹೊಂದಿರುವ ಜನರು ಮಾತ್ರ ನಿಮ್ಮ ಖಾತೆಗೆ ಲಾಗಿನ್ ಮಾಡಲು ಸಾಧ್ಯವಾಗುತ್ತದೆ.
ಇನ್ನಷ್ಟು ತಿಳಿಯಲು ಎರಡು ಅಂಶದ ದೃಢೀಕರಣದ ಕುರಿತ ನಮ್ಮ ಲೇಖನವನ್ನು ಓದಿ.
ನೀವು twitter.com ನಲ್ಲಿದ್ದೀರಿ ಎಂಬುದನ್ನು ಪರಿಶೀಲಿಸಿ
ನಿಮ್ಮ Twitter ಬಳಕೆದಾರರ ಹೆಸರು, ಇಮೇಲ್ ವಿಳಾಸ ಅಥವಾ ಫೋನ್ ನಂಬರ್ ಮತ್ತು ಪಾಸ್ವರ್ಡ್ ಅನ್ನು ನೀಡುವಂತೆ ನಿಮ್ಮನ್ನು ಯಾರಾದರೂ ಮೋಸಗೊಳಿಸುವ ತಂತ್ರವೇ ಫಿಶಿಂಗ್ ಆಗಿದ್ದು, ಸಾಮಾನ್ಯವಾಗಿ ಇದರಿಂದ, ನಿಮ್ಮ ಖಾತೆಯಿಂದ ಸ್ಪ್ಯಾಮ್ ಅನ್ನು ಹೊರಕಳುಹಿಸಬಹುದಾಗಿದೆ. ಸಾಮಾನ್ಯವಾಗಿ, ನಕಲಿ ಲಾಗಿನ್ ಪುಟಕ್ಕೆ ತೆರಳುವ ಲಿಂಕ್ ಮೇಲೆ ಕ್ಲಿಕ್ ಮಾಡುವಂತೆ ಅವರು ನಿಮ್ಮನ್ನು ಮೋಸಗೊಳಿಸಲು ಪ್ರಯತ್ನಿಸುತ್ತಾರೆ. ನಿಮ್ಮ Twitter ಪಾಸ್ವರ್ಡ್ ಅನ್ನು ನಮೂದಿಸಲು ನಿಮಗೆ ಸೂಚಿಸಿದಾಗ, ನಿಮ್ಮ ಬ್ರೌಸರ್‌ನ ವಿಳಾಸ ಪಟ್ಟಿಯಲ್ಲಿನ ಯುಆರ್‌ಎಲ್‌ ಅನ್ನು ಒಮ್ಮೆ ನೋಡಿಕೊಂಡು ನೀವು twitter.com ನಲ್ಲಿ ಇದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಇದರ ಜೊತೆಗೆ, ವಿಚಿತ್ರವಾಗಿ ಕಾಣಿಸುವ ಯುಆರ್‌ಎಲ್‌ ಸಹಿತ ನೇರ ಸಂದೇಶ ನಿಮಗೆ ಬಂದರೆ (ಸ್ನೇಹಿತರಿಂದಲೂ ಕೂಡಾ), ಲಿಂಕ್ ತೆರೆಯದಂತೆ ನಾವು ನಿಮಗೆ ಶಿಫಾರಸು ಮಾಡುತ್ತೇವೆ.
ಫಿಶಿಂಗ್ ವೆಬ್‌ಸೈಟ್‌ಗಳು Twitter ಲಾಗಿನ್ ಪುಟದ ಹಾಗೆಯೇ ಕಾಣಿಸುತ್ತದೆ. ಆದರೆ, ಅದು ವಾಸ್ತವವಾಗಿ Twitter ವೆಬ್ಸೈಟ್ ಆಗಿರುವುದಿಲ್ಲ. Twitter ಡೊಮೇನ್‌ಗಳು ಎಂದಿಗೂ ಮೂಲ ಡೊಮೇನ್ ಆಗಿ https://twitter.com ಹೊಂದಿರುತ್ತವೆ. ಇಲ್ಲಿ ಕೆಲವು Twitter ಲಾಗಿನ್ ಪುಟಗಳ ಉದಾಹರಣೆಗಳು ಇವೆ:
ಲಾಗಿನ್ ಪುಟದ ಬಗ್ಗೆ ನಿಮಗೆ ಖಚಿತತೆ ಇಲ್ಲದಿದ್ದರೆ, ನೇರವಾಗಿ twitter.com ಗೆ ಹೋಗಿ ಮತ್ತು ಅಲ್ಲಿ ನಿಮ್ಮ ವಿವರಗಳನ್ನು ನಮೂದಿಸಿ. ನಿಮ್ಮನ್ನು ಫಿಶ್ ಮಾಡಲಾಗಿದೆ ಎಂದು ನೀವು ಭಾವಿಸಿದರೆ, ಸಾಧ್ಯವಾದಷ್ಟೂ ಬೇಗ ನಿಮ್ಮ ಪಾಸ್ವರ್ಡ್ ಬದಲಿಸಿ ಮತ್ತು ಹೆಚ್ಚುವರಿ ಸೂಚನೆಗಳಿಗಾಗಿ ನಮ್ಮ ರಾಜಿಯಾದ ಖಾತೆ ಲೇಖನವನ್ನು ನೋಡಿ.
