કાયદાના અમલીકરણ માટે માર્ગદર્શિકાઓ

આ માર્ગદર્શિકાઓ કાયદાના અમલીકરણ અધિકારીઓ દ્વારા Twitter એકાઉન્ટ્સ વિશે માંગવામાં આવતી માહિતીના ઉદ્દેશ્યથી છે. Twitter પર સામગ્રી જાળવી રાખવા માટેની વિનંતીઓ સંબંધિત માહિતી ઉપલબ્ધ છે. વધુ સામાન્ય માહિતી અમારી ગોપનીયતા નીતિ, સેવાની શરતો અને Twitter ના નિયમોમાં ઉપલબ્ધ છે.   

આવરી લીધેલા મુદ્દાઃ

Twitter શું છે?

Twitter એ વાસ્તવિક સમયની માહિતી આપતું વૈશ્વિક માહિતી નેટવર્ક છે જે વપરાશકારોને વિચારો અને માહિતીઓ ત્વરિત તૈયાર કરવા અને શેર કરવાની મંજૂરી આપે છે. લોકો અને સંગઠનો અમારી વેબસાઈટ અને મોબાઈલ સાઈટ, ક્લાયન્ટ એપ્લિકેશન્સ (ઉદા., એન્ડ્રોઈડ માટે Twitter; iOS માટે Twitter), એસએમએસ અથવા ત્રીજા-પક્ષની અન્ય પ્રકારની એપ્લિકેશનો દ્વારા સંદાશા મોકલે છે.

વધુ માહિતી માટે, કૃપા કરીને about.twitter.comની મુલાકાત લો. Twitter ની ખાસિયતો અને કામગીરી વિશે અદ્યતન વિગતો માટે કૃપા કરીને અમારા સહાયતા કેન્દ્રની મુલાકાત લો.

યુનાઈટેડ સ્ટેટ્સમાં રહેતા લોકોને કેલિફોર્નિયાના સાન ફ્રાન્સિસ્કો સ્થિત કંપની, Twitter, ઇન્ક. દ્વારા Twitter પૂરું પાડવામાં આવે છે. યુનાઈટેડ સ્ટેટ્સ બહાર રહેતા લોકોને આયર્લેન્ડમાં ડબલીન સ્થિત Twitter આંતરરાષ્ટ્રીય કંપની દ્વારા Twitter પૂરું પાડવામાં આવે છે.

Twitter પાસે કઈ એકાઉન્ટ માહિતી હોય છે?

મોટાભાગની Twitter એકાઉન્ટ માહિતી જાહેર છે, તેથી કોઈપણ તે જોઈ શકે છે. Twitter એકાઉન્ટ પ્રોફાઈલમાં પ્રોફાઈલ ફોટો, શીર્ષક ફોટો, બેકગ્રાઉન્ડ છબી અને ટ્વીટ્સ તરીકે ઓળખાતા સ્ટેટસ અપડેટ્સ શામેલ હોય છે. વધુમાં, એકાઉન્ટ ધારક પાસે સ્થાન (ઉદા., સાનફ્રાન્સિસ્કો), URL (ઉદા., twitter.com) અને તેમની જાહેર પ્રોફાઈલ પર પ્રદર્શિત કરવા માટે એકાઉન્ટ વિશે ટૂંકા "બાયો" વિભાગનો વિકલ્પ હોય છે. અમે વપરાશકાર વિશે અને તેમની પાસેથી જે ડેટા એકત્રિત કરીએ તેના વિશે વધુ માહિતી માટે કૃપા કરીને અમારી ગોપનીયતા નીતિ જુઓ.

શું Twitter પાસે વપરાશકાર દ્વારા જનરેટ કરાયેલા ફોટા અથવા વિડિયોનો પ્રવેશ છે?

Twitter કેટલીક છબીના અપલોડ્સ (ઉદા., pic.twitter.com છબીઓ) માટે ફોટો હોસ્ટિંગ પૂરાં પાડે છે તેમજ Twitter એકાઉન્ટ પ્રોફાઈલ ફોટા અને શીર્ષક ફોટા પૂરાં પાડે છે. જોકે, Twitter એ છબીઓ માટે એકમાત્ર ફોટો પ્રદાતા નથી જે છબીઓ Twitter મંચ પર જોવા મળે છે. Twitter પર ફોટા પોસ્ટ કરવા વિશે વધુ માહિતી.

