goglobalwithtwitterbanner

દ્વેષપૂર્ણ આચરણ અંગેની નીતિ

દ્વેષપૂર્ણ આચરણ: તમે જાતિ, વંશીયતા, રાષ્ટ્રીય મૂળ, વર્ણ, જાતીય અભિગમ, લિંગ, લિંગ ઓળખ, ધાર્મિક જોડાણ, ઉંમર, અપંગતા અથવા ગંભીર રોગના આધારે અન્ય લોકો પ્રતિ થતી હિંસાને પ્રોત્સાહન આપી શકશો નહીં અથવા તેમના પર સીધો હુમલો કરી શકશો નહીં કે ધમકી આપી શકશો નહીં. અમે એવા એકાઉન્ટ્સને પણ મંજૂરી આપતા નથી કે જેનો મુખ્ય ઉદ્દેશ્ય આ શ્રેણીઓના આધારે અન્ય લોકોને હાનિ પહોંચાડવા ઉત્તેજના ફેલાવવાનો હોય.

દ્વેષપૂર્ણ છબીઓ અને પ્રદર્શન નામો: તમે તમારી પ્રોફાઈલ છબી અથવા પ્રોફાઈલ શીર્ષકમાં દ્વેષપૂર્ણ છબીઓ કે ચિહ્નોનો ઉપયોગ કરી શકશો નહીં. તમે લક્ષિત પજવણી અથવા કોઈ વ્યક્તિ, સમૂહ અથવા સુરક્ષિત શ્રેણી પ્રત્યે દ્વેષભાવ અભિવ્યક્ત કરવા જેવી અપમાનજનક વર્તણૂકમાં જોડાવા માટે પણ તમારા વપરાશકારના નામ, પ્રદર્શન નામ અથવા પ્રોફાઈલના વ્યક્તિગત વર્ણનોનો ઉપયોગ કરી શકશો નહીં. 

તર્કસંગત

Twitterનું ધ્યેય, દરેકને વિચારો અને માહિતી બનાવવાની અને શેર કરવાની તથા અવરોધો વિના તેમના મંતવ્યો અને માન્યતાઓ અભિવ્યક્ત કરવાની સત્તા આપવાનું છે. સ્વતંત્રપણે અભિવ્યક્ત કરવું એ માનવીનો અધિકાર છે - અમારું માનવું છે કે દરેકનું પોતાનું મંતવ્ય હોય છે અને તેમની પાસે તેને વ્યક્ત કરવાનો અધિકાર હોય છે. અમારી ભૂમિકા જાહેર વાર્તાલાપ અંગે સેવા આપવાની છે, જેમાં વિવિધ પ્રકારના દૃષ્ટિકોણનું પ્રતિનિધિત્વ જરૂરી છે. 

અમે સ્વીકારીએ છીએ કે જો લોકો Twitter પર અપમાનજનક વર્તણૂકનો અનુભવ કરે છે, તો તેનાથી પોતાને વ્યક્ત કરવાની તેમની ક્ષમતા જોખમમાં પડી શકે છે. સંશોધન દર્શાવે છે કે લોકોના કેટલાક સમૂહોને ઑનલાઇન અપમાન દ્વારા અપ્રમાણસર રીતે લક્ષ્યાંકિત કરવામાં આવે છે. આમાં સામેલ છે; મહિલાઓ, રંગના લોકો, લેસ્બિયન, ગે, બાઇસેક્સ્યુઅલ, ટ્રાન્સજેન્ડર, ક્વિઅર, ઇન્ટરસેક્સ, અજાતીય વ્યક્તિઓ, હાંસિયામાં ધકેલાયેલા અને ઐતિહાસિક રીતે જેમનું અલ્પ માત્રામાં પ્રતિનિધિત્વ થયું હોય એવા સમુદાયો. જેઓ બહુવિધ અલ્પ માત્રામાં પ્રતિનિધિત્વ ધરાવતા સમૂહોમાંથી આવતા હોય તેવા લોકો માટે અપમાનો અતિસામાન્ય, વધુ ગંભીર પ્રકૃતિના અને વધુ હાનિકારક હોઈ શકે છે.