ಇಮೇಲ್ ಮೂಲಕ ಫಿಶಿಂಗ್ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ನಕಲಿ Twitter ಇಮೇಲ್‌ಗಳ ಕುರಿತು ಓದಿ.
ನಿಮ್ಮ ಪಾಸ್ವರ್ಡ್ ಕೇಳಿ ನಾವು ನಿಮ್ಮನ್ನು ಸಂಪರ್ಕಿಸುವುದಿಲ್ಲ
ಇಮೇಲ್, ನೇರ ಸಂದೇಶ ಅಥವಾ ಪ್ರತಿಕ್ರಿಯೆಯ ಮೂಲಕ ನಿಮ್ಮ ಪಾಸ್ವರ್ಡ್ ನೀಡುವಂತೆ Twitter ಎಂದೂ ನಿಮ್ಮನ್ನು ಕೇಳುವುದಿಲ್ಲ.
ಏನನ್ನಾದರೂ ಡೌನ್‌ಲೋಡ್‌ ಮಾಡುವಂತೆ ಅಥವಾ Twitter ವೆಬ್ಸೈಟ್ ಅಲ್ಲದ್ದಕ್ಕೆ ಸೈನ್ ಇನ್ ಮಾಡುವಂತೆ ನಾವು ಎಂದೂ ನಿಮ್ಮನ್ನು ಕೇಳುವುದಿಲ್ಲ. ಎಂದಿಗೂ ಅಟ್ಯಾಚ್‌ಮೆಂಟ್ ತೆರೆಯಬೇಡಿ ಅಥವಾ ನಮ್ಮಿಂದ ಬಂದಿದೆ ಎಂದು ಹೇಳಿಕೊಳ್ಳುವ ಇಮೇಲ್‌ನಿಂದ ಯಾವುದೇ ಸಾಫ್ಟ್‌ವೇರ್ ಇನ್‌ಸ್ಟಾಲ್‌ ಮಾಡಬೇಡಿ; ಅದು ನಮ್ಮದಾಗಿರುವುದಿಲ್ಲ.
ನಿಮ್ಮ ಖಾತೆಯನ್ನು ಫಿಶ್ ಮಾಡಲಾಗಿದೆ ಅಥವಾ ಹ್ಯಾಕ್ ಮಾಡಲಾಗಿದೆ ಎಂದು ನಮಗೆ ಅನುಮಾನ ಬಂದರೆ, ನಿಮ್ಮ ಖಾತೆಯನ್ನು ಹ್ಯಾಕರ್ ದುರ್ಬಳಕೆ ಮಾಡುವುದನ್ನು ತಡೆಯಲು ನಿಮ್ಮ ಪಾಸ್ವರ್ಡ್ ಅನ್ನು ನಾವು ಮರುನಿಗದಿ ಮಾಡಬಹುದು. ಇಂತಹ ಸಂದರ್ಭದಲ್ಲಿ ನಾವು ನಿಮಗೆ twitter.com ಪಾಸ್ವರ್ಡ್ ಮರುನಿಗದಿ ಲಿಂಕ್ ಅನ್ನು ಇಮೇಲ್ ಮಾಡುತ್ತೇವೆ.
ನಿಮ್ಮ ಪಾಸ್ವರ್ಡ್ ಅನ್ನು ನೀವು ಮರೆತಿದ್ದರೆ, ಈ ಲಿಂಕ್ ಮೂಲಕ ನೀವು ಇದನ್ನು ಮರುನಿಗದಿ ಮಾಡಬಹುದು.