Twitter કેટલાક Twitter પર અપલોડ કરેલા વિડિયો (ઉદા., pic.twitter.com વિડિયો) માટે તેમજ Periscope પર પોસ્ટ કરેલા વિડિયો માટે વિડિયો હોસ્ટિંગ પૂરાં પાડે છે. કૃપા કરીને નોંધી લેશો કે Twitter એ વિડિયો માટે એકમાત્ર પ્રદાતા નથી જે વિડિયો Twitter મંચ પર જોવા મળે છે.

Twitter પર સીધા સંદેશામાં શેર કરેલી લિંક્સ સહિત શેર કરેલી બધી લિંક્સ, આપોઆપ http://t.co લિંક પર પ્રક્રિયા થઈ જશે અને ટૂંકી કરી દેવાશે. તમે જ્યારે http://t.co લિંક જુઓ, ત્યારે એવું સૂચિત નથી થતું કે વિડિયો અથવા છબી Twitter દ્વારા હોસ્ટ કરેલ છે.

Periscope શું છે?

Periscope એ સ્વતંત્ર મોબાઈલ સેવા છે જે વપરાશકારને વાસ્તવિક સમયમાં તેમના વિડિયો બનાવવા અને શેર કરવાની મંજૂરી આપે છે. Periscope વપરાશકારો વિશે અને તેમની પાસેથી અમે જે ડેટા એકત્ર કરીએ છીએ તેના વિશે વધુ માહિતી માટે કૃપા કરીને Periscope ગોપનીયતા નિવેદન જુઓ, અને Periscope વિશે વધુ માહિતી માટે Periscope સહાયતા કેન્દ્ર ની મુલાકાત લો. વપરાશકારો અનરૂપ Twitter એકાઉન્ટ ધરાવ્યા વગર અથવા તે એકાઉન્ટનું જોડાણ કર્યા વગર Periscope એકાઉન્ટમાં સાઈન અપ કરી શકે છે.

Vine શું છે?

ઓક્ટોબર 2016માં, અમે જાહેરાત કરી હતી કે Vine મોબાઈલ એપ્લિકેશન બંધ કરવામાં આવશે. અમે Vine એપ્લિકેશનને ઘટાડીને Vine કેમેરામાં રૂપાંતરિત કરી છે. વપરાશકારો હવે આ એપ્લિકેશનથી છ-સેકન્ડના લૂપિંગ વિડિયો બનાવી શકે છે અને તેને સીધા જ Twitter એકાઉન્ટ પર શેર કરી શકે છે અથવા તેમને પોતાના ફોનમાં સાચવી શકે છે. 

ડેટા જાળવણી માહિતી

Twitter

Twitter અલગ અલગ સમયગાળા માટે અને અમારી સેવાની શરતો અને ગોપનીયતા નીતિ ને સુસંગત વિભિન્ન પ્રકારની માહિતી જાળવી રાખે છે. Twitter ના વાસ્તવિક સમયના પ્રકારના કારણે, કેટલીક માહિતી (ઉદા., IP લોગ) કદાચ ખૂબ ટૂંકા સમયગાળા માટે સંગ્રહિત થઈ શકે છે.

અમે સંગ્રહિત કરેલી કેટલીક માહિતી આપોઆપ એકત્રિત થાય છે, જ્યારે અન્ય માહિતી વપરાશકારની ઈચ્છાનુસાર પૂરી પાડવામાં આવે છે. અમે આ માહિતી સંગ્રહિત કરતા હોવા છતાં, અમે તેની ચોક્કસાઈની ખાતરી નથી આપી શકતા. ઉદાહરણ તરીકે, વપરાશકારે ખોટી અથવા અજ્ઞાત પ્રોફાઈલ બનાવી હોઈ શકે છે. Twitter ને વાસ્તવિક નામના ઉપયોગ, ઈમેલ ચકાસણી અથવા ઓળખ પ્રમાણીકરણની જરૂર નથી. Twitter ની જાળવણી નીતિઓ વિશે વધુ માહિતી અમારી ગોપનીયતા નીતિમાં મળી શકે છે.

નોંધ: એકવાર એકાઉન્ટ નિષ્ક્રિય થઈ ગયા પછી, ખૂબ ટૂંકા સમયગાળામાં અમે ટ્વીટ્સ સહિતની એકાઉન્ટની માહિતીનો પ્રવેશ મેળવવા માટે સમર્થ હોઈએ છીએ. નિષ્ક્રિય કરેલા એકાઉન્ટ્સ વિશે વધુ માહિતી અહીં ઉપલબ્ધ છે. એકાઉન્ટ ધારક દ્વારા કાઢી નાખેલી સામગ્રી (ઉદા., ટ્વીટ્સ) સામાન્યપણે ઉપલબ્ધ હોતી નથી.

