Mag-ulat ng mga paglabag

Paano mag-ulat ng partikular na content sa isang Sandali
 

Paano mag-ulat ng Tweet sa isang Sandali para sa mga paglabag:

1. Mag-navigate papunta sa Tweet na nasa Sandali na gusto mong iulat. 
2. I-click o i-tap ang icon na .
3. I-click o i-tap ang Iulat ang Tweet.
4. Piliin ang uri ng isyu na gusto mong iulat sa amin.
5. Kapag naisumite mo na ang iyong ulat, magbibigay kami ng mga rekomendasyon para sa mga pagkilos na puwede mong gawin para mas mapaganda ang iyong karanasan sa Twitter.
    

Paano mag-ulat ng Mga Sandali para sa mga paglabag:

Depende sa uri ng paglabag na iniuulat mo, maraming paraan para mag-ulat ng Sandali. Nasa ibaba ang isang listahan ng mga uri ng mga paglabag na posible mong makita:

• Paglabag sa pag-post ng pribadong impormasyon
• Pang-aabuso
• Mapoot na asal
• Mararahas na banta
• Pananakit sa sarili

Kapag natukoy mo na ang uri ng paglabag na kailangan mong iulat, sundin ang mga tagubilin sa ibaba.

1. Pumili ng isa sa mga form na nakalista sa itaas.
2. Ilagay ang URL ng Sandali na gusto mong iulat.
3. Magbigay sa amin ng hanggang 5 Tweet na nasa Sandali na posibleng nakakalabag.
   
4. Kapag naisumite mo na ang iyong ulat, magbibigay kami ng mga rekomendasyon para sa mga pagkilos na puwede mong gawin para mas mapaganda ang iyong karanasan sa Twitter.

Paano mag-ulat ng Twitter Space o tao sa isang Space

Kung sa tingin mo ay nilalabag ng isang Space o sinumang nasa Space ang Mga Patakaran sa Twitter at mga polisiya, puwede mong iulat ang mga ito. Puwedeng mag-ulat ang mga tagapagsalita at tagapakinig ng Space at anumang account na nasa isang Space. 

Paano mag-ulat ng Space para sa mga paglabag:

1. Habang nasa Space, i-tap ang icon ng overflow .
2. I-tap ang Iulat ang Space na ito.
3. Piliin ang uri ng isyu na gusto mong iulat sa amin.
4. Kapag naiulat mo na ang Space, magkakaroon ka ng opsyong umalis o manatili.
    

Paano mag-ulat ng account para sa mga paglabag:

1. Habang nasa Space, mag-tap sa larawan sa profile ng account.
2. I-tap ang Iulat.
3. Piliin ang uri ng isyu na gusto mong iulat sa amin.
4. Kapag naiulat mo na ang account, magkakaroon ka ng opsyong umalis o manatili sa Space.

Paano mag-ulat ng produkto

Kung sa tingin mo ay nilalabag ng isang produkto mula sa isang merchant na nasa Twitter ang aming Mga Patakaran sa Shopping, puwede mo siyang iulat nang direkta mula sa iyong Twitter para sa iOS o Android na App.

Paano mag-ulat ng produkto mula sa isang Shop Spotlight :

1. Habang nasa profile ng merchant, hanapin ang Shop Spotlight.
2. Piliin ang icon ng higit pa  sa produktong gusto mong iulat.
3. Piliin ang Iulat ang produkto. 
4. Piliin ang Paglabag sa intelektwal na pag-aari kung iniuulat mo ang isang produkto dahil sa mga isyu sa mga karapatan sa intelektwal na pag-aari. Kakailanganin mong ilagay ang ID ng produkto. Puwede ka ring magsumite ng paglabag sa intelektwal na pag-aari nang direkta rito.
   
   Piliin ang Iba pang paglabag kung nag-uulat ka ng produkto para sa ibang dahilan. 
   