ಹೊಸ ಮತ್ತು ಅನುಮಾನಾಸ್ಪದ ಲಾಗಿನ್ ಎಚ್ಚರಿಕೆಗಳು
ಅನುಮಾನಾಸ್ಪದ ಲಾಗಿನ್ ಅನ್ನು ನಾವು ಗುರುತಿಸಿದರೆ ಅಥವಾ ನಿಮ್ಮ Twitter ಖಾತೆಗೆ ಹೊಸ ಸಾಧನದಿಂದ ಮೊದಲ ಬಾರಿಗೆ ನೀವು ಲಾಗಿನ್ ಮಾಡಿದರೆ, ನಿಮ್ಮ ಖಾತೆಗೆ ಭದ್ರತೆಯ ಹೆಚ್ಚುವರಿ ಪದರವಾಗಿ Twitter ಆಪ್ ಒಳಗೆ ನಾವು ಪುಶ್ ಅಧಿಸೂಚನೆಯನ್ನು ನಿಮಗೆ ಕಳುಹಿಸುತ್ತೇವೆ ಅಥವಾ ಇಮೇಲ್ ಮೂಲಕ ಕಳುಹಿಸುತ್ತೇವೆ. iOS ಮತ್ತು Android ಗಾಗಿ Twitter, twitter.com ಮತ್ತು ಮೊಬೈಲ್ ವೆಬ್ ಮೂಲಕ ಲಾಗಿನ್ ಎಚ್ಚರಿಕೆಗಳನ್ನು ಹೊಸ ಲಾಗಿನ್‌ಗಳ ಕುರಿತು ಕಳುಹಿಸಲಾಗುತ್ತದೆ.
ಈ ಎಚ್ಚರಿಕೆಗಳ ಮೂಲಕ, ಸಾಧನದಿಂದ ಲಾಗಿನ್ ಮಾಡಿದವರು ನೀವೇ ಎಂಬುದನ್ನು ನೀವು ಪರಿಶೀಲಿಸಬಹುದು. ಸಾಧನದಿಂದ ನೀವು ಲಾಗಿನ್ ಮಾಡಿಲ್ಲದಿದ್ದರೆ, ನಿಮ್ಮ Twitter ಪಾಸ್ವರ್ಡ್ ಅನ್ನು ತಕ್ಷಣ ಬದಲಾವಣೆ ಮಾಡುವುದರಿಂದ ಆರಂಭಿಸಿ ನಿಮ್ಮ ಖಾತೆಯನ್ನು ಸುರಕ್ಷಿತಗೊಳಿಸಿಕೊಳ್ಳಲು ಸೂಚನೆಯಲ್ಲಿ ನೀಡಿದ ಕ್ರಮಗಳನ್ನು ನೀವು ಅನುಸರಿಸಬೇಕು. Twitter ಪ್ರವೇಶಿಸಲು ನೀವು ಬಳಸಿದ ಐಪಿ ವಿಳಾಸದಿಂದ ಪಡೆದ ಅಂದಾಜು ಸ್ಥಳವನ್ನು ಸೂಚನೆಯಲ್ಲಿನ ಸ್ಥಳವನ್ನು ಪಟ್ಟಿ ಮಾಡಲಾಗಿರುತ್ತದೆ ಮತ್ತು ನಿಮ್ಮ ಭೌತಿಕ ಸ್ಥಳದಿಂದ ಇದು ವಿಭಿನ್ನವಾಗಿರಬಹುದು ಎಂಬುದನ್ನು ದಯವಿಟ್ಟು ಗಮನಿಸಿ.
ಗಮನಿಸಿ: ನೀವು ಇನ್‌ಕಾಗ್ನಿಟೋ ಬ್ರೌಸರ್‌ಗಳಿಂದ ಅಥವಾ ಕುಕೀಗಳು ನಿಷ್ಕ್ರಿಯಗೊಳಿಸಿದ ಬ್ರೌಸರ್‌ಗಳಿಂದ ನಿಮ್ಮ Twitter ಖಾತೆಗೆ ಲಾಗಿನ್ ಮಾಡಿದರೆ, ಪ್ರತಿ ಬಾರಿಯೂ ನಿಮಗೆ ಎಚ್ಚರಿಕೆ ಬರುತ್ತದೆ.
