Twitter ના નિયમો

અમે માનીએ છીએ કે દરેક વ્યક્તિ પાસે કોઈપણ બંધન વગર વિચારો અને માહિતી તાત્કાલિક બનાવવા અને શેર કરવાની સત્તા હોવી જોઈએ. Twitter નો ઉપયોગ કરી રહેલા લોકોના અનુભવ અને સલામતીના સંરક્ષણ માટે, અમે મંજૂરી આપીએ છીએ તે સામગ્રીના પ્રકાર અને વર્તણૂકમાં કેટલાક પ્રકારની મર્યાદાઓ છે. આ મર્યાદાઓ નીચે આપેલા Twitter ના નિયમોમાં રજૂ કરવામાં આવી છે.

Twitter ના નિયમો (તમામ સમાવિષ્ટ નીતિઓ સાથે), ગોપનીયતા નીતિ અને સેવાની શરતો એકત્રિત રીતે "Twitter વપરાશકાર કરાર" તૈયાર કરે છે જે Twitter ની સેવાઓ માટે વપરાશકારના પ્રવેશ અને તેના ઉપયોગનું સંચાલન કરે છે.

Twitter ની સેવાઓનો પ્રવેશ મેળવતા અથવા ઉપયોગ કરતા તમામ લોકો Twitter ના નિયમોમાં રજૂ કરેલી નીતિઓને વળગી રહે તે આવશ્યક છે. આમ કરવામાં નિષ્ફળ રહે તો Twitter નીચે દર્શાવેલ અમલીકરણ ક્રિયાઓમાંથી એક અથવા વધુ ક્રિયા કરી શકે છેઃ

  • તમે ફરી નવી પોસ્ટ બનાવો અને અન્ય Twitter ના વપરાશકારો સાથે વાતચીત કરો તે પહેલા તમે પ્રતિબંધિત સામગ્રી કાઢી નાખો;
  • પોસ્ટ બનાવવાના અને Twitter ના અન્ય વપરાશકારો સાથે વાતચીત કરવાના તમારા સામર્થ્યને હંગામી ધોરણે મર્યાદિત કરવું;
  • તમને ફોન નંબર અથવા ઈમેલ એડ્રેસથી એકાઉન્ટની માલિકીની ચકાસણી કરવા કહેવુ; અથવા
  • તમારા એકાઉન્ટ (એકાઉન્ટ્સ)ને કાયમી ધોરણે સ્થગિત કરવા.

જો તમે નવા એકાઉન્ટ્સ બનાવીને કાયમી સ્થગિત કરવાનું ટાળવાનો પ્રયાસ કરો તો, અમે તમારા નવા એકાઉન્ટ્સ સ્થગિત કરી દઈશુ.

કૃપા કરીને નોંધી લેશો કે અમારે આ નિયમોમાં સમયાંતરે ફેરફારની જરૂર પડી શકે છે અને આમ કરવાના અધિકાર અબાધિત રાખીએ છીએ. સૌથી તાજેતરની આવૃત્તિ અહીં ઉપલબ્ધ હોય છેઃ https://twitter.com/rules.

આ Twitter ના નિયમોમાં રજૂ કરેલી નીતિઓ અમારા મંચ પર ઓર્ગેનિક સામગ્રીનું સંચાલન કરે છે. જાહેરાતો અને પ્રચારિત સામગ્રીઓનું સંચાલન કરતા નિયમો વિશે વધુ જાણવા માટે, કૃપા કરીને અમારી જાહેરાતોની નીતિઓ ની સમીક્ષા કરો.

સામગ્રી સીમાઓ અને Twitter નો ઉપયોગ

બૌદ્ધિક સંપદા

ટ્રેડમાર્ક: જ્યારે કોઈના વ્યાવસાયિક નામ અને/અથવા લોગો સહિત કોઈની બ્રાન્ડ અથવા ટ્રેડમાર્કનો ઉપયોગ કોઈપણ એવી રીતે થાય જે તમારી બ્રાન્ડ જોડાણ વિશે બીજાને ગેરમાર્ગે દોરે અથવા ગુંચવણમાં મૂકે ત્યારે એકાઉન્ટ સ્થગિત કરવાનો અથવા યોગ્ય પગલાં લેવાનો અધિકાર અમે અબાધિત રાખીએ છીએ. અમારી ટ્રેડમાર્ક નીતિ અને કેવી રીતે ઉલ્લંઘનની જાણ કરવી તે વિશે વધુ વાંચો.