અમે દ્વેષ, પૂર્વગ્રહ અથવા અસહિષ્ણુતાથી પ્રેરિત અપમાનોનો સામનો કરવા માટે પ્રતિબદ્ધ છીએ, ખાસ કરીને અપમાનો જે ઐતિહાસિક રીતે હાંસિયામાં ધકેલાયેલા લોકોના અવાજોને ચૂપ કરવા માંગે છે. આ કારણસર, અમે એવી વર્તણૂકને પ્રતિબંધિત કરીએ છીએ જે અપમાનો દ્વારા સુરક્ષિત શ્રેણીના આધારે વ્યક્તિઓને નિશાન બનાવે છે.  

જો તમને Twitter પર એવું કંઈક જોવા મળે જે તમે માનો છો કે અમારી દ્વેષપૂર્ણ આચરણ અંગેની નીતિનું ઉલ્લંઘન કરે છે, તો કૃપા કરીને અમને તેની જાણ કરો.

આ ક્યારે લાગુ પડે છે 

અમે એવા એકાઉન્ટ્સના રિપોર્ટ્સની સમીક્ષા કરીશું અને તેની સામે પગલાં લઈશું કે જે નીચેની કોઈપણ વર્તણૂકથી કોઈ વ્યક્તિ અથવા લોકોના સમૂહને લક્ષ્યાંકિત કરી રહ્યા હોય, પછી ભલે તે ટ્વીટ્સમાં હોય કે સીધા સંદેશામાં હોય. 

હિંસક ધમકીઓ
અમે એવી સામગ્રીને પ્રતિબંધિત કરીએ છીએ જે ઓળખી શકાય તેવા લક્ષ્ય વિરુદ્ધ હિંસક ધમકીઓ આપે છે. હિંસક ધમકીઓ એ ઇજાઓ પહોંચાડવાના ઇરાદાના ઘોષણાત્મક નિવેદનો છે જે ગંભીર અને કાયમી શારીરિક હાનિમાં પરિણમશે, જ્યાં કોઈ વ્યક્તિ મૃત્યુ પામી શકે છે અથવા નોંધપાત્ર રીતે ઘાયલ થઈ શકે છે, દા.ત., "હું તમને મારી નાંખીશ."

નોંધ: અમે હિંસક ધમકીઓ વિરુદ્ધ શૂન્ય સહનશીલતાની નીતિ ધરાવીએ છીએ. હિંસક ધમકીઓ શેર કરતા માનવામાં આવતા લોકોને તેમના એકાઉન્ટને તાત્કાલિક અને કાયમી રદ બાતલ કરવાનો સામનો કરવો પડશે. 

કોઈ વ્યક્તિ અથવા લોકોના સમૂહને ગંભીર હાનિ પહોંચાડવાની ઇચ્છા રાખવી, આશા અથવા માંગ કરવી
અમે એવી સામગ્રીને પ્રતિબંધિત કરીએ છીએ કે જે સંપૂર્ણ સુરક્ષિત શ્રેણી અને/અથવા જે-તે શ્રેણીના સભ્ય હોઈ શકે એવી વ્યક્તિઓના મૃત્યુ થવાની, ગંભીર શારીરિક હાનિ પહોંચાડવાની અથવા ગંભીર બીમારી થવાની ઇચ્છા ધરાવતી હોય, આશા કરતી હોય, પ્રોત્સાહન આપતી હોય, ઉત્તેજિત કરતી હોય અથવા તેવી અભિલાષા વ્યક્ત કરતી હોય. આમાં અહીં આપેલી બાબતો સમાવિષ્ટ છે, પરંતુ તેના પૂરતી તે મર્યાદિત નથી: 