Periscope

Periscope અલગ અલગ સમયગાળા માટે વિભિન્ન પ્રકારની માહિતી જાળવી રાખે છે. બ્રૉડકાસ્ટ્સ અને બ્રૉડકાસ્ટ્સની માહિતી કદાચ ખૂબ ટૂંકા સમયગાળા માટે સંગ્રહિત થઈ શકે છે. બ્રૉડકાસ્ટ્સની ઉપલબ્ધતા વિશેની માહિતી Periscope સહાયતા કેન્દ્રમાં મળી શકે છે. અમારી જાળવણી નીતિઓ વિશે વધુ માહિતી Periscope ની ગોપનીયતા નીતિમાં મળી શકે છે.

Twitter UID, Periscope વપરાશકારનું નામ અથવા Periscope બ્રૉડકાસ્ટનું સ્થાન કેવી રીતે જાણવું

Twitter UID નું સ્થાન જાણવું

Periscope વપરાશકારનું નામ અથવા બ્રૉડકાસ્ટનું સ્થાન શોધવું

Periscope વપરાશકારના નામનું સ્થાન કેવી રીતે શોધવું તેના વિશે અમારા સૂચનો વાંચો.

જાળવણીની વિનંતીઓ

એવા રેકોર્ડ્સ કે જેમાં સંભવિતપણે કાયદાકીય પ્રક્રિયાઓમાં સંબંધિત પુરાવા હોય તેને સાચવવા માટે અમે કાયદાના અમલીકરણ વિભાગ પાસેથી મળતી વિનંતીઓ સ્વીકારીએ છીએ. માન્ય કાયદાકીય પ્રક્રિયાઓની પડતર સેવાઓ માટે 90 દિવસ સુધી સંબંધિત એકાઉન્ટ રેકોર્ડ્સનો હંગામી સ્નેપશૉટ અમે જાળવીશું, પરંતુ જાહેર નહીં કરીએ.

લાગુ પડતા કાયદા અનુસાર જાળવણીની વિનંતીઓ, આવી હોવી જોઈએઃ

  • વિનંતી કરતા અધિકારી દ્વારા સહી કરેલી હોવી જોઈએ;
  • માન્ય સત્તાવાર ઈમેલ એડ્રેસ લેખલું હોવું જોઈએ; અને કાયદાના અમલીકરણના લેટરહેડ પર મોકલેલ હોવી જોઈએ;
  • તેમાં @વપરાશકારનું નામ અને Twitter પ્રોફાઈલ વિષયવ્યક્તિનું URL (ઉદા. https://twitter.com/twittersafety (@twittersafety), અને/અથવા Twitter એકાઉન્ટનો અનન્ય, જાહેર વપરાશકાર ઓળખ નંબર અથવા UID અથવા Periscope વપરાશકારનું નામ અને URL (ઉદા., @twittersafety અને https://periscope.tv/twittersafety) શામેલ હોવું જોઈએ. Twitter UID નું સ્થાન શોધવા માટે અહીં જુઓ અથવા Periscope વપરાશકારના નામનું સ્થાન શોધવા માટે અહીં જુઓ.

અમે જાળવણીની અરજીઓના વિસ્તરણ માટેની અરજીઓને માન આપી શકીએ છીએ, પરંતુ સમયસર અને કાયદેસર રીતે યોગ્ય ચેનલો દ્વારા રેકોર્ડ મેળવવા માટે કાયદાના અમલીકરણની એજન્સીઓને પ્રોત્સાહિત કરીએ છીએ, કારણ કે અમે ખાતરી આપી શકાત નથી કે વિનંતી કરેલી માહિતી ઉપલબ્ધ રહેશે.

વપરાશકારની માહિતી માટે કાયદાના અમલીકરણ અને સરકારી જાળવણી વિનંતીઓ અમારી કાયદાકીય વિનંતી દાખલ કરવાની સાઈટ (t.co/lr અથવા http://legalrequests.twitter.com) દ્વારા દાખલ કરી શકાય છે. તમે વધુ સૂચનાઓ નીચે શોધી શકો છો.

Twitter એકાઉન્ટ માહિતી માટે વિનંતીઓ

કાયદાના અમલીકરણ વિભાગ દ્વારા વપરાશકારના એકાઉન્ટની માહિતી માટે વિનંતી કેલિફોર્નિયામાં સાન ફ્રાન્સિસ્કો સ્થિત Twitter, ઇન્ક દ્વારા અથવા આયર્લેન્ડમાં ડબલીન સ્થિત Twitter આંતરરાષ્ટ્રીય કંપની દ્વારા નિર્દેશિત હોવી જોઈએ. Twitter લાગુ પડતા કાયદાના અનુપાલનમાં ઈશ્યૂ કરેલ માન્ય કાયદાકીય પ્રક્રિયાને પ્રતિભાવ આપે છે.

