goglobalwithtwitterbanner

અપમાનજનક વર્તણૂક

Twitterના નિયમો: તમે કોઈ વ્યક્તિની લક્ષિત પજવણી કરવામાં જોડાઈ શકશો નહીં અથવા અન્ય લોકોને આમ કરવા માટે ઉત્તેજન આપી શકશો નહીં. અમે અપમાનજનક વર્તણૂકને અન્ય કોઈની પજવણી કરવા, તેમને ધમકાવવા અથવા તેમનો અવાજ દબાવી દેવાના પ્રયાસ તરીકે ગણીએ છીએ. 

તર્કસંગત

Twitter પર, તમારા અનોખા દૃષ્ટિકોણને અભિવ્યક્ત કરવામાં તમે સલામતી અનુભવો તે જરૂરી છે. અમે અભિવ્યક્તિની આઝાદી અને નિખાલસ વાતચીતમાં માનીએ છીએ, પરંતુ જો લોકો પોતાનો મંતવ્ય આપવાથી ગભરાતા હોય તેના કારણે અવાજો દબાવી દેવામાં આવ્યા હોય તો મૂળભૂત ફિલસૂફી તરીકે તેનું મહત્ત્વ બહુ ઓછું થઈ જાય છે. 

પ્લેટફોર્મ પર નિખાલસ વાતચીતની સગવડતા પૂરી પાડવા અને લોકોને વૈવિધ્યસભર મંતવ્યો તથા માન્યતાઓને અભિવ્યક્ત કરવામાં સશક્ત બનાવવા માટે, અમે એવી વર્તણૂકને પ્રતિબંધિત કરીએ છીએ કે જેનાથી અન્યોની પજવણી કરવામાં અથવા ધમકાવવામાં આવે, અથવા અન્યથા જે અન્યોને લજ્જિત કરવા કે નીચા બતાવવાના હેતુસર થતી હોય છે. લોકોની સલામતી સામે જોખમો ઊભા કરવા ઉપરાંત, અપમાનજનક વર્તણૂક પ્રભાવિત લોકોમાં શારીરિક અને ભાવનાત્મક મુશ્કેલીઓ પણ પેદા કરી શકે છે. 

નીતિ વિકાસ અને અમારી અમલીકરણ ફિલસૂફી સંબંધી અમારા અભિગમ વિશે વધુ જાણો.

આ ક્યારે લાગુ પડે છે 

કેટલીક ટ્વીટસ જ્યારે અલગ પાડીને જોવામાં આવે ત્યારે અપમાનજનક લાગતી હોઈ શકે છે, પરંતુ મોટા વાર્તાલાપના સંદર્ભમાં જોવામાં આવે ત્યારે તેમ ન હોય તેવું બની શકે છે. જ્યારે અમે આ પ્રકારની સામગ્રીની સમીક્ષા કરીએ છીએ ત્યારે એ સ્પષ્ટ ન પણ હોઈ શકે કે તે કોઈ વ્યક્તિની પજવણી કરવાના હેતુસર છે અથવા તો તે સંમતિપૂર્ણ વાર્તાલાપના એક ભાગરૂપે છે. અમારી ટીમને વાર્તાલાપનો સંદર્ભ સમજવામાં મદદ મળી રહે તે માટે, અમારે સીધા લક્ષ્યાંક્તિ કરવામાં આવી રહેલી વ્યક્તિ સાથે જ વાત કરવાની જરૂર પડી શકે છે, જેથી કરીને એ સુનિશ્ચિત કરી શકાય કે અમલીકરણ સંબંધી કોઈપણ પગલું લેતા પહેલાં અમારી પાસે જોઈતી માહિતી છે.

અમે એવા એકાઉન્ટ્સના રિપોર્ટ્સની સમીક્ષા કરીશું અને તેની સામે પગલાં લઈશું કે જે ટ્વીટ્સ અથવા સીધા સંદેશામાં નીચેની કોઈપણ વર્તણૂકથી કોઈ વ્યક્તિ અથવા લોકોના સમૂહને લક્ષ્યાંકિત કરી રહ્યા હોય. એવા એકાઉન્ટ્સ બાબતે જાણવા માટે કે જે તેની પ્રોફાઈલ પર અપમાનજનક વર્તણૂકમાં જોડાતા હોય, કૃપા કરીને અમારી અપમાનજનક પ્રોફાઈલ સંબંધી નીતિનો સંદર્ભ લો. એવી વર્તણૂક કે જે લોકોને તેમની જાતિ, વંશીયતા, રાષ્ટ્રીય મૂળ, જાતીય અભિગમ, લિંગ, લિંગ ઓળખ, ધાર્મિક જોડાણ, ઉંમર, અપંગતા અથવા ગંભીર રોગના આધારે લક્ષ્ય બનાવી રહી હોય, આ અમારી દ્વેષપૂર્ણ આચરણ અંગેની નીતિના ઉલ્લંઘનમાં હોઈ શકે છે.