  • એવી આશા કરતી હોય કે સંપૂર્ણ સુરક્ષિત શ્રેણી અને/અથવા જે-તે શ્રેણીના સભ્ય હોઈ શકે એવી વ્યક્તિઓ એક ગંભીર બીમારીને કારણે મૃત્યુ પામે દા.ત., “હું આશા રાખું છું કે તમામ [nationality]ના લોકોને COVID થાય અને તેમનું મૃત્યુ થાય.”
  • કોઈ વ્યક્તિ ગંભીર અકસ્માતનો ભોગ બને એવી ઇચ્છા ધરાવતી હોય, દા.ત., “હું ઇચ્છું છું કે હવે આગલીવાર જ્યારે તમે તમારું મોઢું ખોલો ત્યારે તમારા પર એક કાર ફરી વળે.”
  • એમ કહેવું કે લોકોનો એક સમૂહ ગંભીર શારીરિક ઇજા ભોગવવાને લાયક છે દા.ત., “જો [slur]નો આ સમૂહ ચૂપ ના થાય તો, તેમને ગોળી મારી દેવામાં આવવી જોઈએ.”
  • અન્ય લોકોને સુરક્ષિત શ્રેણીમાં કોઈ વ્યક્તિ અથવા સમૂહની કથિત સભ્યપદના આધારે તેમના વિરુદ્ધ હિંસા કરવા પ્રોત્સાહિત કરવા, દા.ત., "હું [racial slur]ને મુક્કો મારવાના મૂડમાં છું, મારી સાથે કોણ છે?"

સામૂહિક હત્યા, હિંસક ઘટનાઓ અથવા હિંસાના ચોક્કસ માધ્યમો કે જ્યાં સુરક્ષિત સમૂહોને પ્રાથમિક રીતે લક્ષ્ય બનાવવામાં આવ્યા હોય અથવા તેઓ જેના ભોગ બન્યા હોય, તેના સંદર્ભો
અમે જ્યાં સુરક્ષિત શ્રેણી પ્રાથમિક લક્ષ્ય અથવા ભોગ બની હતી, જ્યાં પજવણી કરવાનો ઇરાદો હોય એવી હિંસા અથવા હિંસક ઘટનાઓના સ્વરૂપોનો ઉલ્લેખ કરતી સામગ્રી દ્વારા વ્યક્તિઓ અથવા સમૂહોને લક્ષિત કરવાને પ્રતિબંધિત કરીએ છીએ. આમાં નીચેની બાબતોનો સંદર્ભ આપતા કે તેનું નિરૂપણ કરતા મીડિયા અથવા ટેક્સ્ટ સમાવિષ્ટ છે, પરંતુ તેના પૂરતી તે મર્યાદિત નથી:

  • નરસંહાર (દા.ત., ખૂનરેજી);
  • ઉશ્કેરાયેલા ટોળા દ્વારા ફાંસી દેવી.

સુરક્ષિત શ્રેણીઓની વિરુદ્ધ ઉશ્કેરણી

અમે એવી ઉશ્કેરણીજનક વર્તણૂકને પ્રતિબંધિત કરીએ છીએ જે સુરક્ષિત શ્રેણીઓની વ્યક્તિઓને અથવા લોકોના સમૂહોને લક્ષ્ય બનાવે છે. આમાં આ હેતુ ધરાવતી સામગ્રીનો સમાવેશ થાય છેઃ

  • સુરક્ષિત શ્રેણી વિશે ભય ભડકાવવા અથવા ભયભીત રૂઢિચુસ્ત ધારણાઓ ફેલાવવા માટેની સામગ્રી, જેમાં એ ભારપૂર્વક કહેવું પણ સામેલ છે કે સુરક્ષિત શ્રેણીના સભ્યો જોખમી અથવા ગેરકાયદેસર પ્રવૃત્તિઓમાં ભાગ લે તેની સંભાવના વધારે છે, દા.ત., "તમામ [religious group] આતંકવાદી છે."
  • પ્લેટફોર્મ પર અથવા તેની બહાર સુરક્ષિત શ્રેણીના સભ્યોની પજવણી કરવા માટે અન્ય લોકોને ઉશ્કેરવા માટેની સામગ્રી, દા.ત., "હું આ [religious group]ની એ માન્યતાથી કંટાળી ગયો/ગઈ છું કે તેઓ આપણા કરતાં વધુ સારા છે, જો તમારામાંથી કોઈ બીજી કોઈ વ્યક્તિને [religious symbol of the religious group] પહેરેલું જુઓ છો, તો તેને પકડી લો અને ચિત્રો પોસ્ટ કરો!"
  • સુરક્ષિત શ્રેણીમાં સભ્યપદને કારણે વ્યક્તિ અથવા સમૂહના આર્થિક સાહસને સમર્થન ન આપવાના સ્વરૂપમાં ભેદભાવ કરવા માટે અન્ય લોકોને ઉશ્કેરવા માટેની સામગ્રી, દા.ત., "જો તમે [religious group]ના સ્ટોરમાં જાઓ છો, તો તમે તે [slur]ને સમર્થન આપી રહ્યા છો, ચાલો આ [religious slur]ને આપણા પૈસા આપવાનું બંધ કરીએ." આમાં રાજકીય પ્રકૃતિ હેતુસરની સામગ્રી, જેમ કે રાજકીય ટિપ્પણી અથવા બહિષ્કાર કે વિરોધોને લગતી સામગ્રીનો સમાવેશ ન થઈ શકે.