Paano mag-ulat ng produkto mula sa isang Twitter Shop:

1. Mula sa Twitter Shop, mag-navigate papunta sa produktong gusto mong iulat. 
2. Pindutin nang matagal ang tile ng produkto hanggang sa lumabas ang button na iulat ang produkto.
3. Piliin ang Iulat ang produkto. 
4. Piliin ang Paglabag sa intelektwal na pag-aari kung iniuulat mo ang isang produkto dahil sa mga isyu sa mga karapatan sa intelektwal na pag-aari. Kakailanganin mong ilagay ang ID ng produkto. Puwede ka ring magsumite ng paglabag sa intelektwal na pag-aari nang direkta rito.
   
   Piliin ang Iba pang paglabag kung nag-uulat ka ng produkto para sa ibang dahilan. 

Paano mag-ulat ng mga partikular na uri ng mga paglabag
 

Binabalangkas ng impormasyon sa ibaba ang mga uri ng mga paglabag na maaari mong iulat sa amin sa pamamagitan ng aming Help Center.

• Walang pahintulot na paggamit ng trademark: Matuto pa tungkol sa patakaran sa trademark ng Twitter at maghain ng ulat dito.
• Walang pahintulot na paggamit ng mga may copyright na materyal: Matuto pa tungkol sa patakaran sa copyright ng Twitter at maghain ng ulat dito.
• Pagbebenta o promosyon ng mga pekeng produkto: Matuto pa tungkol sa patakaran sa mga pekeng produkto ng Twitter at maghain ng ulat dito.
• Patakaran sa pagkapribado hinggil sa mga bata: Ang aming Mga Serbisyo ay hindi para sa mga batang wala pang 13 taong gulang. Kung nalaman mong nakapagbigay sa amin ang iyong anak ng personal na impormasyon nang wala ang pahintulot mo, mangyaring makipag-ugnayan sa amin sa pamamagitan ng aming form sa pagkapribado. Matuto pa tungkol sa aming patakaran hinggil sa mga bata sa aming Patakaran sa Pagkapribado.
• Pang-aabusong sekswal sa bata: Matuto pa tungkol sa aming patakaran sa pang-aabusong sekswal sa bata at maghain ng ulat dito.
• Pornograpiya: Upang mag-ulat ng mga bastos o pornograpikong larawang ginagamit bilang mga larawan sa profile at/o larawan sa header sa Twitter, sundin ang aming mga tagubilin sa pag-uulat ng sensitibong media.
• Pagpapanggap bilang isang indibidwal o brand: Matuto pa tungkol sa aming patakaran sa pagpapanggap at maghain ng ulat dito..
• Pribadong impormasyong naka-post sa Twitter: Matuto pa tungkol sa aming patakaran sa pribadong impormasyon at maghain ng ulat dito.
• Mapang-abusong gawi at mararahas na banta: Matuto pa tungkol sa aming patakaran sa mapang-abusong gawi at maghain ng ulat dito.
• Spam at pang-aabuso sa system: Kung nakakaranas ka ng isyu tungkol sa spam o malware na nakakaapekto sa paggamit mo ng Twitter, maghain ng ulat dito.
• Patakaran sa paglabag ng Mga Ad sa Twitter: Matutunan kung paano kumilala ng Mga Ad sa Twitter at ang mga hakbang na maaari mong gawin upang lumutas ng mga isyu nang hindi naghahain ng ulat. Mag-ulat ng Ad sa Twitter na maaaring lumalabag sa aming mga patakaran.

Paunawa: Kapag nag-uulat ng mga potensyal na paglabag sa Mga Patakaran sa Twitter at Mga Tuntunin ng Serbisyo sa pamamagitan ng Help Center, puwedeng hilingin sa iyo na pahintulutan kaming magbahagi ng ilang parte ng ulat mo sa mga third party, gaya ng apektadong account.

Paano mag-ulat para sa ibang tao
 

Maaari kang mag-ulat ng mga paglabag para sa ibang tao. Sumangguni sa mga kategorya at tagubiling nakalista sa itaas o makipag-ugnayan sa amin upang isumite ang iyong ulat. Maaari ka ring mag-ulat nang direkta mula sa isang Tweet o profile (tingnan ang seksyong Paano mag-ulat nang direkta mula sa isang Tweet, Listahan, o profile sa itaas).