ಇಮೇಲ್ ವಿಳಾಸ ಅಪ್ಡೇಟ್ ಎಚ್ಚರಿಕೆಗಳು
ನಿಮ್ಮ Twitter ಖಾತೆಯೊಂದಿಗೆ ಸಂಬಂಧಿಸಿದ ಇಮೇಲ್ ವಿಳಾಸವು ಯಾವುದೇ ಸಮಯದಲ್ಲಿ ಬದಲಾದರೆ, ನಿಮ್ಮ ಖಾತೆಯಲ್ಲಿ ಈ ಹಿಂದೆ ಬಳಸಿದ ಇಮೇಲ್ ವಿಳಾಸಕ್ಕೆ ನಾವು ಇಮೇಲ್ ಸೂಚನೆಯನ್ನು ಕಳುಹಿಸುತ್ತೇವೆ. ನಿಮ್ಮ ಖಾತೆ ರಾಜಿಯಾದ ಸನ್ನಿವೇಶದಲ್ಲಿ, ಈ ಎಚ್ಚರಿಕೆಗಳು ನಿಮ್ಮ ಖಾತೆಯ ನಿಯಂತ್ರಣವನ್ನು ಮರುಪಡೆಯಲು ಕ್ರಮ ತೆಗೆದುಕೊಳ್ಳುವುದಕ್ಕಾಗಿ ನಿಮಗೆ ಸಹಾಯ ಮಾಡುತ್ತವೆ.
Twitter ನಲ್ಲಿ ಲಿಂಕ್‌ಗಳನ್ನು ಮೌಲ್ಯೀಕರಿಸುವುದು
ಟ್ವೀಟ್‌ಗಳಲ್ಲಿ ಹಂಚಿಕೊಳ್ಳಲು ಸುಲಭವಾಗುವ ವಿಶಿಷ್ಟ, ಕಿರಿದಾಗಿಸಿದ ಲಿಂಕ್‌ಗಳನ್ನು bit.ly ಅಥವಾ TinyURL ರೀತಿಯ URL ಕಿರಿದುಗೊಳಿಸುವಿಕೆ ಬಳಸಿ ಹಲವು Twitter ಬಳಕೆದಾರರು ಲಿಂಕ್‌ಗಳನ್ನು ಪೋಸ್ಟ್‌ ಮಾಡುತ್ತಾರೆ. ಆದಾಗ್ಯೂ, URL ಕಿರಿದುಗೊಳಿಸುವಿಕೆಯು ಅಂತಿಮ ಡೊಮೇನ್ ಅನ್ನು ಮರೆ ಮಾಡಬಹುದು. ಇದರಿಂದ ಲಿಂಕ್ ಎಲ್ಲಿಗೆ ಹೋಗುತ್ತದೆ ಎಂಬುದನ್ನು ಹೇಳಲು ಕಷ್ಟವಾಗುತ್ತದೆ.
ಕೆಲವು ಬ್ರೌಸರ್‌ಗಳಾದ Chrome ಮತ್ತು Firefox ನಲ್ಲಿ, ಅವುಗಳ ಮೇಲೆ ಕ್ಲಿಕ್ ಮಾಡದೆಯೇ ವಿಸ್ತರಿಸಿದ URL ಗಳನ್ನು ತೋರಿಸುವ ಉಚಿತ ಪ್ಲಗ್ ಇನ್‌ಗಳು ಇವೆ:
ಸಾಮಾನ್ಯವಾಗಿ, ಲಿಂಕ್‌ಗಳ ಮೇಲೆ ಕ್ಲಿಕ್ ಮಾಡುವ ಮೂಲಕ ದಯವಿಟ್ಟು ಎಚ್ಚರಿಕೆಯನ್ನು ಬಳಸಿ. ಲಿಂಕ್ ಮೇಲೆ ನೀವು ಕ್ಲಿಕ್ ಮಾಡಿದರೆ, Twitter ಲಾಗಿನ್ ಪುಟವನ್ನೇ ಹೋಲುವ ಪುಟದಲ್ಲಿ ಅನಿರೀಕ್ಷಿತವಾಗಿ ನೀವು ಬಂದಿದ್ದಲ್ಲಿ, ನಿಮ್ಮ ಬಳಕೆದಾರರ ಹೆಸರು ಮತ್ತು ಪಾಸ್ವರ್ಡ್ ಅನ್ನು ನಮೂದಿಸಬೇಡಿ. ಬದಲಿಗೆ, twitter.com ಗೆ ಹೋಗಿ ಮತ್ತು Twitter ಹೋಮ್‌ಪೇಜ್‌ನಿಂದ ನೇರವಾಗಿ ಲಾಗಿನ್ ಮಾಡಿ.