અંગત માહિતી માટે અદાલતી ફરમાન અથવા કોર્ટનો આદેશ જરૂરી છે

Twitter વપરાશકારો વિશેની બિન-જાહેર માહિતી કાયદાના અમલીકરણ વિભાગને જાહેર કરવામાં આવશે નહીં સિવાય કે અદાલતી ફરમાન, કોર્ટનો આદેશ અથવા અન્ય માન્ય કાયદાકીય પ્રક્રિયા જેવી યોગ્ય કાયદાકીય પ્રક્રિયાના પ્રતિભાવમાં -- અથવા નીચે વર્ણન કર્યા અનુસાર માન્ય ઈમરજન્સી વિનંતીના પ્રતિભાવમાં.

કમ્યુનિકેશન્સની સામગ્રીઓ માટે સર્ચ વૉરંટ હોવું જરૂરી છે

કમ્યુનિકેશન્સની સામગ્રીની વિનંતીઓ (ઉદા., ટ્વીટ્સ, સીધા સંદેશા, ફોટામાં) માન્ય સર્ચ વૉરંટ અથવા Twitter પર યોગ્ય અધિકારક્ષેત્ર સાથેની એજન્સી તરફથી તેને સમકક્ષ પત્ર હોવો જરૂરી છે.

શું Twitter એકાઉન્ટની માહિતી માટેની વિનંતીઓ અંગે વપરાશકારોને સૂચના આપશે?

હા. Twitter ની નીતિ તેમના Twitter અથવા Periscope એકાઉન્ટની માહિતી માટે અરજીઓ વિશે વપરાશકારોને સૂચિત કરવાની છે, જેમાં અમે સમર્થ હોઈએ ત્યાં સુધી (ઉદા., એકાઉન્ટની માહિતી જાહેર કર્યા પહેલા અને પછી) વિનંતીની નકલ સામેલ છે, અને આમ કરવા માટે અમે પ્રતિબંધિત ના હોઈએ (ઉદા., 18 U.S.C. § 2705(b) હેઠળ આદેશ) ત્યાં સુધી કરાશે. અમે પૂછીએ છીએ કે કોઈપણ બિન-એકરાર જોગવાઈમાં કોઈ ચોક્કસ સમયગાળો શામેલ છે (ઉદા., 90 દિવસ) જેમાં Twitter વપરાશકારોને સૂચિત કરવાથી પ્રતિબંધિત છે. વપરાશકાર નોટિસમાં અપવાદોમાં અતિશય અથવા પ્રતિકૂળ પરિસ્થિતિઓનો સમાવેશ થઈ શકે છે, જેમ કે જીવન પ્રત્યેના તાકીદના જોખમો, બાળ જાતીય શોષણ અથવા આતંકવાદ વિશેની કટોકટી.

એકાઉન્ટની માહિતીની વિનંતીઓમાં કઈ વિગતો શામેલ કરેલી હોવી આવશ્યક છે?

લાગુ કાયદા અનુસાર વપરાશકારના એકાઉન્ટની માહિતી માટેની અરજીઓમાં, નીચેની માહિતી શામેલ કરવી આવશ્યક છેઃ

  • જેની સામે પ્રશ્ન ઉઠાવાયો હોય તે વિષયવ્યક્તિના Twitter એકાઉન્ટના Twitter @વપરાશકારનું નામ અને URL (ઉદા., https://twitter.com/twittersafety (@twittersafety) અથવા એકાઉન્ટનો અનન્ય, જાહેર વપરાશકાર ઓળખ નંબર અથવા UID શામેલ કરો. Twitter UID નું સ્થાન જાણવા વિશે સૂચનો માટે અહીં જુઓ;
  • અને/અથવા માન્ય Periscope વપરાશકારનું નામ અને URL (ઉદા., @twittersafety અને https://periscope.tv/twittersafety) શામેલ કરો. Periscope વપરાશકારના નામનું સ્થાન શોધવા વિશે સૂચનો અહીં શોધો;
  • કઈ ચોક્કસ માહિતીની વિનંતી કરવામાં આવી છે (ઉદા., મૂળભૂત સબસ્ક્રાઈબર માહિતી) તેની અને તમારી તપાસ સાથે તેના સંબંધની વિગતો આપો;
    • નોંધ: કૃપા કરીને ખાતરી કરો કે તમે માંગી રહ્યા છો તે માહિતી જાહેરમાં ઉપલબ્ધ નથી (ઉદા., એવી ટ્વીટ્સ જે સુરક્ષિત નથી). અમે અતિ વ્યાપક અથવા અસ્પષ્ટ વિનંતીઓ પર પ્રક્રિયા કરવામાં અસમર્થ છીએ.
  • માન્ય સત્તાવાર ઈમેલ એડ્રેસ (ઉદા., name@agency.gov) શામેલ કરો જેથી અમે તમારી કાયદાકીય પ્રક્રિયા મળ્યા પછી તમારો સંપર્ક કરી શકીએ;
  • કાયદા અમલીકરણ લેટરહેડ પર ઈશ્યૂ કરવામાં આવશે.