નોંધ લો કે સુરક્ષિત શ્રેણી વિરુદ્ધ હિંસા ભડકાવવાનો ઇરાદો ધરાવતી સામગ્રી કોઈ વ્યક્તિ અથવા લોકોના સમૂહોને ગંભીર હાનિ પહોંચાડવાની ઇચ્છા રાખવી, આશા અથવા માંગ કરવા હેઠળ પ્રતિબંધિત છે.

અમે સુરક્ષિત શ્રેણી વિશે ભય ભડકાવવા અથવા ભયભીત રૂઢિચુસ્ત ધારણાઓ ફેલાવવાના હેતુથી સામગ્રી દ્વારા વ્યક્તિઓ અને સમૂહોને લક્ષિત બનાવવાને પ્રતિબંધિત કરીએ છીએે, જેમાં એ ભારપૂર્વક કહેવું પણ સામેલ છે કે સુરક્ષિત શ્રેણીના સભ્યો જોખમી અથવા ગેરકાયદેસર પ્રવૃત્તિઓમાં ભાગ લે તેની સંભાવના વધારે છે, દા.ત., "તમામ [religious group] આતંકવાદી છે." 

વારંવાર અને/અથવા બિન-સહમતિજન્ય આડકતરા સૂચનોવાળા શબ્દો, નામ કે ઉપાધિ આપતી, જાતિવાદી અને લૈંગિકવાદી શબ્દાલંકારવાળી અથવા અન્ય સામગ્રી જે બીજાને નીચે ઉતારી પાડતી હોય
અમે વારંવાર આડકતરા સૂચનોવાળા શબ્દો, શબ્દાલંકારવાળી અથવા અન્ય સામગ્રી દ્વારા વ્યક્તિઓને લક્ષિત બનાવવાને પ્રતિબંધિત કરીએ છીએ કે જે સુરક્ષિત શ્રેણીને અમાનવીય બનાવવા, તેને નીચે ઉતારી પાડવા અથવા તેના વિશેની નકારાત્મક અથવા હાનિકારક રૂઢિચુસ્ત ધારણાઓને મજબૂત કરવાનો ઇરાદો ધરાવતી હોય. આમાં ટ્રાન્સજેન્ડર વ્યક્તિઓને લક્ષ્ય બનાવીને ખોટી રીતે લૈંગિક કરવું અથવા તેમના જન્મ સમયનું નામ લેવું શામેલ છે. 

અમે લોકોના સમૂહના ધર્મ, વર્ણ, ઉંમર, અપંગતા, ગંભીર રોગ, રાષ્ટ્રીય મૂળ, જાતિ અથવા વંશીયતાના આધારે તેમને અમાનવીય બનાવવાને પણ પ્રતિબંધિત કરીએ છીએ.