ನಿಮ್ಮ ಕಂಪ್ಯೂಟರ್ ಮತ್ತು ಬ್ರೌಸರ್ ಅನ್ನು ಅಪ್‌ ಟು ಡೇಟ್‌ ಮತ್ತು ವೈರಸ್ ಮುಕ್ತವಾಗಿ ಇಟ್ಟುಕೊಳ್ಳಿ.
ನಿಮ್ಮ ಬ್ರೌಸರ್ ಮತ್ತು ಆಪರೇಟಿಂಗ್ ಸಿಸ್ಟಂ ಅನ್ನು ಅತ್ಯಂತ ಇತ್ತೀಚಿನ ಆವೃತ್ತಿಗಳು ಮತ್ತು ಪ್ಯಾಚ್‌ಗಳೊಂದಿಗೆ ಅಪ್ಡೇಟ್ ಆಗಿಟ್ಟುಕೊಳ್ಳಿ. ನಿರ್ದಿಷ್ಟ ಭದ್ರತೆ ಭೀತಿಗಳನ್ನು ಪರಿಹರಿಸಲು ಆಗಾಗ್ಗೆ ಪ್ಯಾಚ್‌ಗಳನ್ನು ಬಿಡುಗಡೆ ಮಾಡಿ. ವೈರಸ್‌ಗಳು, ಸ್ಪೈವೇರ್ ಮತ್ತು ಆಡ್‌ವೇರ್‌ ಇದೆಯೇ ಎಂದು ಪದೇ ಪದೇ ನಿಮ್ಮ ಕಂಪ್ಯೂಟರ್ ಅನ್ನು ಸ್ಕ್ಯಾನ್ ಮಾಡುತ್ತಿರುತ್ತೀರಿ ಎಂದು ಖಚಿತಪಡಿಸಿಕೊಳ್ಳಿ.
ನೀವು ಸಾರ್ವಜನಿಕ ಕಂಪ್ಯೂಟರ್ ಬಳಸುತ್ತೀರಿ ಎಂದಾದರೆ, ಮುಗಿಸಿದ ತಕ್ಷಣ Twitter ನಿಂದ ಸೈನ್ ಔಟ್ ಆಗುವುದನ್ನು ಖಚಿತಪಡಿಸಿ.
ಎಚ್ಚರಿಕೆಯಿಂದ ಮೂರನೇ ವ್ಯಕ್ತಿ ಅಪ್ಲಿಕೇಶನ್‌ಗಳನ್ನು ಆಯ್ಕೆ ಮಾಡಿ
Twitter ಪ್ಲಾಟ್‌ಫಾರಂನಲ್ಲಿ ಹಲವು ಮೂರನೇ ವ್ಯಕ್ತಿ ಅಪ್ಲಿಕೇಶನ್‌ಗಳನ್ನು ಬಾಹ್ಯ ಡೆವಲಪರ್‌ಗಳು ನಿರ್ಮಿಸಿದ್ದು, ಇದನ್ನು ನೀವು ನಿಮ್ಮ Twitter ಖಾತೆ(ಗಳೊಂದಿಗೆ) ಬಳಸಬಹುದು. ಆದಾಗ್ಯೂ, ನಿಮ್ಮ ಖಾತೆಗೆ ಮೂರನೇ ವ್ಯಕ್ತಿ ಅಪ್ಲಿಕೇಶನ್‌ಗಳ ಪ್ರವೇಶಾವಕಾಶವನ್ನು ನೀಡುವುದಕ್ಕೂ ಮೊದಲು ನೀವು ಎಚ್ಚರಿಕೆ ಹೊಂದಿರಬೇಕು.