વપરાશકારની માહિતી માટે કાયદાના અમલીકરણ અને સરકારી વિનંતીઓ અમારી કાયદાકીય વિનંતી દાખલ કરવાની સાઈટ (t.co/lr અથવા http://legalrequests.twitter.com) દ્વારા દાખલ કરી શકાય છે. તમે વધુ સૂચનાઓ નીચે શોધી શકો છો.

રેકોર્ડ્સની રજૂઆત

જ્યાં સુધી અન્યથા સંમત ન થાય ત્યાં સુધી, અમે હાલમાં પ્રતિભાવક રેકોર્ડ્સ ઇલેક્ટ્રોનિક ફોર્મેટમાં (ઉદા., કોઈપણ વર્ડ પ્રોસેસિંગ સૉફ્ટવેર જેમ કે વર્ડ અથવા ટેક્સ્ટએડિટમાં ખોલી શકાય તેવી ટેક્સ્ટ ફાઈલો) પૂરા પાડીએ છીએ.

રેકોર્ડ્સનું પ્રમાણીકરણ

અમે રજૂ કરીએ છીએ તે રેકોર્ડ સ્વ-પ્રમાણિત હોય છે. વધુમાં, રેકોર્ડ રજૂ કરતી વખતે તેમની અખંડિતતાની ખાતરી કરવા માટે ઇલેક્ટ્રોનિક રૂપે સહી કરેલા હોય છે. જો તમારે એકરારની જરૂર હોય, તો કૃપા કરીને તમારી રજૂઆતમાં સૂચિત કરો.

ખર્ચ ભરપાઈ

Twitter કાયદાકીય પ્રક્રિયા અનુસાર અને કાયદા દ્વારા મંજૂરી (ઉદા. 18 U.S.C. §2706 હેઠળ) અનુસાર રજૂ કરેલી માહિતી સાથે સંકળાયેલ ખર્ચ માટે વળતરની માંગણી કરી શકે છે.

ઈમરજન્સી એકરાર વિનંતીઓ

અમારી ગોપનીયતા નીતિ પ્રમાણે, માન્ય ઈમરજન્સી એકરાર વિનંતીના પ્રતિભાવમાં અમે કાયદાના અમલીકરણ વિભાગને એકાન્ટ માહિતી આપી શકીએ છીએ.

Twitter સંબંધિત કાયદા (ઉદા., 18 U.S.C. § 2702(b)(8) અને ધારા 8 આઈરીશ ડેટા સુરક્ષા 1988 અને 2003) અનુસાર અલગ અલગ કેસ પ્રમાણે ઈમરજન્સી એકરાર વિનંતીઓનું મૂલ્યાંકન કરે છે. જો અમને એવી માહિતી પ્રાપ્ત થાય જે અમને પુરા વિશ્વાસ સાથે જણાવે કે કોઈ વ્યક્તિને મૃત્યુના ભય અથવા ગંભીર શારીરિક ઈજાથી સંકળાયેલી અત્યંત ઈમરજન્સી છે, તો તે નુકસાનને રોકવા માટે જરૂરી માહિતી અમારી પાસે હોય તો અમે તે પૂરી પાડી શકીએ છીએ.

ઈમરજન્સી એકરાર વિનંતી કેવી રીતે કરવી

જો કોઈ વ્યક્તિને મૃત્યુ અથવા ગંભીર શારીરિક ઈજા સહિતની અત્યંત ઈમરજન્સી અને તે રોકવા માટે Twitter પાસેથી જરૂરી માહિતી હોઈ શકે, તો અમારી કાયદાકીય વિનંતી દાખલ કરવાની સાઈટ દ્વારા કાયદાના અમલીકરણ અધિકારીઓ ઈમરજન્સી એકરાર વિનંતી દાખલ કરી શકે છે (સૌથી ઝડપી અને સૌથી કાર્યક્ષમ રીત).