કૉપિરાઇટ: કથિત કૉપિરાઇટ ઉલ્લંઘનની સૂચનાઓ દૂર કરવા અને પૂર્ણ કરવા અમે પ્રતિભાવ આપીશું. અમારી કૉપિરાઇટ પ્રક્રિયાઓ અમારી સેવાની શરતો માં રજૂ કરેલી છે. અમારી કૉપિરાઇટ નીતિ વિશે વધુ વાંચો.


ગ્રાફિક હિંસા અને પુખ્તવયનાઓની સામગ્રી

મૃત્યુ, ગંભીર ઈજા, હિંસા અથવા સર્જિકલ પ્રક્રિયાઓ સંબંધિત રક્તપાત દર્શાવતા કોઈપણ સ્વરૂપના મીડિયાને અમે ગ્રાફિક હિંસા માનીએ છીએ. પોર્નોગ્રાફિક અને/અથવા જાતીય ઉત્તેજના ફેલાવવાના ઉદ્દેશ્ય ધરાવતા કોઈપણ મીડિયાને અમે પુખ્તવયનાઓની સામગ્રી માનીએ છીએ. 

Twitter સંવેદનશીલ મીડિયા તરીકે ચિહ્નિત કરેલી ટ્વીટ્સમાં કેટલાક સ્વરૂપમાં ગ્રાફિક હિંસા અને/અથવા પુખ્તવયનાઓની સામગ્રીને મંજૂરી આપે છે જોકે, તમારે લાઈવ વિડિયો, તમારી પ્રોફાઈલ અથવા શીર્ષક છબીઓમાં આવી સામગ્રીનો ઉપયોગ ના કરવો જોઈએ. વધુમાં, Twitter કેટલીક વખત તમને અતિ ગ્રાફિક હિંસા દૂર કરવાનું કહી શકે છે. અમે ગ્રાફિક હિંસા અને પુખ્તવયનાઓની સામગ્રીને કેવી રીતે વ્યાખ્યાયિત કરીએ છીએ અને કેવી રીતે મીડિયાને સંવેદનશીલ તરીકે ચિહ્નિત કરવા તે વિશે વધુ વાંચો.  

મૃતક વ્યક્તિઓને દર્શાવતા મીડિયા: જો અમને મૃતકના પરિવાર અથવા તેમના અધિકૃત પ્રતિનિધિ દ્વારા વિનંતી મળે તો અમે તમને ઓળખી શકાય તેવી વ્યક્તિનું મૃત્યુ દર્શાવતા મીડિયાને દૂર કરવાનું કહી શકીએ છીએ. કેવી રીતે આવી વિનંતી કરવી વિશે વધુ જાણો.


ગેરકાયદે ઉપયોગ

તમે કોઈપણ ગેરકાયદે ઉદ્દેશ્ય અથવા ગેરકાયદે પ્રવૃત્તિઓને પ્રોત્સાહન આપવા માટે અમારી સેવાઓનો ઉપયોગ ના કરી શકો. Twitter નો ઉપયોગ કરીને, તમે તમારા ઓનલાઈન આચરણ અને સામગ્રીનું સંચાલન કરતા તમામ લાગુ પડતા કાયદાનું પાલન કરવા માટે સંમત થાવ છો.


હેક કરેલી સામગ્રીઓનું વિતરણ 

જે સામગ્રી હેકિંગથી મેળવેલી હોય અને તેમાં અંગત ઓળખની વિગતો હોય, લોકોને નજીકની હાનિ અથવા જોખમમાં મૂકી શકે તેવી હોય અથવા જેમાં વ્યાપારની ગુપ્ત વિગતો હોય તેવી સામગ્રીનું સીધુ વિતરણ કરવા માટે અમે અમારી સેવાઓનો ઉપયોગ કરવાની મંજૂરી નથી આપતા. હેક કરેલી સામગ્રીના વિતરણમાં Twitter પર હેક કરેલી સામગ્રી પોસ્ટ કરવી (ઉદાહરણ તરીકે, ટ્વીટની ટેક્સ્ટમાં અથવા છબીમાં) અથવા અન્ય વેબસાઈટ્સ પર હોસ્ટ થયેલી હેક કરેલી સામગ્રીની લિંક આપવી શામેલ છે.

જ્યાં એકાઉન્ટે હેક માટે જવાબદારીનો દાવો કર્યો હોય અથવા જ્યાં Twitter વિશ્વસનીય રીતે તે સામગ્રીનું વિતરણ કરવા માટે એકાઉન્ટમાં હેકિંગ ઠેરવવા સમર્થ છે, ત્યાં હેક કરેલી સામગ્રીનું વિતરણ કરતા એકાઉન્ટ્સ અમે સ્થગિત કરી શકીએ છીએ.