ನಿಮ್ಮ ಖಾತೆಗೆ ಮೂರನೇ ವ್ಯಕ್ತಿಯ ಅಪ್ಲಿಕೇಶನ್ ಪ್ರವೇಶವನ್ನು ನೀಡಲು ಬಯಸಿದರೆ, ನೀವು Twitter ನ OAuth ವಿಧಾನವನ್ನು ಬಳಸಿಕೊಂಡು ಮಾತ್ರ ಮಾಡುವಂತೆ ನಾವು ಶಿಫಾರಸು ಮಾಡುತ್ತೇವೆ. OAuth ಎಂಬುದು ಸುರಕ್ಷಿತ ಸಂಪರ್ಕ ವಿಧಾನವಾಗಿದೆ ಮತ್ತು ಮೂರನೇ ವ್ಯಕ್ತಿಗೆ ನಿಮ್ಮ Twitter ಬಳಕೆದಾರರ ಹೆಸರು ಮತ್ತು ಪಾಸ್ವರ್ಡ್ ನೀಡುವ ಅಗತ್ಯವಿರುವುದಿಲ್ಲ. Oauth ಮೂಲಕ ನಿಮ್ಮ ಖಾತೆಗೆ ಪ್ರವೇಶವನ್ನು ಮಂಜೂರು ಮಾಡುವುದಕ್ಕೆ ನಿಮ್ಮ ಬಳಕೆದಾರರ ಹೆಸರು ಮತ್ತು ಪಾಸ್ವರ್ಡ್ ಮೂರನೇ ವ್ಯಕ್ತಿ ಅಪ್ಲಿಕೇಶನ್‌ಗಳಿಗೆ ಅಗತ್ಯವಿಲ್ಲದ್ದರಿಂದ ಒಂದು ಅಪ್ಲಿಕೇಶನ್ ಅಥವಾ ವೆಬ್‌ಸೈಟ್‌ಗೆ ನಿಮ್ಮ ಬಳಕೆದಾರರ ಹೆಸರು ಮತ್ತು ಪಾಸ್ವರ್ಡ್ ನೀಡುವಂತೆ ನಿಮ್ಮನ್ನು ಕೇಳಿದಾಗ ನೀವು ನಿರ್ದಿಷ್ಟವಾಗಿ ಎಚ್ಚರಿಕೆಯಿಂದ ಇರಬೇಕು. ನಿಮ್ಮ ಬಳಕೆದಾರರ ಹೆಸರು ಮತ್ತು ಪಾಸ್ವರ್ಡ್ ಅನ್ನು ನೀವು ಬೇರೆಯವರಿಗೆ ನೀಡಿದಾಗ, ಅವರು ನಿಮ್ಮ ಖಾತೆಯ ಸಂಪೂರ್ಣ ನಿಯಂತ್ರಣವನ್ನು ಹೊಂದಿರುತ್ತಾರೆ ಮತ್ತು ನಿಮ್ಮನ್ನು ಹೊರಗಿಡಬಹುದು ಅಥವಾ ನಿಮ್ಮ ಖಾತೆಯು ಅಮಾನತುಪಡಿಸುವ ರೀತಿಯಲ್ಲಿ ಕ್ರಮಗಳನ್ನು ತೆಗೆದುಕೊಳ್ಳಬಹುದು. ಮೂರನೇ ವ್ಯಕ್ತಿ ಅಪ್ಲಿಕೇಶನ್‌ಗಳನ್ನು ಸಂಪರ್ಕಿಸುವುದು ಅಥವಾ ಹಿಂಪಡೆಯುವ ಬಗ್ಗೆ ತಿಳಿಯಿರಿ.
ಕಾಲಕಾಲಕ್ಕೆ ನಿಮ್ಮ ಖಾತೆಗೆ ಪ್ರವೇಶ ಹೊಂದಿರುವ ಮೂರನೇ ವ್ಯಕ್ತಿ ಅಪ್ಲಿಕೇಶನ್‌ಗಳನ್ನು ಪರಿಶೀಲಿಸುವಂತೆ ನಾವು ಸಲಹೆ ಮಾಡುತ್ತೇವೆ. ನೀವು ಗುರುತಿಸದ ಅಥವಾ ನಿಮ್ಮ ಪರವಾಗಿ ಟ್ವೀಟ್ ಮಾಡುತ್ತಿರುವ ಅಪ್ಲಿಕೇಶನ್‌ಗಳಿಗೆ ಪ್ರವೇಶಾವಕಾಶವನ್ನು ನಿಮ್ಮ ಖಾತೆ ಸೆಟ್ಟಿಂಗ್‌ಗಳಲ್ಲಿ ಅಪ್ಲಿಕೇಶನ್‍ಗಳು ಟ್ಯಾಬ್‌ಗೆ ಭೇಟಿ ನೀಡುವ ಮೂಲಕ ಹಿಂಪಡೆಯಬಹುದು.