કોઈ વ્યક્તિ અથવા લોકોના સમૂહને ગંભીર હાનિ પહોંચાડવાની ઇચ્છા રાખવી, આશા અથવા માંગ કરવી

અમે એવી સામગ્રીને સાંખી લેતા નથી, જે કોઈ વ્યક્તિ અથવા લોકોના સમૂહના મૃત્યુ થવાની, ગંભીર શારીરિક હાનિ પહોંચાડવાની અથવા ગંભીર બીમારી થવાની ઇચ્છા ધરાવતી હોય, આશા કરતી હોય, પ્રોત્સાહન આપતી હોય, ઉત્તેજિત કરતી હોય અથવા તેવી અભિલાષા વ્યક્ત કરતી હોય. આમાં અહીં આપેલી બાબતો સમાવિષ્ટ છે, પરંતુ તેના પૂરતી તે મર્યાદિત નથી: 

  • એવી આશા કરતી હોય કે કોઈ વ્યક્તિ એક ગંભીર બીમારીને કારણે મૃત્યુ પામે દા.ત., “હું આશા રાખું છું કે તમને કેન્સર થાય અને તમારું મૃત્યુ થાય.”
  • કોઈ વ્યક્તિ ગંભીર અકસ્માતનો ભોગ બને એવી ઇચ્છા ધરાવતી હોય દા.ત., “હું ઇચ્છું છું કે હવે આગલીવાર જ્યારે તમે તમારું મોઢું ખોલો ત્યારે તમારા પર એક કાર ફરી વળે.”
  • એમ કહેવું કે લોકોનો એક સમૂહ ગંભીર શારીરિક ઇજા ભોગવવાને લાયક છે દા.ત., “જો વિરોધીઓનો આ સમૂહ ચૂપ ના થાય તો, તેમને ગોળી મારી દેવામાં આવવી જોઈએ.”

Twitter પર હાનિ પહોંચાડવાની ઇચ્છાઓ સંબંધી અપવાદો વિશે

અમે સમજીએ છીએ કે અમુક ચોક્કસ વ્યક્તિઓ કે જેના પર ગંભીર હિંસાનો વિશ્વસનીય રીતે આરોપ લગાવવામાં આવ્યો હોય તેનાથી સંબંધિત વાર્તાલાપો આક્રોશ અને તેની સાથે સંકળાયેલી હાનિ પહોંચાડવાની ઇચ્છાઓ પ્રેરિત કરી શકે છે. આ મર્યાદિત કેસોમાં, અમે વપરાશકારને એકાઉન્ટ સંબંધી દંડ થવાના, બંધ થવાના અથવા સ્થગિત થવાના કોઈ જોખમ વિના તે ટ્વીટને કાઢી નાખવાની વિનંતી કરીશું. જેના ઉદાહરણો આ મુજબ છે, પરંતુ તેના પૂરતા તે મર્યાદિત નથી:

  •  “હું ઇચ્છું છું કે બધા બળાત્કારીઓ મરી જાય.” 
  • “બાળકનું શોષણ કરનારા લોકોને ફાંસીએ લટકાવી દેવા જોઈએ.”

અનિચ્છનીય જાતીય ગેરલાભો

Twitter પર કેટલીક સંમતિપૂર્ણ નગ્નતા અને વયસ્કો માટેની સામગ્રીની પરવાનગી આપવામાં આવતી હોવા છતાં, અમે એવા અનિચ્છનીય જાતીય ગેરલાભો અને સામગ્રીને પ્રતિબંધિત કરીએ છીએ જે કોઈ વ્યક્તિ માટે તેમની સંમતિ વિના જાતીય રીતે વાંધાજનક હોય. આમાં અહીં આપેલી બાબતો સમાવિષ્ટ છે, પરંતુ તેના પૂરતી તે મર્યાદિત નથી:

  • કોઈ વ્યક્તિને અવાંછિત અને/અથવા અનિચ્છનીય વયસ્કોને માટેનો મીડિયા મોકલવો, જેમાં છબીઓ, વિડિયો અને GIF સમાવિષ્ટ છે; 
  • કોઈ વ્યક્તિના શરીર વિશે અનિચ્છનીય જાતીય રૂપથી ચર્ચા કરવી; 
  • જાતીય કૃત્યો માટે આગ્રહ કરવો અને 
  • એવી અન્ય કોઈપણ સામગ્રી જે અન્યથા કોઈ વ્યક્તિની સંમતિ વિના તેનું જાતીયકરણ કરે. 