નોંધ: ફેક્સ કરેલ (415-222-9958) વિનંતીઓને વિલંબથી પ્રતિભાવ મળી શકે છે. કૃપા કરીને નીચે દર્શાવેલી તમામ માહિતી શામેલ કરોઃ

  • તમારી કવર શીટ પર સૂચન કે તમે કોઈ ઇમરજન્સી એકરાર વિનંતી દાખલ કરી રહ્યાં છો જે કાયદાના અમલીકરણ લેટરહેડ પર હોવું આવશ્યક છે;
  • જે વ્યક્તિને મૃત્યુ અથવા ગંભીર શારીરિક ઈજાનું જોખમ છે તેની ઓળખ;
  • ઈમરજન્સીનો પ્રકાર (ઉદા., આત્મહત્યાનો રિપોર્ટ, બોંબની ધમકી);
  • ઈમરજન્સી રોકવા માટે જેમની માહિતી આવશ્યક છે તે વિષયવ્યક્તિના એકાઉન્ટ (એકાઉન્ટ્સ)નું Twitter @વપરાશકારનું નામ અને URL (ઉદા., https://twitter.com/TwitterSafety (@twittersafety);
  • તમે અમારી પાસે સમીક્ષા કરાવવા માંગતા હોવ તેવી કોઈપણ સ્પષ્ટ ટ્વીટ્સ;
  • વિનંતી કરેલી સ્પષ્ટ માહિતી અને ઈમરજન્સી રોકવા શા માટે તે માહિતી જરૂરી છે તેની વિગતો;
  • દાખલ કરી રહેલા કાયદાના અમલીકરણ અધિકારીની સહી; અને
  • ચોક્કસ સંજોગો સંબંધિત તમામ અન્ય ઉપલબ્ધ વિગતો અથવા સંદર્ભ.

પારસ્પરિક કાયદાકીય સહાય સંધિઓ

પારસ્પરિક કાયદાકીય સહાય સંધિઓ ("MLAT") અથવા પત્ર વ્યવહાર દ્વારા યોગ્ય રીતે ઈશ્યૂ કરાયેલી વિનંતીઓને પ્રક્રિયાની યોગ્ય સેવા હેઠળ ત્વરિત પ્રતિભાવ આપવો એ Twitter ની નીતિ છે. MLAT પ્રક્રિયા દ્વારા વિનંતી દાખલ કરો ત્યારે, કૃપા કરીને સ્પષ્ટતા કરો કે વિનંતી MLAT દ્વારા આવી રહી છે અને મૂળ દેશનું નામ શામેલ કરો.

સામગ્રી દૂર કરવાની વિનંતીઓ

સેવાની શરતોની સમીક્ષાની વિનંતી કેવી રીતે કરવી

જો તમે કાયદાના અમલીકરણના એજન્ટ અથવા સરકારી અધિકારી હોવ અને સ્થાનિક કાયદાના ઉલ્લંઘન બદલ Twitter પરથી સંભવિત ગેરકાયદે સામગ્રી દૂર કરવા માંગતા હોવ, તો કૃપા કરીને સૌથી પહેલા Twitter ના નિયમો ની સમીક્ષા કરો અને જો લાગુ પડે તો, અમારી સેવાની શરતોના સંભવિત ઉલ્લંઘન માટે સામગ્રીની સમીક્ષા કરવાની વિનંતી દાખલ કરો. Twitter ના નિયમો અને સેવાની શરતો ના સંભવિત ઉલ્લંઘન વિશે કેવી રીતે જાણ કરવી તેનું વિહંગાવલોકન અહીં ઉપલબ્ધ છે. અમારી સેવાની શરતો ના સંભવિત ઉલ્લંઘનો વિશે જાણકારીથી સુનિશ્ચિત થશે કે તમારી વિનંતી યોગ્ય ટીમ પાસે પહોંચી છે અને ઝડપથી પ્રક્રિયા કરવામાં આવી છે.