વર્તમાન પ્રવાહો

કેટલીકવાર, અમે કેટલીક સામગ્રીને વર્તમાનપ્રવાહમાં ફેલાવાથી અટકાવી શકીએ છીએ. આમાં Twitter ના નિયમોનું ઉલ્લંઘન કરતી સામગ્રી, તેમજ વર્તમાનપ્રવાહોને પ્રોત્સાહન આપવાનો પ્રયાસ થતો હોય તે સામગ્રીનો સમાવેશ થાય છે. વર્તમાનપ્રવાહમાં ફેલાવા માટે અમે શાને મંજૂરી આપીએ છીએ અને શાને નથી આપતા તે વિશે વધુ વાંચો.
 

વિડિયો સામગ્રીમાં ત્રીજા-પક્ષની જાહેરાત

જેમાં પ્રિ-રોલ વિડિયો જાહેરાતો અથવા પ્રાયોજન ગ્રાફિક્સ જેવી ત્રીજા-પક્ષની જાહેરાત હોય તેવી કોઈપણ વિડિયો સામગ્રી અમારી પૂર્વ સંમતિ વગર તમે અમારી સેવાઓ પર અથવા તેના દ્વારા દાખલ કરી શકો, પોસ્ટ કરી શકો અથવા પ્રદર્શિત કરી શકો નહીં.


Twitter બેજને દુરુપયોગ

તમે Twitter દ્વારા આપવામાં ના આવે ત્યાં સુધી "પ્રચારિત" અથવા "ચકાસેલ" Twitter બેજ સહિત, પરંતુ આટલા મર્યાદિત નહીં, બેજનો ઉપયોગ ના કરી શકો. જે એકાઉન્ટમાં તેમના પ્રોફાઈલ ફોટો, શીર્ષક ફોટો, પ્રદર્શન નામ અથવા અન્ય કોઈપણ પ્રકારે આવા બેજનો ઉપયોગ થઈ રહ્યો હોય અથવા આવા બેજ દર્શાવવા માટે ખોટી રીતે Twitter સાથે જોડાણ અથવા Twitter તરફથી અધિકૃતતા દર્શાવતા હોય તેવા એકાઉન્ટ્સ સ્થગિત થઈ શકે છે.


વપરાશકારોના નામ દુરુપયોગ

વપરાશકારોના નામ વેચાવ: તમે Twitter ના વપરાશકારોના નામ ખરીદી કે વેચી શકતા નથી.

વપરાશકારનું નામ પડાવી લેવું: તમે વપરાશકારનું નામ પડાવી લેવાની પ્રવૃત્તિમાં જોડાઈ શકો નહીં. આચરણ વપરાશકારનું નામ પડાવી લેવાની પ્રવૃત્તિમાં છે કે કેમ તે નિર્ધારિત કરતી વખતે અમે ધ્યાનમાં રાખીએ છીએ તે પરિબળોમાં આનો પણ સમાવેશ થાય છેઃ

  • બનાવેલા એકાન્ટ્સની સંખ્યા;
  • અન્ય લોકોને તે એકાઉન્ટ નામોનો ઉપયોગ કરવાથી રોકાવાના આશયથી એકાઉન્ટ્સ બનાવવા;
  • તે એકાઉન્ટ્સ વેચવાના આશયથી એકાઉન્ટ્સ બનાવવા; અને
  • ત્રીજા પક્ષોના નામથી ચાલતા એકાઉન્ટ્સ અપડેટ કરવા અને જાળવી રાખવા માટે ત્રીજા-પક્ષની સામગ્રી ફીડ્સનો ઉપયોગ કરવો.

કૃપા કરીને નોંધી લેશો કે Twitter એવા એકાઉન્ટ્સ પણ દૂર કરી શકે છે જે છ મહિના કરતા વધુ સમયથી નિષ્ક્રિય હોય. વપરાશકારનું નામ પડાવી લેવું વિશે વધુ જાણો.

અપમાનજનક વર્તણૂક

અમે અભિવ્યક્તિની આઝાદી અને ખુલ્લી ચર્ચામાં માનીએ છીએ, પરંતુ જો લોકો બોલવાથી ગભરાતા હોય તેના કારણે અવાજો દબાવી દેવામાં આવ્યા હોય તો ફિલસૂફી અંતર્ગત તેનો અર્થ ઓછો થાય છે. લોકોને તેમના વિવિધ મંતવ્યો અને માન્યતાઓ અભિવ્યક્ત કરવા માટે સલામત હોવાનું અનુભવાય તે સુનિશ્ચિત કરવા, અમે વપરાશકારનો અવાજ દબાવવા માટે પજવણી, ધમકી અથવા ડરનો ઉપયોગ કરતી વર્તણૂક સહિત એવી વર્તણૂકને પ્રતિબંધિત કરીએ છીએ જે અપમાનની મર્યાદા ઓળંગે.