પજવણી કરવા અથવા ધમકાવવાના ઉદ્દેશ સાથે અનાદર કરતા આક્રમક શબ્દોનો ઉપયોગ કરવો

અમે એવા અનાદર કરતા વધુ પડતા આક્રમક શબ્દોના ઉપયોગ સામે પગલાં લઈએ છીએ કે જે કોઈ વ્યક્તિને લક્ષ્યાંકિત કરે, જેમાં સ્લર્સ અથવા તેના જેવી ભાષાને સમાવતી સામગ્રીનો સમાવેશ થાય છે. કૃપા કરીને એ બાબતની પણ નોંધ કરશો કે અમુક લોકોને અમુક શબ્દો અપમાનજનક લાગતા હોવા છતાં, અમે એવી દરેક ઘટનાઓ સામે પગલાં લઈશું નહીં જ્યાં અપમાનજનક શબ્દોનો ઉપયોગ કરવામાં આવ્યો હોય. 


કોઈ વ્યક્તિ અથવા લોકોના સમૂહને પજવવા માટે અન્ય લોકોને પ્રોત્સાહિત કરવા અથવા બોલાવવા

અમે એવી વર્તણૂકને પ્રતિબંધિત કરીએ છીએ જે અન્ય લોકોને અપમાનજનક વર્તણૂક વડે કોઈ ચોક્કસ વ્યક્તિઓ અથવા સમૂહોની પજવણી કરવા અથવા લક્ષ્યાંકિત કરવા માટે પ્રોત્સાહિત કરે. આમાં અહીં આપેલી બાબતો સમાવિષ્ટ છે, પરંતુ તેના પૂરતી તે મર્યાદિત નથી; ઑનલાઇન અપમાન અથવા પજવણી દ્વારા લક્ષ્યાંકિત કરવા લોકોને બોલાવવા અને શારીરિક પજવણી જેવા ઑફલાઇન કૃત્યની વિનંતી કરે તેવી વર્તણૂક. 


આ સામગ્રીની Twitterના નિયમોનું ઉલ્લંઘન કરવા બાબતે સમીક્ષા કરવામાં આવે તે માટે શું મારે આ સામગ્રીની લક્ષિત વ્યક્તિ હોવું જરૂરી છે?

નહીં, આવી સામગ્રી પર અમે મુખ્ય વ્યક્તિ અને જોનાર વ્યક્તિ બન્ને દ્વારા જાણ કરવામાં આવતા તેની સમીક્ષા કરીએ છીએ.


પરિણામો

આ નીતિનું ઉલ્લંઘન કરવા માટેના દંડને નિર્ધારિત કરતી વખતે, અમે ઘણાં બધાં પરિબળોને ધ્યાનમાં લઈએ છીએ, જેમાં ઉલ્લંઘનની ગંભીરતા અને તે વ્યક્તિનો નિયમના ઉલ્લંઘનોનો અગાઉનો રેકોર્ડ સમાવિષ્ટ છે, પરંતુ તેના પૂરતા તે મર્યાદિત નથી. 

ઉદાહરણ તરીકે, અમે કોઈ વ્યક્તિને ઉલ્લંઘનવાળી સામગ્રી દૂર કરવાનું કહી શકીએ છીએ અને તેઓ ફરી ટ્વીટ કરી શકે તે પહેલાં તેમને થોડા સમય માટે માત્ર વાંચનલક્ષી મોડ જ આપી શકીએ છીએ. અનુગામી ઉલ્લંઘનો માટે માત્ર વાંચનલક્ષીનો સમયગાળો વધુ લાંબો હશે અને અંતે તેને કાયમી રદ બાતલ કરવામાં આવી શકે છે. જો કોઈ એકાઉન્ટ મુખ્યત્વે અપમાનજનક વર્તણૂકમાં જોડાઈ રહ્યું હોય તો, તેવા એકાઉન્ટને અમે શરૂઆતી સમીક્ષા થવા પર કાયમી ધોરણે રદ બાતલ કરી શકીએ છીએ. 

અમારી અમલીકરણના વિકલ્પોની શ્રેણી વિશે વધુ જાણો. 

 

આ લેખ બુકમાર્ક કરો અથવા શેર કરો

શું આ લેખ મદદરૂપ હતો?

પ્રતિભાવ બદલ આપનો આભાર. અમે મદદ કરી શક્યા તેની અમને ખરેખર ખુશી છે!

પ્રતિભાવ બદલ આપનો આભાર. અમે કેવી રીતે આ લેખ સુધારી શકીએ છીએ?

પ્રતિભાવ બદલ આપનો આભાર. તમારી ટિપ્પણીઓ ભવિષ્યમાં અમારા લેખમાં સુધારો લાવવા માટે અમને મદદરૂપ થશે.