સામગ્રી જાળવી રાખવા માટે કેવી રીતે કાયદાકીય વિનંતી દાખલ કરવી

જો તમે પહેલાથી જ અમારી સેવાની શરતો ના સંભવિત ઉલ્લંઘન માટે સામગ્રીની સમીક્ષા કરવાની વિનંતી દાખલ કરેલ હોય અને જાણ કરેલ સામગ્રી હાલમાં અમારી સેવાની શરતોનું ઉલ્લંઘન કરતી નથી તેવું સૂચિત કરતો પ્રતિભાવ Twitter તરફથી મળ્યો હોય, તો તમે સામગ્રી જાળવી રાખવા માટે અમારી કાયદાકીય વિનંતી દાખલ કરવાની સાઈટ દ્વારા માન્ય અને યોગ્ય રીતે ચકાસેલી કાયદાકીય વિનંતી દાખલ કરી શકો છો. સ્થાનિક કાયદાના આધારે સામગ્રી જાળવી રાખવા માટે વિનંતી દાખલ કરવાની આ સૌથી ઝડપી અને સૌથી કાર્યક્ષમ રીત છે.

સમસ્યા પર ચોક્કસ ટ્વીટ (ટ્વીટ્સ) અથવા એકાઉન્ટ (એકાઉન્ટ્સ) ની ઓળખ સાથે, કૃપા કરીને સ્થાનિક કાયદાની ઓળખ કરો જેનું જાણ કરેલી સામગ્રી દ્વારા ઉલ્લંઘન થયું હોવાનું માનવામાં આવે છે. જો તમારી પાસે કોર્ટનો ઓર્ડર અથવા અન્ય સંબંધિત કાયદાકીય દસ્તાવેજીકરણ હોય, તો કૃપા કરીને તમારી વિનંતી દાખલ કરતી વખતે તેની નકલ જોડો ("ફાઈડ જોડાણો" વિભાગ જુઓ). કૃપા કરીને તમારી વિનંતીની સમીક્ષા ઝડપથી કરવામાં મદદરૂપ થઈ શકે તેવા અન્ય કોઈપણ સંભવિત મદદરૂપ સંદર્ભ પૂરા પાડો. અમારે સત્તાવાર સરકારી અથવા કાયદાના અમલીકરણ અધિકારીના ઈમેલ એડ્રેસ (ઉદા., name@agency.gov)ની પણ જરૂર છે જેથી જો જરૂર જણાય તો યોગ્ય ટીમ તમારો સંપર્ક કરી શકે. અમે શક્ય હોય એટલી ઝડપથી તમારી વિનંતીની પ્રક્રિયા કરીશું.

Twitter અસરગ્રસ્ત વપરાશકારને સામગ્રી જાળવી રાખવા માટેની કાયદાકીય વિનંતીઓ વિશે તુરંત જાણ કરશે જેમાં મૂળ વિનંતીની નકલ આપવાનું પણ શામેલ છે, અને આમ કરવા માટે અમે પ્રતિબંધિત ના હોઈએ ત્યાં સુધી કરાશે. જો તમને લાગતુ હોય કે Twitter વપરાશકારોને ધ્યાનમાં લેવાથી પ્રતિબંધિત છે, તો કૃપા કરીને સંબંધિત કાયદા (જો લાગુ હોય તો) માટેના સંદર્ભ સહિત, તમારી વિનંતિમાં કારણ જણાવો અને/અથવા જો આ પ્રતિબંધને સમર્થન આપતા કોઈપણ દસ્તાવેજો ઉપલબ્ધ હોય તો "ફાઇલ જોડાણો" વિભાગમાં તે અપલોડ કરો. તમે નોટિસના હેતુથી દૂર કરવામાં આવેલી અંગત માહિતી સાથે તમારી વિનંતીની સુધારેલી નકલ પૂરી પાડી શકો છો.

સરકાર અને કાયદા અમલીકરણના જાણ કરનારા લોકો નીચે દર્શાવેલી સંપર્કની માહિતી પર તમારી વિનંતી ફેક્સ કરીને અથવા તમારી વિનંતીની હાર્ડ નકલ પત્ર દ્વારા મોકલીને તેમના અધિકારક્ષેત્રમાં ગેરકાયદે નિર્ધારિત થયેલ સામગ્રીને જાળવી રાખવા વિનંતી કરી શકે છે. જો તમે યુનાઇટેડ સ્ટેટ્સ બહારના હોવ, તો કૃપા કરીને તમારી વિનંતી આયર્લેન્ડમાં Twitter ઈન્ટરનેશનલ કંપનીને પત્ર દ્વારા મોકલો (નીચેના વિભાગમાં "સંપર્કની માહિતી" જુઓ).

અમારી દેશ અનુસાર સામગ્રી જાળવી રાખવાની નીતિ વિશે વધુ માહિતી અહીં શોધો.