દ્વેષપૂર્ણ છબીઓ

અમે એવા લૉગો, પ્રતીકો અથવા છબીઓને દ્વેષપૂર્ણ છબીઓ તરીકે માનીએ છીએ જેનો હેતુ અન્ય લોકોની જાતિ, ધર્મ, અપંગતા, જાતીય અભિગમ, લિંગ ઓળખ અથવા વંશીયતા/રાષ્ટ્રીય મૂળના આધારે તેમની વિરુદ્ધ દુશ્મનાવટ અને દુષ્ટતાને પ્રોત્સાહન આપવાનો છે. દ્વેષપૂર્ણ છબીઓમાં નીચેની સમાવિષ્ટ છે, પરંતુ તેના પૂરતી તે મર્યાદિત નથી:

  • ઐતિહાસિક રીતે દ્વેષપૂર્ણ સમૂહો સાથે સંકળાયેલા પ્રતીકો, દા.ત., નાઝીનું સ્વસ્તિક;
  • અન્ય લોકોનું મનુષ્ય કરતાં ઓછા રૂપે નિરૂપણ કરતી છબીઓ અથવા દ્વેષપૂર્ણ પ્રતીકોનો સમાવેશ કરવા માટે બદલવામાં આવેલી છબીઓ, દા.ત., પાશવી વૃત્તિઓ દર્શાવવા માટે ફેરફાર કરેલી વ્યક્તિઓની છબીઓ; અથવા
  • દ્વેષપૂર્ણ ચિહ્નો અથવા સુરક્ષિત શ્રેણીઓને લક્ષિત બનાવેલ સામૂહિક હત્યાનો સંદર્ભ સામેલ કરવા બદલવામાં આવેલી છબીઓ, દા.ત., ખૂનરેજીના સંદર્ભમાં, ડેવિડ બેજના પીળા રંગના સ્ટારને સામેલ કરવા ચેડાં કરેલી વ્યક્તિઓની છબીઓ.

લાઈવ વિડિયો, એકાઉન્ટના વ્યક્તિગત વર્ણન, પ્રોફાઈલ અથવા હેડર છબીઓમાં દ્વેષપૂર્ણ છબીઓનું નિરૂપણ કરતા મીડિયાની પરવાનગી નથી. અન્ય તમામ દાખલાઓને સંવેદનશીલ મીડિયા તરીકે ચિહ્નિત કરવામાં આવવા જોઈએ. વધુમાં, વ્યક્તિગત અવાંછિત દ્વેષપૂર્ણ છબીઓ મોકલવી એ અમારી અપમાનજનક વર્તણૂક અંગેની નીતિનું ઉલ્લંઘન છે. 

આ સામગ્રી Twitterના નિયમોના ઉલ્લંઘન અંતર્ગત આવે તે માટે શું મારે આ સામગ્રીની લક્ષિત વ્યક્તિ હોવું જરૂરી છે?

કેટલીક ટ્વીટસ જ્યારે અલગ પાડીને જોવામાં આવે ત્યારે દ્વેષપૂર્ણ લાગતી હોઈ શકે છે, પરંતુ મોટા વાર્તાલાપના સંદર્ભમાં જોવામાં આવે ત્યારે તેમ ન હોય તેવું બની શકે છે. ઉદાહરણ તરીકે, સુરક્ષિત શ્રેણીના સભ્યો એવા શબ્દોનો ઉપયોગ કરીને એકબીજાનો સંદર્ભ આપી શકે છે કે જે સામાન્ય રીતે સ્લર્સ તરીકે માનવામાં આવતા હોય. જ્યારે સંમતિથી તેનો ઉપયોગ કરવામાં આવે છે, ત્યારે આ શબ્દો પાછળનો ઇરાદો અપમાનજનક નથી હોતો, પરંતુ વ્યક્તિઓને નીચે ઉતારી પાડવા ઐતિહાસિક રૂપે ઉપયોગમાં લેવાયેલા શબ્દોને નવેસરથી મેળવવાના માધ્યમો હોય છે.  

જ્યારે અમે આ પ્રકારની સામગ્રીની સમીક્ષા કરીએ છીએ ત્યારે એ સ્પષ્ટ ન પણ હોઈ શકે કે તે કોઈ વ્યક્તિનું તેમના સુરક્ષિત દરજ્જાના આધારે અપમાન કરવાના હેતુસર છે અથવા તો તે સંમતિપૂર્ણ વાર્તાલાપના એક ભાગરૂપે છે. અમારી ટીમને સંદર્ભ સમજવામાં મદદ મળી રહે તે માટે, અમારે કેટલીક વાર સીધા લક્ષ્યાંક્તિ કરવામાં આવી રહેલી વ્યક્તિ સાથે જ વાત કરવાની જરૂર પડે છે, જેથી કરીને એ સુનિશ્ચિત કરી શકાય કે અમલીકરણ સંબંધી કોઈપણ પગલું લેતા પહેલાં અમારી પાસે જોઈતી માહિતી છે.