અપમાનજક વર્તણૂકનું મૂલ્યાંકન કરતી વખતે અને યોગ્ય અમલીકરણ ક્રિયાઓ નિર્ધારિત કરતી વખતે સંદર્ભનું મહત્વ હોય છે. અમે અહીં દર્શાવેલા પરિબળો ધ્યાનમાં લઈએ છીએ પરંતુ, તે આટલા મર્યાદિત નથીઃ

  • વર્તણૂકમાં કોઈ વ્યક્તિ અથવા લોકોના સમૂહને લક્ષ્યમાં રાખેલ છે;
  • દાખલ કરવામાં આવેલો રિપોર્ટ દુરુપયોગની લક્ષિત વ્યક્તિ દ્વારા દાખલ કરાયો છે કે મૂક પ્રેક્ષક દ્વારા;
  • વર્તણૂક સમાચારયોગ્ય અને કાયદાકીય જાહેર હિતમાં છે.


હિંસા અને શારીરિક હાનિ

હિંસા: તમે કોઈપણ વ્યક્તિ અથવા સમૂહોને હિંસાની ચોક્કસ ધમકી ના આપી શકો અથવા ગંભીર શારીરિક હાનિ, મૃત્યુ અથવા બીમારી પહોંચાડવાની ઈચ્છા ના રાખી શકો. તેમાં, આતંકવાદની ધમકી આપવી અથવા તેને પ્રોત્સાહન આપવાનો સમાવેશ થાય છે પરંતુ આટલુ મર્યાદિત નથી. તમે એવા સંગઠન સાથે પણ જોડાણ ના કરી શકો જે -- પોતાના નિવેદનો અથવા પ્રવૃત્તિઓ દ્વારા મંચ પર અને બહાર બંને જગ્યાએ -- તેમના અંગત હિતો પોષવા માટે નાગરિકો વિરુદ્ધ હિંસાનો ઉપયોગ કરે અથવા તેનો પ્રચાર કરે.

આત્મહત્યા અથવા સ્વ-હાનિ: તમે આત્મહત્યા અથવા સ્વ-હાનિનો પ્રચાર ના કરી શકો અથવા પ્રોત્સાહન ના આપી શકો. જ્યારે કોઈ વ્યક્તિ આત્મહત્યા અથવા સ્વ-હાનિની ધમકી આપે છે તેવા રિપોર્ટ અમને મળે ત્યારે, અમે તેમને મદદ કરવા માટે સંખ્યાબંધ પગલાં લઈએ છીએ જેમકે, તે વ્યક્તિનો સંપર્ક કરવો અને અમારા માનસિક સ્વાસ્થ્ય ભાગીદારોના સંપર્કની માહિતી આપવા જેવા સ્ત્રોતો પૂરા પાડવા.

બાળ જાતીય શોષણ: તમે બાળ જાતીય શોષણનો પ્રચાર કરી શકો નહીં. અમારી જરા પણ ચલાવી ના લેવાની બાળ જાતીય શોષણ નીતિ વિશે વધુ જાણો.


દુરુપયોગ અને દ્વેષપૂર્ણ આચરણ

દુરુપયોગ: કોઈ વ્યક્તિની લક્ષિત પજવણી અથવા આવું કરવા માટે બીજાને ઉશ્કેરવાની પ્રવૃત્તિમાં તમે જોડાઈ શકો નહીં. અમે અપમાનજનક વર્તણૂકને પજવણી, ધમકાવવા અથવા અન્ય કોઈનો અવાજ દબાવવો તરીકે ગણીએ છીએ.

અનિચ્છિત જાતીય ગેરલાભો: તમે કોઈને અનિચ્છિત જાતીય સામગ્રી મોકલીને, તેમને જાતીય સુસ્પષ્ટ પ્રકારે ક્ષોભમાં મૂકીને અથવા અન્ય પ્રકારે જાતીય ગેરઆચરણમાં જોડાઈને કોઈના પ્રત્યે સીધા દુરુપયોગનો નિર્દેશ ના કરી શકો.