Twitter ના વપરાશકારની મદદ કરવી

નોંધાયેલા Twitter વપરાશકારો તેમના અથવા તેણીના Twitter એકાઉન્ટ પર પોસ્ટ કરેલી ટ્વીટ્સનું ડાઉનલોડ મેળવી શકે છે. વપરાશકાર અમારા સહાયતા કેન્દ્ર માં ઉપલબ્ધ માહિતીની વિનંતી કેવી રીતે કરી શકે છે તેની માર્ગદર્શિકા.

વપરાશકારો અમારા સહાયતા કેન્દ્ર માં સમજાવ્યા પ્રમાણે તેના અથવા તેણીના Twitter એકાઉન્ટ દ્વારા સીધા જ IP લોગ અને અન્ય ડેટા મેળવી શકે છે. જો Twitter વપરાશકારને તેના અથવા તેણીના Twitter એકાઉન્ટ વિશે વધારાની બિન-જાહેર એકાઉન્ટ માહિતીની જરૂર હોય, તો કૃપા કરીને અમારા ગોપનીયતા ફોર્મ દ્વારા Twitter ને વિનંતી કરવાનો નિર્દેશ કરો. અમે આગળના સૂચનો સાથે પ્રતિભાવ આપીશું.

અન્ય સમસ્યાઓ

Twitter એકાઉન્ટ ધારકો અમારા સહાયતા કેન્દ્ર દ્વારા સીધા જ અમારી પાસે પૂછપરછ દાખલ કરે તો મોટાભાગની સમસ્યાઓ ઉકેલી શકાય છે. કેવી રીતે ઉલ્લંઘનોની જાણ કરવી તેના વિશે વધુ માહિતી અહીં ઉપલબ્ધ છે.

સામાન્ય પૂછપરછો

કાયદાના અમલીકરણ અધિકારીઓ અથવા સરકારી અધિકારીઓની અન્ય સામાન્ય પૂછપરછો અમારા વેબ ફોર્મ દ્વારા દાખલ કરી શકાય છે.

વિનંતીઓ ક્યાં દાખલ કરાવવાની

જાળવણીઓ, એકાઉન્ટની માહિતી માટે વિનંતીઓ (નિયમિત અને ઈમરજન્સી) અને દૂર કરવાની વિનંતીઓ સહિત તમામ કાયદાકીય વિનંતીઓ અહીં દર્શાવેલ Twitter ની કાયદાકીય વિનંતી દાખલ કરવાની સાઈટ દ્વારા દાખલ કરી શકાય છેઃ t.co/lr or legalrequests.twitter.com.

જો કાયદાકીય વિનંતી દાખલ કરવાની સાઈટમાં તમને કોઈ સમસ્યા પડતી હોય, તો તમે અમારા વેબ ફોર્મ દ્વારા સહાય માંગી શકો છો.

આ માધ્યમથી પત્રવ્યવહારની પ્રાપ્તિ માત્ર સુવિધા માટે છે અને અધિકારક્ષેત્ર અથવા યોગ્ય સેવાની અભાવ સહિત કોઈપણ વાંધામાંથી મુક્તિ નથી.

બિન-કાયદાના અમલીકરણ વિનંતીઓ અમારા સહાયતા કેન્દ્ર દ્વારા દાખલ કરવી.

સંપર્ક માહિતી

અમારું સરનામું અને ફેક્સની વિગતો આ પ્રમાણે છેઃ

Twitter, ઇન્ક.
c/o વિશ્વાસ અને સલામતી - કાયદાકીય નીતિ
1355, માર્કેટ સ્ટ્રીટ, સ્યૂટ 900
સાન ફ્રાન્સિસ્કો, સીએ 94103
ફેક્સઃ 1-415-222-9958 (ધ્યાન આપો: વિશ્વાસ અને સલામતી - કાયદાકીય નીતિ)

Twitter આંતરરાષ્ટ્રીય કંપની
c/o વિશ્વાસ અને સલામતી - કાયદાકીય નીતિ
વન કમ્બરલેન્ડ પ્લેસ
ફેનિઅન સ્ટ્રીટ
ડબલીન 2
D02 AX07
આયર્લેન્ડ

ફેક્સઃ 1-415-222-9958 (ધ્યાન આપો: વિશ્વાસ અને સલામતી - કાયદાકીય નીતિ)

આમાંથી કોઈપણ માધ્યમથી પત્રવ્યવહારની પ્રાપ્તિ માત્ર સુવિધા માટે છે અને અધિકારક્ષેત્ર અથવા યોગ્ય સેવાની અભાવ સહિત કોઈપણ વાંધામાંથી મુક્તિ નથી.

Bookmark or share this article