નોંધ: અમે પગલાં લઈએ તે માટે જે-તે વ્યક્તિઓ કોઈ ચોક્કસ સુરક્ષિત શ્રેણીના સભ્ય હોય તે જરૂરી નથી. અમે લોકોને કોઈ સુરક્ષિત શ્રેણીમાં સભ્યપદ સાબિત કરવા અથવા ખોટું ઠેરવવા ક્યારેય કહીશું નહીં અને અમે આ માહિતીની તપાસ કરીશું નહીં. 

પરિણામો

આ નીતિ હેઠળ, અમે એવી વર્તણૂક સામે પગલાં લઈએ છીએ જે વ્યક્તિઓ અથવા સંપૂર્ણ સુરક્ષિત શ્રેણીને ઉપર વર્ણવ્યા મુજબ દ્વેષપૂર્ણ આચરણ દ્વારા લક્ષ્ય બનાવે છે. આ લક્ષ્યીકરણ ઘણા પ્રકારે થઈ શકે છે, ઉદાહરણ તરીકે, ઉલ્લેખો, કોઈ વ્યક્તિનો ફોટો સામેલ કરવો, કોઈનો તેમના પૂરા નામથી ઉલ્લેખ કરવો વગેરે.

આ નીતિનું ઉલ્લંઘન કરવા માટેના દંડને નિર્ધારિત કરતી વખતે, અમે ઘણાં બધાં પરિબળોને ધ્યાનમાં લઈએ છીએ, જેમાં ઉલ્લંઘનની ગંભીરતા અને તે વ્યક્તિનો નિયમના ઉલ્લંઘનોનો અગાઉનો રેકોર્ડ સમાવિષ્ટ છે, પરંતુ તેના પૂરતા તે મર્યાદિત નથી. ઉદાહરણ તરીકે, અમે કોઈ વ્યક્તિને ઉલ્લંઘનવાળી સામગ્રી દૂર કરવાનું કહી શકીએ છીએ અને તેઓ ફરી ટ્વીટ કરી શકે તે પહેલાં તેમને થોડા સમય માટે માત્ર વાંચનલક્ષી મોડ જ આપી શકીએ છીએ. અનુગામી ઉલ્લંઘનોને કારણે માત્ર વાંચનલક્ષીનો સમયગાળો વધુ લાંબો થશે અને અંતે એકાઉન્ટનું કાયમી રદ બાતલ કરવામાં આવી શકે છે. જો કોઈ એકાઉન્ટ મુખ્યત્વે અપમાનજનક વર્તણૂકમાં જોડાઈ રહ્યું હોય અથવા તેણે હિંસક ધમકી શેર કરી હોવાનું માનવામાં આવે છે તો, તેવા એકાઉન્ટને અમે શરૂઆતી સમીક્ષા થવા પર કાયમી ધોરણે રદ બાતલ કરીશું. 

અમારી અમલીકરણના વિકલ્પોની શ્રેણી વિશે વધુ જાણો. 

જો કોઈને લાગતું હોય કે તેમનું એકાઉન્ટ ભૂલથી રદ બાતલ કરવામાં આવ્યું હતું, તો તેઓ અપીલ સબમિટ કરી શકે છે.

આ લેખ બુકમાર્ક કરો અથવા શેર કરો

શું આ લેખ મદદરૂપ હતો?

પ્રતિભાવ બદલ આપનો આભાર. અમે મદદ કરી શક્યા તેની અમને ખરેખર ખુશી છે!

પ્રતિભાવ બદલ આપનો આભાર. અમે કેવી રીતે આ લેખ સુધારી શકીએ છીએ?

પ્રતિભાવ બદલ આપનો આભાર. તમારી ટિપ્પણીઓ ભવિષ્યમાં અમારા લેખમાં સુધારો લાવવા માટે અમને મદદરૂપ થશે.