દ્વેષપૂર્ણ આચરણ: તમે જાતિ, વંશીયતા, રાષ્ટ્રીય મૂળ, જાતીય અભિગમ, લિંગ, લિંગ ઓળખ, ધાર્મિક જોડાણ, ઉંમર, અપંગતા અથવા ગંભીર રોગના આધારે હિંસાને પ્રોત્સાહન આપી શકતા નથી અથવા અન્ય લોકોની પજવણી કરી શકતા નથી. અમારી દ્વેષપૂર્ણ આચરણ નીતિ વિશે વધુ વાંચો.

દ્વેષપૂર્ણ છબીઓ અને પ્રદર્શન નામો: તમે તમારી પ્રોફાઈલ છબી અથવા પ્રોફાઈલ શીર્ષકમાં દ્વેષપૂર્ણ છબીઓ અથવા ચિહ્નોનો ઉપયોગ ના કરી શકો. તમે લક્ષિત પજવણી અથવા કોઈ વ્યક્તિ, સમૂહ અથવા સુરક્ષિત શ્રેણી પ્રત્યે દ્વેષ અભિવ્યક્ત કરવા જેવી અપમાનજનક વર્તણૂકમાં જોડાવા માટે પણ તમારા વપરાશકારના નામ, પ્રદર્શન નામ અથવા પ્રોફાઈલ બાયોનો ઉપયોગ ના કરી શકો. 


અંગત માહિતી અને ખાનગી મીડિયા

અંગત માહિતી: તમે અન્ય વ્યક્તિએ આપેલ અધિકૃતતા અથવા મંજૂરી વગર તેમની ખાનગી માહિતી પ્રકાશિત અથવા પોસ્ટ ના કરી શકો. અંગત માહિતીની વ્યાખ્યા સ્થાનિક કાયદાના આધારે અલગ અલગ હોઈ શકે છે. અમારી અંગત માહિતી નીતિ વિશે વધુ વાંચો.

ખાનગી મીડિયા: તમે કોઈ વ્યક્તિના ખાનગી ફોટા અથવા વિડિયો પોસ્ટ ના કરી શકો જે તેમની સંમતિ વગર બનાવાયા અને વિતરણ કરાયા હોય. જાતીય હિંસા અને/અથવા હુમલો દર્શાવતા મીડિયાને પણ મંજૂરી નથી. નોંધ: જો ક્રિયાપ્રતિક્રિયા સહમતિજન્ય હોવાનો સ્પષ્ટ સંદર્ભ હોય તો મર્યાદિત છૂટછાટ લાગુ પડી શકે છે. Twitter પર ખાનગી મીડિયા વિશે વધુ વાંચો.

ઉઘાડા પાડવાની / હેક કરવાની ધમકી: તમે કોઈના અંગત અથવા ખાનગી મીડિયા ઉઘાડા પાડવાની ધમકી ના આપી શકો. તમે કોઈની ડિજીટલ માહિતી હેક કરવાની અથવા તેમાં ઘુસવાની ધમકી ના આપી શકો અથવા આમ કરવા માટે બીજાને પ્રોત્સાહિત કરવાનો (ઉદા., આવી ક્રિયાઓ માટે બક્ષિસ અથવા વળતરની ગોઠવણ કરીને) પ્રયાસ ના કરી શકો.


નકલ

તમે કોઈ વ્યક્તિ, સમૂહો અથવા સંગઠનોની એવી રીતે નકલ ના કરી શકો જે અન્યોને ગેરમાર્ગે દોરવા, ગુંચવવા અથવા છેતરવાના ઉદ્દેશ્યથી હોય. તમે પેરોડી, ચાહકો, કોમેન્ટરી અથવા ન્યૂઝફીડ એકાઉન્ટ્સ જાળવી રહ્યા હોવ, ત્યારે જો એકાઉન્ટનો ઉદ્દેશ્ય બિનજરૂરી અથવા અપમાનજનક વર્તણૂકનો હોય તો તમે આવુ ના કરી શકો. અમારી નકલ નીતિ વિશે વધુ વાંચો.

બિનજરૂરી અને સુરક્ષા

અમે Twitter પર લોકોને ટેકનિકલ દુરુપયોગ અને બિનજરૂરીથી બચાવવા માટે પ્રયત્નશીલ છીએ.

Twitter પર સ્થિર અને સુરક્ષિત માહોલનો પ્રચાર કરવા માટે, તમે Twitter એકાઉન્ટમાં પ્રવેશ કરો અથવા તેનો ઉપયોગ કરો ત્યારે, નીચેનામાંથી કોઈ પ્રવૃત્તિ કરી શકો નહીં અથવા તેનો પ્રયાસ કરી શકો નહીંઃ

  • Twitter ના બિન-જાહેર ક્ષેત્રો, Twitter ની કમ્પ્યૂટર સિસ્ટમ્સ અથવા Twitter ના પ્રદાતાઓની ટેકનિકલ ડિલિવરી સિસ્ટમ્સ (Twitter બગ બક્ષિસ કાર્યક્રમમાં સ્પષ્ટપણે મંજૂરી આપેલ સિવાય)માં પ્રવેશ, તેની સાથે ચેડાં અથવા તેનો ઉપયોગ.
  • કોઈપણ સિસ્ટમ અથવા નેટવર્કની નબળાઈની તપાસ કરવી, સ્કેન કરવી અથવા પરીક્ષણ કરવું, અથવા કોઈપણ સુરક્ષા અથવા પ્રમાણીકરણ માપદંડો તોડવા અથવા અવરોધવા (Twitter બગ બક્ષિસ કાર્યક્રમમાં સ્પષ્ટપણે મંજૂરી આપેલ સિવાય).
  • Twitter સાથે અલગ કરાર દ્વારા તમને મંજૂરી ના મળે ત્યાં સુધી, Twitter ના અમારી વર્તમાન સમયમાં ઉપલબ્ધ, પ્રકાશિત ઈન્ટરફેસ કે જે Twitter દ્વારા પૂરા પાડવામાં આવે છે (અને માત્ર લાગુ પડતા નિયમો અને શરતોનું પાલન કરે છે) તે સિવાય અન્ય કોઈપણ માધ્યમથી (સ્વયંચાલિત અથવા અન્ય પ્રકારે) Twitter માં પ્રવેશ અથવા શોધ અથવા પ્રવેશ અથવા શોધનો પ્રયાસ. નોંધી લેશો કે Twitter નું ક્રોલિંગ એ robots.txt ફાઈલમાં આપેલી જોગવાઈઓ અનુસાર હોય તો જ મંજૂરીપાત્ર છે; જોકે, અમારી પૂર્વ સંમતિ વગર Twitter નું સ્ક્રેપિંગ એ સ્પષ્ટપણે પ્રતિબંધિત છે.
  • કોઈપણ TCP/IP પેકેટ હેડરની બનાવટ અથવા કોઈપણ ઈમેલ અથવા પોસ્ટિંગમાં શીર્ષક માહિતીનો કોઈપણ ભાગ અથવા બદલાયેલા, છેતરામણા અથવા ખોટા સ્ત્રોતની ઓળખ કરતી માહિતી મોકલવા Twitter નો કોઈપણ પ્રકારે ઉપયોગ.
  • Twitter ની સેવાઓનું મર્યાદા વગર, વાઈરસ મોકલવા, ઓવરલોડિંગ, ફ્લડિંગ, સ્પામિંગ, મેઈલ બોંબિંગ સહિત કોઈપણ વપરાશકાર, હોસ્ટ અથવા નેટવર્કમાં પ્રવેશમાં હસ્તક્ષેપ અથવા વિક્ષેપ અથવા Twitter પર બિનજરૂરી ભારણ બનાવવ અથવા તેની સાથે તેની સાથે હસ્તક્ષેપ કરવા માટે સામગ્રી બનાવવા સ્ક્રિપ્ટિંગ કરવું.

નીચે દર્શાવેલી પ્રવૃત્તિઓમાં સંકળાયેલા કોઈપણ એકાઉન્ટ્સ હંગામી લોક થઈ શકે છે અથવા કાયમી સ્થગિત થવાને આધિન રહે છે:

  • માલવૅર/ફિશિંગ: તમે બીજી વ્યક્તિના બ્રાઉઝર અથવા કમ્પ્યૂટરને નુકસાન પહોંચાડવા અથવા વિક્ષેપ કરવા અથવા કોઈની ગોપનીયતા સાથે સમાધાન કરવા માટેના ઉદ્દેશ્યથી દૂષિત સામગ્રીને પ્રકાશિત અથવા લિંક કરી શકતા નથી. 
  • બોગસ એકાઉન્ટ્સ: તમે બોગસ અથવા ગેરમાર્ગે દોરવતા એકાઉન્ટ્સ નોંધાવી અથવા બનાવી શકતા નથી. જ્યારે તમે Twitter નો છૂપી રીતે અથવા પેરોડી, કોમેન્ટરી અથવા ચાહક એકાઉન્ટ તરીકે ઉપયોગ કરી શકો છો, ત્યારે તમે Twitter પર વાતચીતમાં ચાલાકીથી ફેરફાર કરવાના પ્રયાસો સહિત, સ્પામિંગ, અપમાનજનક અથવા વિક્ષેપકારક વર્તણૂકમાં જોડાવા માટે ગેરમાર્ગે દોરતી એકાઉન્ટ માહિતીનો ઉપયોગ કરી શકતા નથી. એકાઉન્ટ બોગસ છે કે કેમ તે નિર્ધારિત કરતી વખતે અમે ધ્યાનમાં રાખીએ છીએ તે પરિબળોમાંથી કેટલાક આનો પણ સમાવેશ થાય છેઃ
    • સ્ટોક અથવા ચોરેલા અવતાર ફોટાનો ઉપયોગ
    • ચોરેલા અથવા કૉપિ કરેલા બાયોનો ઉપયોગ
    • ઈદારાપૂર્વક ગેરમાર્ગે દોરતી પ્રોફાઈલ સ્થાન સહિત પ્રોફાઈલ માહિતીનો ઉપયોગ
  • બિનજરૂરી: કોઈપણને બિનજરૂરી સંદેશા મોકલવા માટે તમે Twitter ની સેવાઓનો ઉપયોગ કરી શકો નહીં. Twitter પર બિનજરૂરીને સામાન્યપણે જથ્થાબંધ અથવા આક્રમક પ્રવૃત્તિ વ્યાખ્યાયિત કરવામાં આવે છે જે બિનસંબંધિત એકાઉન્ટ્સ, ઉત્પાદનો, સેવાઓ અથવા પહેલ પર ટ્રાફિક મેળવવા અથવા લોકોનું ધ્યાન ખેંચવાના આશાયથી Twitter અથવા Twitter પર રહેલા વપરાશકારોના અનુભવને ચાલાકીથી કાબૂમાં લેવા અથવા વિક્ષેપ પાડવા માટે પ્રયાસ કરવા માટે હોય છે. કેવા આચરણને સ્પામિંગ તરીકે માની શકાય તે નિર્ધારિત કરતી વખતે અમે ધ્યાનમાં રાખીએ છીએ તે પરિબળોમાંથી કેટલાક આનો પણ સમાવેશ થાય છેઃ
    • જો તમે ટૂંકા સમયગાળામાં મોટી સંખ્યામાં એકાઉન્ટ્સને અનુસર્યા હોવ અને/અથવા અનુસરણ બંધ કર્યું હોય, ખાસ કરીને સ્વયંચાલિત માધ્યમોથી (આક્રમક અનુસરણ અથવા અનુયાયી ભેગા કરવા);
    • જો તમારી ટ્વીટ્સ અથવા સીધા સંદેશામાં મોટાભાગની લિંક્સ કોમેન્ટરી વગર શેર કરેલી હોય;
    • જો તમારા એકાઉન્ટમાંથી મોટી સંખ્યામાં બિનલક્ષિત, અવાંછિત અથવા નકલ કરેલ સામગ્રી અથવા શામેલગીરીના મોટા જથ્થાના પ્રતિભાવમાં તમને મોટી સંખ્યામાં લોકોએ અવરોધિત કર્યા હોય;
    • જો મોટી સંખ્યામાં બિનજરૂરી સંબંધિત ફરિયાદો તમારી વિરુદ્ધ દાખલ કરવામાં આવી હોય;
    • જો તમે નકલ કરેલી અથવા નોંધપાત્ર રીતે સમાન સામગ્રી, પ્રત્યુતરો અથવા ઉલ્લેખો બહુવિધ એકાઉન્ટ્સમાં પોસ્ટ કરો અથવા બહુવિધ નકલ કરેલા અપડેટ્સ એક એકાઉન્ટ પર પોસ્ટ કરો અથવા નકલી કે નોંધપાત્ર રીતે સમાન એકાઉન્ટ્સ બનાવો;
    • જો તમે બિનસંબંધિત એકાઉન્ટ્સ, ઉત્પાદનો, સેવાઓ અથવા પહેલ તરફ ટ્રાફિક મેળવવા અથવા લોકોનું ધ્યાન ખેંચવા વર્તમાનપ્રવાહમાં હોય તેવા અથવા લોકપ્રિય મુદ્દાને તે મુદ્દો ખતમ કરવાના અથવા ચાલાકીથી ફેરવવાના ઉદ્દેશ્ય સાથે બહુવિધ પોસ્ટ કરો;
    • જો તમે મોટી સંખ્યામાં અવાંછિત પ્રત્યુતરો અથવા ઉલ્લેખો મોકલો;
    • જો તમે યાદીઓમાં જથ્થાબંધ સંખ્યામાં અથવા આક્રમક રીતે વપરાશકારોનો ઉમેરો કરો;
    • જો તમે બિનસંબંધિત એકાઉન્ટ્સ, ઉત્પાદનો, સેવાઓ અથવા પહેલ તરફ ટ્રાફિક મેળવવા અથવા લોકોનું ધ્યાન ખેંચવા ટ્વીટ (ઉદા., લાઈ્ક્સ, પુનટ્વીટ્સ વગેરે) અથવા વપરાશકારો (ઉદા., અનુસરવું, યાદીઓમાં અથવા મોમેન્ટ્સમાં ઉમેરવા વગેરે) સાથે યાદચ્છિક રીતે અથવા આક્રમક રીતે જોડાયેલા હોવ;
    • જો તમે અન્ય લોકોના એકાઉન્ટની માહિતી તમારી પોતાની હોય તેમ (ઉદા., બાયો, ટ્વીટ્સ, પ્રોફાઈલ URL વગેરે) વારંવાર પોસ્ટ કરો;
    • જો તમે ગેરમાર્ગે દોરતી, છેતરામણી અથવા દૂષિત લિંક્સ (ઉદા., જોડાણ લિંક્સ, માલવૅર/ક્રિલકજેકિંગ પેજની લિંક્સ વગેરે) પોસ્ટ કરો;
    • જો તમે કૃત્રિમ રીતે એકાઉન્ટ વાતચીતો (જેમકે અનુયાયીઓ, પુનટ્વીટ્સ, લાઈક્સ વગેરે) વધારવા તે વેચો, ખરીદો અથવા તેનો પ્રયાસ કરો; અને
    • જો તમને વધુ અનુયાયીઓ, પુનટ્વીટ્સ અથવા લાઈક્સ (જેમકે અનુયાયી ટ્રેનો, "ઝડપથી વધુ અનુયાયીઓ"નું વચન આપતી સાઈટ્સ અથવા અન્ય કોઈપણ સાઈટ કે જે આપોઆપ તમારા એકાઉન્ટ અથવા ટ્વીટ્સ અનુયાયીઓ વધારવાનું કહે અથવા લોકોનું જોડાણ વધારવાનું કહે) લાવી આપવાનો દાવો કરતી ત્રીજા-પક્ષની સેવાઓ અથવા એપ્લિકેશનોનો તમે ઉપયોગ કરો;

તે ચોક્કસ એકાઉન્ટ વર્તણૂકોને કેવી રીતે નિયમો લાગુ પડે છે તે વિશે વિગતવાર માહિતી માટે કૃપા કરીને નિયમો અને શ્રેષ્ઠ પ્રવૃત્તિઓનું પાલન કરવું અને સ્વયંચાલન નિયમો અને શ્રેષ્ઠ પ્રવૃત્તિઓ વિશે અમારા સહાય લેખો જુઓ.

સ્થગિત કરેલા એકાઉન્ટના બદલે અથવા તેની નકલ કરવાના ઉદ્દેશ્યથી બનાવેલા એકાઉન્ટ્સ કાયમી ધોરણે સ્થગિત થઈ શકે છે. અમે એવા એકાઉન્ટ્સ પણ દૂર કરીએ છીએ જે Twitter ના નિયમોનું ઉલ્લંઘન કરવા માટે જાણીતી સંસ્થાઓ હોવાનું વિશ્વસનીય રીતે ઠેરવવા માટે Twitter સમર્થ છે.

સામગ્રી દૃશ્યતા

જે એકાઉન્ટ્સ તપાસ હેઠળ હોય અથવા આ નિયમોના ઉલ્લંઘનમાં સામગ્રી શેર કરવા બદલ મળી આવ્યા હોય તેમના એકાઉન્ટ અથવા ટ્વીટની દૃશ્યતા Twitter ના શોધ સહિતના ભાગોમાં મર્યાદિત હોઈ શકે છે. Twitter પર જે સ્થિતિમાં સામગ્રી પ્રતિબંધિત થઈ શકે છે તેના વિશે વધુ જાણવા માટે, કૃપા કરીને શોધ નિયમો અને પ્રતિબંધો પર અમારો સહાય લેખ જુઓ.

Bookmark or share this article

Was this article helpful?

Thank you for the feedback. We’re really glad we could help!

Thank you for the feedback. How could we improve this article?

Thank you for the feedback. Your comments will help us improve our articles in the future.